Una lampada UV a man
L'
oltraviolet
(breviad
UV
, de l'ingles
ultraviolet
) a l'e una forma de radiazzion eletro-magnetega cont una longheza d'onda in tra i 10 nanometer e i 400 nanometer, sita donca apena dopo de la banda de la
lus che la se ved
, e prima di
rasg X
. Ciapen el nom del fat che inn apena dopo del
violet
'me color.
Inn assee present in di spere del
Sol
, e fann su circa el 10% di so emission, ma inn fad su anca di
arch eletrigh
e di lum specializad compagn di
lampade de Wood
, di
lampade a vapor de mercuri
e di
lampade bronzant
. Anca se inn no considerad di
radiazzion ionzant
, poden causa di reazzion chimeghe e fa brilla varie sostanze. Donca, a diferenza per esempi di
infraross
, i so efet in sui vesser vivent a inn pussee grand rispet doma al scolda, e i lus oltraviolete inn ben cognossude per volza el ris'c de cancher a la pell e poden vesser doperade per disinfeta, per i dagn che fann a bateri e virus, soratut i radiazzion oltraviolete a bassa longheza, ma inn anca essenziai, in varie bestie, a forma la
vitamina D
.
