Ny
fiteny fenika
na
fiteny finika
na
fiteny balto-finoa
na
fiteny balto-finika
dia
fianakaviam-piteny
ao
Eoropa Avaratra
. Mirafitra ao amin' ny
fiteny fino-ogriana
(izay ahitana koa ireo
fiteny sama
na
fiteny lapona
any
Laponia
sy ny
fiteny hongariana
ary ny fiteny madinika maro ao
Rosia
) izy. Ny teny hoe
fenika
na
finika
dia mampahatsiahy an' i
Estonia
sy i
Finlandy
ary i
Carelia
. Manodidina ny
Ranomasina Baltika
no onenan' ny ankamaroan' ny mpiteny fenika izay miisa 7 tapitrisa any ho any.
Firenana roa eto amin' izao tontolo izao no manao fiteny fenika iray ho
fiteny ofisialy
: i Finlandy (
fiteny finoa
) sy i Estonia (
fiteny estoniana
).
Ny fiteny ao amin' ny fianakaviam-piteny fenika
[
hanova
|
hanova ny fango
]
Ny fianakaviam-piteny fenika dia ahitana: ny
fiteny finoa
, ny
fiteny kareliana
, ny
fiteny vepsa
, ny
fiteny vota
, ny
fiteny ingriana
, ny
fiteny estoniana
, ary ny
fiteny livoniana
.
Tenenina ao
Finlandy
, ao
Estonia
, ao
Soeda
, ao
Norvezy
ary ao avaratra?andrefana amin' i
Rosia
ny
fiteny finoa
. Io fiteny io dia mizara ho karazany maromaro: ny fiteny soomy izay tenenina ao Finlandy, sy ny fitenim-pariny toy ny fiteny savo; ny fiteny kvena, izay tenenina ao Norvezy; ny fiteny meankiely na finoa tornedaliana izay tenenina ao Soeda.
Fitenin' ny vahoaka Kareliana ao
Carelia
, faritra midadasika misabaka eo amin' i
Finlandy
sy i
Rosia
, ny
fiteny kareliana
. Ireto ny sampany: ny fiteny karjala (tenenina ao Rosia sy ao Finlandy) sy ny fiteny olonetsiana ary ny fiteny loda.
Fitenin' ny vahoaka Vespa ao amin' ny Repoblikan' i Carelia ny
fiteny vepsa
na fiteny vespiana. Ny Vespa dia monina any amin' ny morontsiraka andrefan' ny Farihy Onega (any Carelia rosiana) sy any amin' ny ilany atsinanan' ny Oblastan' i Leningrad ary any amin' ny tapany andrefan' ny Oblastan' i Vologda.
Fitenin' ny vahoaka Vota ny
fiteny vota
, izay tsy mbola voasoratra. Tandindomin-doza ity fiteny ity indrindra noho ny fanjavonan' ny vahoaka mpiteny azy. Tanana telo any atsinanan' ny vinanin' ny ony Luga, any andrefan' i Saint-Petersbourg, any
Rosia
, no misy ireo mpiteny azy ireo.
Tenenina ao amin' ny Oblastan' i Leningrad, ao amin' ny Raionan' i Kingissepp sy ny Raionan' i Lomonosov, ny
fiteny ingriana
na fiteny izora na fiteny izoriana. Mihena isa hatrany ny vahoaka Ingriana ka noho izany dia tandindomin-doza ilay fiteny. Mizara ho fitenim-paritra roa ny fiteny ingriana, dia ny fitenim-paritr' i Soikkola, izay tenenina ao amin' ny saikinosy Soikino, any amin' ny Raionan' i Kingissepp, sy ny fitenim-paritr' i Hevaha, ao amin' ny Raionan' i Lomonossov.
Fiteny ofisialin' i
Estonia
ny
fiteny estoniana
, izay mizara ho vondrom-pitenim-paritra roa, dia ny fiteny estoniana avaratra (fiteny eesty) (izay tenenina ao Estonia, ao Finlandy, ao
Letonia
ary ao avaratra-andrefana amin' i Rosia; sy ny fiteny estoniana atsimo, izay mizara ho fiteny voro (ao Estonia), fiteny lotsy (ao Letonia), fiteny molgy (ao Estonia), fiteny seto (ao Estonia sy ao Rosia), ary fiteny tarto (ao Estonia).
Ny
fiteny livoniana
na
fiteny liva
dia fiteny be mpampiasa tany
Livonia
nefa lasa
fiteny maty
ankehitriny.
Maty tany
Kanada
tamin' ny taona 2013 ny Livoniana farany niteny livoniana. Livoniana vitsivitsy no mianatra na nianatra ilay fiteny mba hamelomana azy indray na dia tsy matetika aza ny fampiasana azy.