Ny hoditra dia soson' ny taova malemilemy sy malefaka mandrakotra ny vatan' ny biby manana hazondamosina , izay manana anjara asa telo lehibe: fiarovana sy fifehezana ary fahatsapana. Io no taova mivelatra indrindra sy mavesatra indrindra amin' ny tena n' olombelona ; Amin' ny olon-dehibe dia manodidina ny 2 m ² ny velarany, ny hateviny dia miovaova eo amin' ny 1 ka hatramin' ny 3 mm. Na izany aza dia kely lavitra noho ny an' ny tsinay (300 ka hatramin' ny 400 m ² ,) sy ny havokavoka (80 m ² ) ny velaram-pifanakalozany.