Vajray?na

Quest articol chi l'e scrivud in lombard , con la Noeuva Ortografia Lombarda

Ol Vajray?na ( devan?gar? : ???????; in mongol : Очирт х?лг?н, Ochirt Holgon ), ciamad ancasi mantrayana , tantrayana , buddhesim esoteregh o tantregh e carroccia de diamant ( cines : 金剛乘, j?ng?ngsheng , sgiapones : 金剛?, kong?j? ), l’e un insema de scœule buddhiste esotereghe . Ol so nom el ven sgio del sanscret , e el signifega ‘veicol de diamant’.

Una quaj vœulta, ol vajray?na l’e considerad coma una estension del buddhesim m?hay?na , ma el se desmarca del ram prenzipal de questa tradizzion soratut per l’adozzion de di tecneghe adizzionai (sanscret: up?ya , ‘mez abii’), inscambi de parponer una filosofia assossenn diferenta.

Donca, sota quell pont de vista chi, ol m?hay?na el gh’ha duu senter prategh: ol sutray?na , che el predega de perfezzionass de maneman cont ol mucciass su de meret e saviezza, e ol vajray?na , che l’insubiss una via pussee svelta, pratega e esoterega al gagnament de l’ inluminazzion .

Carataristeghe del vajray?na [ Modifega | modifica 'l sorgent ]

Segonda la tradizzion buddhista vajray?na , i mez abii cultivad in del vajray?na permetarissen un camin pussee azzelerad a l’inluminazzion. Per quella reson chi, el dopera di tecneghe tantreghe che vuten l’individov a maruda desvilup ispiritual e transmission esoterega. In questa presonta azzelerazzion, a gh’e vuna di diferenze intra ol penser vajray?na e i oltre scœule del buddhesim . Ol vajray?na , donca, el dis minga che i olter ram ? terav?da e m?hay?na ? i sajen errad ma, al contrari, el considera i so insegnament de lor coma fondamentai per la construzzion de una vera pratega vajray?na .

Sota-scœule [ Modifega | modifica 'l sorgent ]

Ancaben che a ghe saja una presenza vajray?na in del sud-est asiategh ? insci coma in olter sit del mond ? al di d’incœu i insegnament de quella branca buddhista chi se despartissen sgio noma in do sota-scœule.

Vajray?na tibetan [ Modifega | modifica 'l sorgent ]

I scœule del buddhesim tibetan inn fondade in su la transmission di scricciure indiane in la piana del Tibet e, tradizzionalment, a se reten che i se sajen spantegade soratut in Tibet , Butan , nord de l’ India , Nepal , Mongoja , di bande de la Cina , e in de di sit de la veggia Union Sovietega .

In del Tibet del segol quell di 21 a gh’e diverse sorte de buddhesim . ^[1] La pupart di prategant che pœuden vesser classifegad coma vajrayani gh’hann coma modell prenzipal de la so pratega religiosa la figura de un guru , o lama , e i prateghen ol guruyoga . ^[1] I mahayani minga vajray?na e i teravadi inn, inveci, rar fiss.

Mikkyo sgiapones [ Modifega | modifica 'l sorgent ]

La tradizzion Mikkyo la se trœuva soratut dedenter del buddhesim sgiapones. In la dinastia Tang, la tradizzion Mikkyo l’e staita asquas del tut sterminada fœura de la Cina continental, e a gh’e soravivud noma un quaj ritual, che l’e fenid per vesser incorporad denter in di tradizzion Chan e de la Terra Pura . Pussee de rezzent, in d’un quaj monasteri cines e tailandes gh’e penetrad pussee l’influenza del Mikkyo sgiapones a causa de la dominazzion imperial sgiaponesa in quei bande chi.

Siben ghe saja di similarita concetuai cont ol vajray?na tibetan, i rituai mikkyo vegnen sgio de dei aspet pussee antigh de la tradizzion tantrega del buddhesim indian, e i se diferissen soratut in termen de lignasg, estetega, etc. I test prenzipai de la tradizzion Mikkyo inn ol Mahavairocana sutra e ol Vajrasekhara sutra , che i gh’hann una importanza noma marsginal in la tradizzion del Tibet.

Bibliografia [ Modifega | modifica 'l sorgent ]

Tantric Ethics: An Explanation of the Precepts for Buddhist Vajrayana Practice , de Tson-Kha-Pa, ISBN 0-86171-290-0
Perfect Conduct: Ascertaining the Three Vows de Ngari Panchen, Dudjom Rinpoche, ISBN 0-86171-083-5
Buddhist Ethics (Treasury of Knowledge) sw Jamgon Kongtrul Lodro Taye, ISBN 1-55939-191-X
?ryadeva's Lamp that Integrates the Practices (Cary?mel?pakaprad?pa): The Gradual Path of Vajray?na Buddhism according to the Esoteric Community Noble Tradition , ed. e trad. por Christian K. Wedemeyer (New York: AIBS/Columbia Univ. Press, 2007). ISBN 978-0-9753734-5-3 .