Fonso V de Pertual , quicheado cumo "l Africano" por sues cunquistas nesse cuntinente fui un rei de Pertual que tubo cumo ua de las marcas de sou reinado guerras i cunquistas.

Segundo l cronista Rui de Pina trataba-se dun rei bastante culto que screbiu subre astrologie, matematica, alquimia, cabalharie i tamien era musico, deixando inda ua obra bastante amportante pa la epoca. An 1448, D. Fonso V assumiu l gobierno, anulando ls eiditales aprobados durante la regencia. Cul apoio de l tio homonimo D. Fonso I, Duque de Bergancia declarou D. Pedro enimigo de l reino, derrotando-lo na batailha de Alfarrobeira.

Cuncentrou-se anton na spanson ne l norte de Africa , adonde cunquistou Alcacer Ceguer, Anafe, Arzila, Tanger. Cuncediu l monopolio de l comercio na Guine la Fernon Gomes de la Mina, cula cundicon d'este splorar la cuosta, l que l lhiebarie an 1471 a la Mina, adonde ccubriu un florescente comercio d'ouro cujos lhucros auxeliorun l rei na cunquista.

An 1475, na sequencia dua crise dinastica, Fonso V casou cula sobrina D. Joana de Trastamara assumindo pretensones al trono de Castielha, qu'ambadiu. Passado nun oubter ua clara bitoria na Batailha de Tuoro, D. Fonso abdicou de la corona pa l filho, D. Juan II de Pertual , morrendo an 1481. Segundo alguns storiadores d'arte ye ua de las personaiges repersentadas nun de ls "Paineis de San Bicente de Fura" i para esses sta naquel que ye chamado de "Painel de l Anfante".