I Mikronezia dia iray amin' ireo vondro-nosy telo lehibe, manampy an' i Melanezia sy i Polinezia , izay mamorona an' i Oseania . Ireto avy ny fanjakana sy ny faritra ara-politika hita ao amin' ny faritr' i Mikronezia:

• ny Fanjakana mizakatenan' i Mikronezia ;
• ireo Nosy Marsaly (Marshall);
• i Kiribaty (Kiribati);
• ireo nosy Mariana Avaratra (miankina amin' i Etazonia );
• i Wake (miankina amin' i Etazonia);
• i Naoro (Nauru);
• i Palao (Palaos);
• i Guam (miankina amin' i Etazonia);

Fiteny any Mikronezia [ hanova | hanova ny fango ]

Ny fiteny tenenina any amin' ny faritr' i Mikronezia talohan' ny fanjanahan-tany eoropeana, dia ireo fiteny mikroneziana , ao amin' ny sampana malaio-polineziana n' ny fiteny aostroneziana . Ny fiteny mikroneziana dia isan' ny fiteny oseaniana . Isan' ny fiteny any Mikronezia ny fiteny karoliniana, ny fiteny zilbertina, ny fiteny kosrae, ny fiteny lamotreka, ny fiteny marsaley , ny fiteny mokily, ny fiteny mortloka, ny fiteny pohnpela, ny fiteny poloaty, ny fiteny sooka, ny fiteny olity, ary ny fiteny sonsoroley. Ahitana fiteny polineziana , izay mbola fiteny aostroneziana, koa ao.

Jereo koa [ hanova | hanova ny fango ]

• Mikronezia (fanjakana)
• Fiteny mikroneziana

Fizaram-paritra any Oseania :

• Mikronezia
• Melanezia
• Polinezia
• Aostralazia