Declaracon Ounibersal de ls Dreitos Houmanos

Adotada i porclamada pul’Assemble Giral de las Naciones Ounidas an sue Resolucon n.º 217 (10 de Dezembre de 1948)

Ampeco

Cunsidrando que l recoincimiento de la denidade que sta agarrada a todos ls membros de la familia houmana i de ls sous dreitos eiguales i einalianables custitui l alicace de la lhibardade, de la justicia i de la pac ne l mundo;

Cunsidrando que l ccoincimiento i l cprezio de ls dreitos houmanos lheborun a feitos de barbelos que rebuolben la cuncencia de la Houmanidade i que la benida dun mundo an que ls seres houmanos seian lhibres de falar i d’acraditar, suoltos de l terror i de la miseria, fui apregonado cumo la mais mais alta anspiracon houmanos;

Cunsidrando que ye eissencial la portecon de ls dreitos houmanos por un regime de dreito, para que l home nun seia ampurrado, an redadeiro recurso, a la rebuolta contra la tiranie i la oupression;

Cunsidrando que ye eissencial ancoraijar l zambolbimiento de relacones de amisade antre las naciones;

Cunsidrando que, na Carta, ls pobos de las Naciones Ounidas apregonan, outra bec, la sue fe ne ls dreitos houmanos fundamentales, na denidade i ne l balor de la pessona houmana, na eigualdade de dreitos de ls homes i de las mulhieres i se cclaran resolbidos a faborecer l porgresso social i a criar melhores cundicones de bida andrento d?a lhibardade mais lharga;

Cunsidrando que ls Stados nembros se cumpormetirun a pormober, a la par cula Ourganizacon de las Naciones Ounidas, l respeito ounibersal i afatibo de ls dreitos houmanos i de las lhibardades fundamentales;

Cunsidrando que ?a eideia quemun destes dreitos i lhibardades ye de la mais alta amportanca para dar cumpleta sastifacon a esse cumpermisso;

L’Assemble Giral porclama la persente Declaracon Ounibersal de ls Dreitos Houmanos cumo eidial quemun a alcancar por todos ls pobos i todas las naciones, para que todas las pessonas i todos ls uorganos de la sociadade, tenendo-la siempre ne l sou sprito, se sforcen, pul ansino i pula eiducacon, por zambolber l respeito desses dreitos i lhibardades i por pormober, cun medidas porgressibas de orde nacional i anternacional, l sou recoincimiento i la sue aplicacon ounibersales i afatibos tanto antre las populacones de ls propios Stados nembros cumo antre las de ls territorios puostos ambaixo l sou mando.

Artigo 1°

Todos ls seres houmanos nacen lhibres i eiguales an denidade i an dreitos. Custuituidos de rezon i de cuncencia, deben portar-se uns culs outros an sprito de armandade.

Artigo 2°

Todos ls seres houmanos puoden aplediar puls dreitos i las lhibardades apregonados nesta Declaracon, sin ctincon algue, percipalmente de raca, de quelor, de sexo, de lhengua, de relegion, d’oupenion politica ou outra, d’ourige nacional ou social, de fertuna, de nacimiento ou de qualquiera outra situacon. Para alha desso, nun sera feita nanhue ctincon assente ne l statuto politico, juridico ou anternacional de l paic ou de l territorio de la naturalidade de la pessona, seia esse paic ou territorio andependiente, ambaixo tutela, outonomo ou sujeito a alg?a lhemitacon de soberanie.

Artigo 3°

To la pessona ten dreito a la bida, a la lhibardade i a la siguranca pessonal.

Artigo 4°

Naide sera mantenido an scrabatura ou an serbidon; la scrabatura i l trato de ls scrabos, an todas las formas, son bedados.

Artigo 5°

Naide sera submetido a tertura nien a penas ou tratos crueles, zoumanos ou degradantes.

Artigo 6°

To la pessona ten dreito al reconhecimento, an todos ls lhugares, de la sue personalidade juridica.

Artigo 7°

Todos son eiguales delantre la lei i, sin ctincon, tenen dreito a eigual portecon de la lei. Todos tenen dreito a portecon eigual contra qualquiera ccriminacon que biole la persente Declaracon i contra qualquiera aticamiento a essa ccriminacon.

Artigo 8°

To la pessona ten dreito a recurso afatibo pa las jurdicones nacionales cumpetentes contra ls atos que biolen ls dreitos fundamentales recoincidos pula Custituicon ou pula lei.

Artigo 9°

Naide puode ser preso sin mais nien menos, detenido ou eisilado.

Artigo 10°

To la pessona ten dreito, an cumpleta eigualdade, a que la sue causa seia eiquitatiba i publicamente julgada por un tribunal andependiente i amparcial que decida de ls sous dreitos i oubrigacones ou de las rezones de qualquiera acusacon an assunto penal que contra eilha seia puosto.

Artigo 11°

1. To la pessona acusada dun ato creminoso persume-se einocente ante que la sue culpa quede lhegalmente probada nun porcesso publico an que to las garanties necairas de defesa le seian asseguradas.

2. Naide sera cundanado por aciones ou oumissiones que, ne l momiento de la sue pratica, nun custituan ato creminal delantre l dreito anterno ou anternacional. De l mesmo modo, nun sera aplicada pena mais grabe do que la que era aplicable quando l ato creminal fui praticado.

Artigo 12°

Naide sufrira antromissones arbitrarias an sue bida pribada, an sue familia, an sue casa ou na sue correspundencia, nien ataques a la sue honra i bun nome. Contra tales antromissones ou ataques to la pessona ten dreito a portecon de la lei.

Artigo 13°

1. To la pessona ten l dreito de lhibremente circular i scolher la sue casa andrento dun Stado.

2. To la pessona ten l dreito de deixar l paic adonde sta, ancluindo l sou, i l dreito de bolber al sou paic.

Artigo 14°

1. To la pessona que seia perseguida ten l dreito a buscar i a cunseguir pousada an outros paises.

2. Este dreito nun puode, inda assi, ser ambocado ne l causo de porcesso rialmente eisistente por crime de dreito quemum ou por atebidades contrairas als fins i ls percipios de las Naciones Ounidas.

Artigo 15°

1. To l andebiduo ten dreito a tener ?a nacionalidade.

2. Naide puode ser arbitrariamente pribado de la sue nacionalidade nien de l dreito de demudar de nacionalidade.

Artigo 16°

1. Zde l'eidade casadeira, l home i la mulhier tenen l dreito de se casar i de custituir familia, sien ccreminacon de raca, nacionalidade ou relegion. Anquanto dure l casamiento ou na altura de se cfazer, ambos a dous tenen dreitos eiguales.

2. L casamiento nun puode ser celebrado sien l lhibre i cumpleto cunsentimiento de ls feturos casados.

3. La familia ye l eilemiento natural i fundamental de la sociadade i ten dreito a la portecon desta i de l Stado.

Artigo 17°

1. To la pessona, andebidual ou coletivamente, ten dreito a la porpiadade.

2. Naide puode ser sien mais nien menos pribado de la sue porpiadade.

Artigo 18°

To la pessona ten dreito a la lhibardade de pensamiento, de cuncencia i de relegion; este dreito ten cun el la lhibardade de demudar de relegion ou de pensamiento, assi cumo la lhibardade de manifestar la relegion ou pensar, solo ou an quemun, tanto an publico cumo an pribado, pul ansino, pula pratica, pula reza i puls rituales.

Artigo 19°

To l andebiduo ten dreito a la lhibardade de oupenion i de spresson, l que da l dreito a nun ser anquemodado pulas sues oupeniones i l de buscar, recebir i spalhar, sien tener na cuonta las frunteiras, anformacones i eideias por qualquiera meio de spresson.

Artigo 20°

1. To la pessona ten dreito a la lhibardade de reunion i de associacon pacificas.

2. Naide puode ser oubrigado a pertencer a ?a associacon.

Artigo 21°

1. To la pessona ten l dreito a fazer parte de la direcon de ls negocios, publicos de l sou paic, seia diretamente, seia por meio de repersentantes lhibremente scolhidos.

2. To la pessona ten dreito de antrada, an cundicones de eigualdade, pa las funciones publicas de l sou paic.

3. La buntade de l pobo ye l fundamiento de l’outoridade de ls poderes publicos; i debe spressar-se an eileicones hounestas a fazer periodicamente por sufraijo ounibersal i eigual, cun boto secreto ou an porcesso aparecido que assegure la lhibardade de boto.

Artigo 22°

To la pessona, cumo nembro de la sociadade, ten dreito a la siguranca social; i puode legitimamente eisigir la sastifacon de ls dreitos eiquenomicos, sociales i culturales andispensables, gracias al sfuorco nacional i a la coperacon anternacional, de harmonie cun la ourganizacon i ls recursos de cada paic.

Artigo 23°

1. To la pessona ten dreito al trabalho, a la lhibre scuolha de l trabalho, a cundicones eiguales i sastifatorias de trabalho i a la portecon contra l zamprego.

2. Todos tenen dreito, sien ccriminacon alg?a, a ?a paga eigual por trabalho eigual.

3. Quien trabalha ten dreito a ?a paga eigual i sastifatoria, que le premita i a la sue familia ?a eistencia al cunsante de la denidade huomana, i cumpletada, se possible, por todos ls outros meios de portecon social.

4. To la pessona ten l dreito de criar cun outras pessonas sindicatos i de se registrar an sindicatos para defender de ls sous antresses.

Artigo 24°

To la pessona ten dreito al ccanso i als gozos, specialmente, a ?a lhemitacon rezonable de la duracon de trabalho i a bacancas periodicas pagas.

Artigo 25°

1. To la pessona ten dreito a un nible de bida bastante pa le assegurar i a la sue familia la salude i l bien star, percipalmente quanto al quemido, al bestir, a ?a casa, a la assistencia medica i inda quanto als serbicios sociales necairos, i ten dreito a la siguranca ne l amprego, ne ls males, an la ambalhidec, an la biubec, na belhec ou noutros causos na que quede sien meios de mantenencia por circustancias andependientes de la sue buntade.

2. La maternidade i l’anfancia tenen dreito a ajuda i a assistencia speciales. Todos ls ninos, nacidos drento ou fuora de l matrimonio, gozan de la mesma portecon social.

Artigo 26°

1. To la pessona ten dreito a l’eiducacon. L’eiducacon debe de ser de gracia, al menos la que corresponda al ansino eilementar fundamental. L ansino eilementar ye oubrigatorio. L Ansino tecnico i porfissional debe de ser alhargado; l poder chegar als studos superiores debe de star abierto a todos an cumpleta eigualdade, an funcion de l sou mercimiento

2. L’eiducacon debe apuntar al cumpleto zambolbimiento de la personalidade houmana i al refuorco de ls dreitos houmanos i de las lhibardades fundamentales i debe faborecer l antendimiento, la tolerancia i l'amisade antre todas las naciones i todos ls grupos raciales ou relegiosos, bien cumo l zambolbimiento de las atebidades de las Naciones Ounidas pa la manutencon de la pac

3. Als pais pertence antes de qualesquiera outros l dreito de scuolha de la culidade de eiducacon a dar als filhos.

Artigo 27°

1. To la pessona ten l dreito de tomar parte lhibremente an la bida cultural de la quemunidade, de gozar las artes i de partecipar ne l porgresso cientifico i ne ls beneficios que deste resultan.

2. Todos tenen dreito a la portecon de ls antresses morales i materiales lhiados a qualquier porducon cientifica, lhiteraria ou artistica de la sue outorie.

Artigo 28°

To la pessona ten dreito a que reine, ne l plano social i ne l plano anternacional, ?a orde capac de tornar plenamente afatibos ls dreitos i las lhibardades apersentadas na nesta Declaracon.

Artigo 29°

1. L andebiduo ten deberes na relacon a la quemunidade, fuora de la qual nun ye possible l lhibre i cumpleto zambolbimiento de la sue personalidade.

2. Ne l eisercicio destes dreitos i ne l gozo destas lhibardades naide sta sujeito seno a las lhemitacones stabelecidas pula lei cul perposito sclusibo de pormober l reconhecimiento i l respeito de ls dreitos i lhibardades de ls outros i para sastifazer las justas eisigencias de la moral, de la orde publica i de l bien-star n?a sociadade democratica.

3. An causo algun estes dreitos i lhibardades poderan ser eisercidos cuntrariamente als fins i als percipios de las Naciones Ounidas.

Artigo 30°

Nanh?a cposicon de la persente Declaracon puode ser anterpretada de modo a ambolber para qualquier Stado, agrupamiento ou andebiduo l dreito de se antregar a alg?a atebidade ou de praticar algun ato ctinado a ctruir ls dreitos i lhibardades eiqui apuntados.

Wikisource