Modelo:Anfobox

  Nota: Pa outros segneficados, cunsulta Alma (zambiguacon) .

Alma ye un termo deribado de l'heibraico nephesh , que senefica bida o criatura ^[1] , i tamien de l latin animu , que senefica "l qu'anima" ^[2] .

Na religion ten grande amportanca, sendo l motibo d'haber capacidade al andibiduo a fazer i bibir cousas i momientos cumplexos. Fui ccutida i citada na filosofie ^[3] .

Alma i las Religiones [ eiditar | eiditar codigo-fuonte ]

Cristandade [ eiditar | eiditar codigo-fuonte ]

I pula palabra alma antendo ua eissencia eimortal, assi i todo criada, que le ye de las dues la parte mais nobre.

— La defenicon d'alma para Joao Calbino. [4]

Joao Calbino , l fundador de l calbenismo , ^[5] defendiu que l sprito i l'alma son ctintos, i qu'eilha ye eimortal. ^[4] Segundo la Biblia , l'alma puode perder-se, ser salba i eisistir passado a la muorte de l cuorpo. Eilha tamien ye citada cumo la fuonte de todas las sensacones i sentimientos houmanos, para alha de ser la respunsable de la quemunhon houmana cun Dius . ^[1]

Teosofia [ eiditar | eiditar codigo-fuonte ]

Na Teosofia, l'alma ye associada al 5º percipio de l Home, Manas , la Alma Houmana o Minte Debina. Manas ye l'eilo antre l sprito (la diade Atman - Budhi ) i la materia (ls percipios anferiores de l Home).

Assi, la custituicon setupla de l Home, aceita na Teosofia, adata-se facilmente a un sistema cun tres eilemientos: Sprito , alma i cuorpo. Sendo l'alma l'eilo antre l Sprito i l cuorpo.

Ciencia moderna [ eiditar | eiditar codigo-fuonte ]

Dua forma giral, la ciencia moderna studa l'home sin fazer refrencias a ua alma eimaterial, ua bec que, se eisiste, nun puode ser ouserbada nin medida puls strumientos atuales. Anque desso, alguns cientistas tenen tentado ancontrar eibidencias de l'eisistencia i de la natureza de l'alma houmana. Muitas de las pesquisas cientificas nesse assunto ban an direcon de las spriencias de quaije-muorte , mas nun eisisten probas cunclusibas pa la ciencia moderna de que rialmente ls pacientes sairan de l propio cuorpo, o se sofrirun d'alucinacones. Hai tamien alguns cientistas cumo Ian Stebenson i Brian Weiss que cunduziran studos de causo subre ninos narrando spriencias anteriores al nacimiento, i que poderien sugerir ua possibelidade de rencarnacon (antoce, eisistencia de l'alma), ambora nun tengan demunstrado pul porcesso cientifico cumo esto poderie ocorrer.

Neurociencia [ eiditar | eiditar codigo-fuonte ]

La neurociencia ye un termo que reune las deciplinas biologicas que studan l sistema nerboso . Muitas ccubiertas de la neurociencia trazen antrigantes fatos a respeito de la minte .

Calosotomie cumpleta [ eiditar | eiditar codigo-fuonte ]

L studo de pessonas que tubirun ls dous heimisferios cerebrales apartados (l que se chama de calosotomie, resultado de cirurgie para tratar causos grabes de eipilepsia , o debido a traumatismos o derrames) tenen trazido amportantes amplicacones pa l'antendimiento de l funcionamiento de a minte. Ls heimisferios dreito i squerdo son an muitos aspetos simetricos. L'heimisferio dreito cuntrola l lado squerdo de l cuorpo i l'heimisferio dreito cuntrola l lado squerdo i las funcones mentales son ctribuidas ne ls dous. Inda assi, na maiorie de las pessonas, alguas funcones mentales son mais cuncentrados ne l'heimisferio squerdo (lenguaige, pensar linear), anquanto outras son mais cuncentradas ne l dreito (emocones antensas, antuicon spacial de l propio cuorpo, spresson emocional ne l rostro), ambora essas funcones nun seian sclusibas de cada heimisferio. Para alha desso, l campo bisual squerdo de cada uolho ye recebido pul heimisferio dreito i l campo bisual dreito ye recebido pul squerdo. L cuorpo caloso permite la quemunicacon antre ls dous heimisferios.

Ocorre que ne ls pacientes que tubirun sou cuorpo caloso cumpletamente debedido (calosotomie), ls heimisferios perden la quemunicacon antre si (ambora cul tiempo l cerebro tenda a ancontrar outras maneiras de stablecer quemunicacon antre ls dous heimisferios atrabec d'outras conexones nerbosas qu'eisisten ne l cerebro para alha de l cuorpo caloso). Cun esso, l'heimisferio squerdo, que cuntrola l lado dreito de l cuorpo i ye especializado na lenguaige, passa a funcionar de modo apartado de l'heimisferio dreito, que cuntrola l lado squerdo de l cuorpo i ye especializado nas emocones. ^[6]

Ambora l'heimisferio dreito nun tenga acesso als centros de lenguaige i, antoce, nun puoda falar, el puode rearranjar cartas cun letras cpostas nua mesa cula mano squierda. Por eisemplo, nun studo, a un sujeito qu'habie sofrido calosotomie fui preguntado subre qual ye sue profisson eideal. Berbalmente (o seia, usando l'heimisferio squerdo), l paciente respundiu qu'el gustarie de ser zamhista. Inda assi, cula mano squierda (esto ye, usando l'heimisferio dreito), el rearranjou las letras formando las palabras "corrida outomobilistica" ("car race", an angles) sin que sou heimisferio squerdo (l que fala) tubisse cuncencia desso. ^[7]

Roger Sperry , subre nua pesquisa cun pacientes cul cerebro debedido, relata que, quando fui mostrada al heimisferio dreito de l paciente (por meio d'oclos speciales que bloqueian l campo bisual dreito de cada uolho) ua foto dua pessona fameliar, a mano squierda apuntou la purmeira letra de l nome dessa pessona, ambora l paciente dezisse (l'heimisferio squerdo) que nun bie foto algua i que tampouco mobia l braco esquerdo. Quando ua foto de l propio paciente fui mostrada al heimisferio dreito, l paciente respundiu cun reacones emocionales tales cumo gargalhadas i sorriso outoconsciente, para alha de frases emocionales simples cumo "Oh, no! Oh, Dius!". L'heimisferio dreito tamien respundiu cun polegar para cima o para baixo de modo socialmente correto para fotos de personalidades famosas tales cumo Winston Churchill i Hitler. Todo esso cul paciente dezindo (sou heimisferio squerdo) que nun bie foto nanhue. ^[8]

L'heimisferio dreito de l cerebro, funcionando andependientemente i eisolado de l squerdo, demostra anteligencia. El puode perceber, analisar, lembrar, rializar pensar cumplexo, cumprender emocones i spressa-las, demostrar coincimiento cultural i respunder criatibamente la nuobas situacones. ^[9]

Essas pesquisas mostran que, an alguns causos de cerebro debedido, l cerebro gera l que parece ser dues cuncencias apartadas. La pesquisa subre pacientes cun cerebro debedido lebou l neurocientista i ganhador de l premio Nobel Roger Sperry a cuncluir: "Todo l que benimos andica que la cirurgie deixou essas pessonas cun dues mintes ctintas, esto ye, dues sferas apartadas de cuncencia. L que ye spurmentado ne l'heimisferio dreito parece star totalmente fura de l ambito de l que ye spurmentado pul heimisferio squerdo." ^[10]

Ua de las cunsequencias mais dramaticas i eibitadas de la calosotomie ye la sindrome de a mano alheia . Ua de las manos "ganha buntade propia" (an giral la squierda) passado la cirurgua i se oupone al que l paciente zeia, cfazendo l que a mano dreita fac (cunflito antermanual). Por eisemplo, tarefas cumo abrir ua puorta cula mano dreita ye cfeita pula squierda. Al se bestir, a mano squierda puode se oupor, i luita para tirar la roupa que a mano dreita por sue bec luita para poner. An outro causo, a mano squierda (heimisferio dreito) dun paciente preferie alimientos defrentes i ate mesmo porgramas de telebison defrentes, anterbindo contra la buntade spressa pulas acones de a mano dreita que ye berbalizada pul paciente. Hai inda l causo dun paciente cuja mano squierda se oupunha siempre que l paciente tentaba acender un cigarro i fumar, a mano squierda frequentemente arrincaba l cigarro o l squeiro i ls atiraba loinge. Outro causo relatado ye la dun paciente cuja mano stranha ampalpaba l teta de todas las mulhieres que se aprossimaban del, probocando un grande cuntrangimiento para el. ^[11]

D'acuordo cun alguns eideales ateistas, esses studos cientificos colocan serias questones al dualismo , pus sous resultados parecen anconceliables cula eideia de l'eisistencia dua alma andebidual (esto ye, andebesible) andependiente de l cerebro, ya que fornecen fuortes eibidencias de qu'ua debison fisica de l cerebro porduc cumo que dues almas defrentes que possuen propositos, gustos, oupeniones, personalidade i pensamientos dibersos, ambora cumpartilhen lembrancas de fatos anteriores a la separacon de ls heimisferios. Se a minte se torna dues mintes al nible fisico de l cerebro debedido an dous, cumo nun cuncluir que, durante l momiento de la muorte fisica de l cerebro i la rutura cada bec maior de las conexones nuronales, l que chamamos de minte se multiplica an numerables mintes cada bec mais cpersas ate que todas las conexones se cfazen? ^[12]

Mas, de l punto de bista de defensores de l'alma, esto amplica solo ne l resultado dun eifeito fesiologico de l cuorpo. Sendo l cuorpo l'ambolucro temporairo de l'alma, esta queda sujeita las cundicones qu'este le ouferece para se spressar. Sendo l'alma de l ser houmano cundizente cul sou grau d'eibolucon, esta tamien nun ye purfeita i esta sujeita las sues buntades anquanto ne l cuorpo, seguindo ls percipios de l libre-arbitrio , i tamien las sues lemitacones. Acuntecimientos cumo estes puoden ser parte de porcessos rencarnatorios, segundo ls principios de la rencarnacon . I tamien simplesmente splicados cul fato de l cuorpo ser la dualidade d'emocon i pensar. Se l sou cerebro, uorgon cundutor i comandante de l sistema nerboso, sta debedido, l cuorpo queda passible de sues cunsequencias. L fato d'aparente dues cunsciencias surgiren, nada mais ye de l que l'emocional i l racional, que normalmente trabalhan an cunjunto, quando nun an harmonia mas an acuordo quando un supera l'outro, neste causo quedan totalmente apartados, spondo talbec, cousas qu'un deixaba scondido de l'outro, quando spresso na atitude de l ser houmano albo de la Calosotomie .

Storia eibolutiba de l cunceito [ eiditar | eiditar codigo-fuonte ]

Chegou a ua altura na storia de l'houmanidade an que l Home ampecou berdadeiramente a assumir l'eisistencia dua alma .

La Alma siempre fui motibo de cuntrobersia antre las defrentes chamacones relegiosas i fes, mesmo porque nunca fui totalmente cumprendida, splicada o ouserbada.

Antes que l'home cuncluisse que la possibelidade dua alma an eibolucon an cunjunto cula minte dun andibiduo i cula paternidade dun sprito debino, julgou-se qu'eilha residie an defrentes uorgones fisicos ? ne ls uolhos , ne l figado , ne ls rines , ne l coracon i, mais tarde, ne l cerebro . Ls salbaiges associaban la alma al sangre , a la respiracon , a las selombras i als reflexos de l sou you na auga .

Mais tarde ls hindus cuncebirun l atman . Ls mestres hindus rialmente aprossimorun-se dua abaluacon de la natureza i de la persenca dun sprito, mas houbo ua falha probable quando nun ctinguiran a co-persenca de la alma an eibolucon, potencialmente eimortal.

Ls chineses, assi i todo, reconhecirun dous aspetos nun ser houmano, l yang i l yin , la alma i l sprito .

Ls eigipcios i muitas tribos africanas tamien acraditaban an dous fatores, l ka i l ba ; i nun acraditaban giralmente que la alma fusse preisistente, solo l sprito. Ls antigos habitantes de las tierras que circundaban l bal de l Nilo acraditaban que to andibiduo faborecido tenie recebido a la nacenca, o pouco depuis, un sprito protetor la que chamaban ka. Eilhes ansinaban qu'esse sprito guardion permanecie cul sujeito mortal al longo de la bida i que passaba, antes del, pa l stado feturo.

Nas paredes dun templo an Luxor , adonde sta eilustrado l nacimiento de Amenofis III , l pequeinho princepe sta retratado ne ls bracos de l dius de l Nilo i, prossimo a el, sta ua outra nino, identica al princepe na aparencia, que ye l simblo daquela antidade la que ls eigipcios chamaban ka. Essa scultura fui treminada ne l decimo quinto seclo antes de Cristo .

Julgaba-se que l ka era un genio de sprito superior, que zeiaba guiar l mortal ligado a el an caminos melhores na bida temporal; mas, mais specialmente, el zeiaba anfluenciar la suorte de l sujeito houmano na prossima bida. Quando un eigipcio desse periodo morria, era sperado que l sou ka stubisse aguardando por el de l'outro lado de l Grande Riu. La percipio, supunha-se que solo ls reis tubissen kas, mas afinal, acraditou-se que todos ls homes retos possuian-mos.

To esta rica eideologie creciu, fomentando las raizes que deriborun mais tarde ne ls cunceitos atuales de l'alma, base de muitas religiones cujos seguidores acraditan tenr almas, o seren acumpanhados por eilhas i mesmo ate seren eilhes propios las almas.

Refrencias

Modelo:Ver tamien [ eiditar | eiditar codigo-fuonte ]

L Wikiquote ten ua colecon de citacones de o subre: Alma .

• Alma penada
• Atman
• Brahman
• Budismo
• Cunscienciologie
• Doutrina Sprita
• Sprito
• Minte
• Projeciologie
• siete percipios de l'home (teosofia)
• Teosofia
• Waldo Viera
• Eimortalidade

Lhigacones sternas [ eiditar | eiditar codigo-fuonte ]

• .com/santos/almasdopurgatorio.htn Almas de l Purgatorio segundo la doutrina catolica ()