Ny
sakramenta
na
Sakramenta Masina
, ao amin' ny
fiangonana kristiana
tranainy sy be mpanaraka, dia fombam-pivavahana inoana fa naorin' i
Jesoa Kristy
ary nampitandreminy ny Fiangonana mba hampitana sy hanomezana ny
fahasoavan
'
Andriamanitra
. Sady famantarana (na tandindon') ny fihavanana eo amin' Andriamanitra sy ny olombelona no fitaovana ahatongavana amin' izany ny sakramenta. Fito ny isan' ny sakramenta ao amin' ny
Fiangonana katolika
sy ny
Fiangonana ortodoksa
fa roa fotsiny izy ao amin' ny
Fiangonana protestanta
. Ny sakramenta dia famantarana atao hanomezana sy hampitomboana ny
fahasoavana
izay manamasina ny mpino.
Famantarana masina hita maso momba ny fitiavan' Andriamanitra ny sakramenta. Mandray ny
fanomezam-pahasoavan' ny Fanahy
ny olona mandray ny sakramenta.
Ny sakramenta ao amin' ny Katolika sy ny Ortodoksa
[
hanova
|
hanova ny fango
]
Fito ny isan' ny sakramenta ao amin' ny Fiangonana katolika sy ny Fiangonana ortodosa, dia ireto avy:
- ny
batemy
, izay manamarika ny fidiran' ny olona iray ao amin' ny fikambanan' ny Kristiana;
- ny
eokaristia
, izay izarana ny mofo sy ny divay nohamasinin' ny
pretra
sady zary vatana sy ran' i Kristy;
- ny
konfirmasiona
(ao amin' ny Fiangonana katolika) na ny
krismasiona
(ao amin' ny Fiangonana ortodoksa) izay manavao ny fanekana natao tao amin' ny batemy;
- ny
sakramentan' ny fampihavanana
(atao hoe
sakramentan' ny famelan-keloka
) izay ieken' ny mpino ny
fahotany
sy angatahany
famelan-keloka
izay homen' ny
pretra
azy;
- ny
fanosorana ny marary
(atao hoe sakramentan' ny marary na fanosorana farany) dia sakramenta natokana ho an' ny marary sy ireo efa ambavahaonan' ny fahafatesana ka atao hanampiana azy hahazaka miaritra ny fahoriana;
- ny
fanambadiana
, izay mampitambatra ny lehilahy sy ny vehivavy kristiana mba ho mpivady;
- ny
ordinasiona
na
filaharana
izay manome fahefana ny pretra mba hanatanteraka ny asa masina sahaniny, izany hoe hahafahany manome ny sakramenta amin' ny alalan' ny Fiangonana.
Ny sakramenta ao amin' ny Protestanta
[
hanova
|
hanova ny fango
]
Roa ihany ny sakramenta ao amin' ireo Fiangonana protestanta, dia ny
batisa
(na batemy) sy ny
fanasan' ny Tompo
.