한국   대만   중국   일본 
Honoris Causa - Wikipe?ia bhasa Madhura Lompat ke isi

Honoris Causa

?ari Wikipe?ia bhasa Madhura, lombhung pangataowan mardhika

Jhuluk Honoris Causa (H.C) / Jhuluk kahormadhan iya areya jhuluk sarjana se eberri' bi' perguruan tegghi/universitas da’ ka oreng se nyokobhin syarat tanpa oreng kasebbhut noro' ka program ban lulus ?ari pendidikan se etettep aghi. [1]

Jhuluk Honoris Causa bisa ebaghi bila orengnga eangghap an?i' jasa ban karja lowar biyasa kaangghuy elmo pangataoan ban ummat manossa. [2]

Anapon jhuluk reya bisa esaba' eCV keng banni ebagiyan riwayat pendidikan. [3] Sahubungan kalaban pangangghuy jhuluk kahormadhan areya, kabijakan institusi pendidikan tengghi umumma menta kaangghuy panarema jhuluk "ta' ngadopsi jhuluk se nyesataghi" [4] ban panarema jhuluk doktor kahormadhan kodhu abatesin pangangghuyya jhuluk ”Dr”. Sabelluna nyamana epanoro' dalam institusi pendidikan tengghi se aberri' ban ta?a' ?alam komunitas se lebbi loas. [5] Theodore Hesburgh an?i' rekor menangka se negghu’ jhuluk kahormadhan paleng bannya’, ella narema 150 jhuluk kahormaten salanjhanga o?i’na. [6]

Sajhara [ becce' | becce' sombher ]

Jhuluk doktor kahormatan ecatet lughalluna ebaghi ?a’ ka Lionel Woodville parkera’an taon 1470 bi' Universitas Oxford, Oxford, Oxfordshire, Inggris. [7] Lionel ekennal menangka Uskup Wilayah Salisbury. [8]

Awwala, papareng jhuluk doktor kahormadhan areya eangghap hal se ta’ biyasa. Papareng jhuluk dokter kahormadhan areya molae eangghap biyasa sekitar abad ka-16, otamana ebakto bannya’ universitas-universitas se ghi ta’ terkenal ebakto dhimen. Universitas rowa narema kunjungan kahormadhan ?ari universitas-universitas se an?i’ nyama akanta Universitas Oxford otaba Universitas Cambridge. [7]

Ebakto kunjunganna James I ka Universal Oxford e taon 1605, 43 ?ari rombonganna (15 eantaranna golongan bangsawan tengghi ban ksatria) ngaolle jhuluk kehormaten Master of Arts dari Universitas Oxford ban kabbhi andi' status kasarjana'an se possa'. [9]

Oreng se la mare narema jhuluk doktor kahormadhan, ngaolle hak se sami enga' reng-oreng se narema jhuluk se laenna, misalah olle nyertaaghi tandha kadoktoranna e ada’na nyamana (Dr. xxx) otaba bisa nyaba'aghi tandha khosos kalaban esingkat H.C (Dr. H.C xxx). [10]

Syarat [ becce' | becce' sombher ]

Ta' sakabbhina perguruan tegghi/universitas olle aberri' jhuluk doktor kahormadhan, ghun perguruan tegghi/universitas se mapossa' syarat e baba reya: [11]

  • Toman ngaselaghi sarjana se ajhuluk ilmiah Doktor,
  • An?i' fakultas otaba jurusan se abina ban ngembangaghi cempar elmoh pangataoan se nyambhung ban bidang elmoh pangataoan se dhaddhi ruang lingkup jasa ban otabeh karya de' ka se a berri' Jhuluk, ban
  • Andi' ghuruh raja se tettep sa rang-korangah 3 (tello') oreng dalem bidang se e maksod e poin kapeng duwe'.

Kriteria kaangghuy jasah otaba karya lowar biyasah kaangghuy elmoh pangataoan ban ummat manussah saengga pangghaghas/panglakonah bisah narema jhuluk doktor kahormaten iya areya karya otaba jasa se: [12]

  • Se loar biyasah ebidang elmoh pangataoan ban teknologi, pendidikan ban pangajharan
  • Se sanget aberri' arteh kaangghuy pangembangan pendidikan ban pangajharan dalam settong otaba sakalompo' bidang elmo pangataoan, teknologi ban sosial bhudhaja.
  • Se sanget amanpaat kaangghuy kamajhuwen otabeh kamakmuran ban kasejahteraan bhangsah ban naghara khususah ummat manossa secara umumma.
  • Se loar biyasah ngembang aghin hubungan bhagus ban a manfaat antarana bhangsa ban naghara kalaban bhangsah ban naghara laennah e bidang politik, ekonomi ban sosial buddaja, ban
  • Se sacarah loar biyasa nyombhang aghi kalakoan ban pekkeran kaangghuy parkembangan perguruan tinggi.

Palaksana'an [ becce' | becce' sombher ]

Ta' sakabbhina panarema jhuluk doktor kahormaten bisah ghampang nyantumaghi jhuluk doktor (Dr. xxx) e bun ade'na nyamana. Esabagiyan naghara tamaso' Inggris, Australia ban Selandia Baru, iya areya hal se ta' biasah ka oreng se narema jhuluk doktor kahormaten kaangghuy nyantumaghi jhuluk doktor ebunade'na nyamana. [13] Namong badha sabagiyan pangecualian se ebaghi ka sabaghiyan oreng ebebe areya:

  • Benjamin Franklin, se narema jhuluk doktor kahormaten dari Universitas St. Andrews e bakto 1759 ban Universitas Oxford e bakto 1762. Franklin anyamai aba' dhibi'na dhaddih Doctor Benjamin.
  • Billy Graham ejhuluki ban esebbhut "Dr. Graham", [14] sanajjhan jhuluk akademik se paleng tenggih se ekaolle iya areya BA (Sarjana) dalem antropologi e Wheaton College.
  • Edwin H. Land, se nemmoh kamera langsung dhaddhi Land Camera , ban pendiri Polaroid Corporation, narema jhuluk doktor kahormaten dari Universitas Harvard ban kadhang e rujuk dhaddhih "Dr. Land", sanajjhan Land ta' andi' jhuluk akademik. [15]
  • Penulis memoir ban penyair Maya Angelou ta'andi' jhuluk akademik, nangeng narema polowan jhuluk kahormaten ban lebbi senneng esebbhut "Dr. Angelou" ban asareng  reng-oreng salaenna keluargana ban kancah semma'na. [16]
  • Soekarno, Presiden kapeng sittong Indonesia, eanugerah aghi 26 jhuluk kahormaten dari amacem universitas internasional kadhi Universitas Columbia, Universitas Michigan, Universitas Berlin, Universitas Al-Azhar, Universitas Belgrade, Universitas Lamonosov ban laenna. Serta dari universitas dalem negeri kadhi Universitas Gadjah Mada, Universitas Indonesia, Institut Teknologi Bandung ban Universitas Padjadjaran. Soekarno kadhang esebbhut sareng Pamarenta Indonesia ebakto arowa menangka 'Dr. Ir. Sukarno', [17] egabungaghi ban jhuluk akademikah ebidang arsitektur (Ir) dari Institut Teknologi Bandung.

Sombher [ becce' | becce' sombher ]

  1. ↑ "The Honorary Degree" . honorarydegrees.wvu.edu. Akses 2015-03-30.
  2. ↑ "Honorary Degrees: A Short History" . Brandeis University. Akes 2023-04-02
  3. ↑ "Honorary Degrees" Diarsipkan 2017-07-22 di Wayback Machine . commencement.msu.edu. Akses 2017-12-17.
  4. ↑ McNeilage, Amy. "Ian Thorpe now Dr Thorpedo, man of letters" . hlm. 31. www.smh.com.au. 2014-10-3. Akses 2023-04-02.
  5. ↑ "Honorary Doctorate (honoris causa) Guidelines". Diarsipkan 2017-07-25 di Wayback Machine .University of Southern Queensland. Akses 2023-05-01.
  6. ↑ "Gelar Kehormatan". hesburgh.nd.edu. Akses 2023-05-01.
  7. ↑ 7,0 7,1 Buxton, L. H. Dudley dan Gibson, Strickland, Oxford University Ceremonies , Oxford University Press (1935).
  8. ↑ "Oxford Dictionary of National Biography". [1]
  9. ↑ Lionel Wijesiri. "Doktor sepeser pun selusin". Daily News. Akses 2008-11-11.
  10. ↑ "Gelar Doktor Kehormatan" bestaccreditedcolleges.org. Akses 2023-05-01.
  11. ↑ "Syarat Gelar Doktor Honoris Causa. "tempo.co. Akses 2021-12-9.
  12. ↑ "Syarat dan Tata Cara Pemberian Gelar Doktor Kehormatan". hukumonline.com. Akses 2016-05-26.
  13. ↑ "Cara Menggunakan Gelar Kehormatan" The Protocol School of Washington. Akses 2023-05-01.
  14. ↑ Dr. Billy Graham trying to avoid offending Soviets", UPI story in Minden Press-Herald , 10 Mei 1982, hlm. 1
  15. ↑ Bonanos, Christopher (2012). Instant: The Story of Polaroid, Princeton Architectural Press, hlm. 13. ISBN 978-1616890858
  16. ↑ Gillespie, Marcia Ann, Rosa Johnson Butler, and Richard A. Long. (2008). Maya Angelou: A Glorious Celebration. New York: Random House. ISBN 978-0-385-51108-7
  17. ↑ KETETAPAN MAJELIS PERMUSYAWARATAN RAKYAT SEMENTARA REPUBLIK INDONESIA No.XXXIII/MPRS/1967 TENTANG PENCABUTAN KEKUASAAN PEMERINTAH NEGARA DARI PRESIDEN SUKARNO tatanusa.co.id. Akses 2023-04-02.
Olle ?ari " https://mad.wikipedia.org/w/index.php?title=Honoris_Causa&oldid=14339 "