Spirit , MER-A (Mars Exploration Rover ? A), l'e 'n rover (cioe 'n veicol progetat per muis e esplora la superfice de 'n corp celest) che gh'e stat mandat sol pianeta Marte per ma de la NASA endel 2003 , endel quader del programa Mars Exploration Rover gestit del Jet Propulsion Laboratory . La g'ha tocat el sol de Marte ai 4 de zener del 2004 endena zona cunsida come crater de Gusev, tre setemane prima de la sonda so zemela, Opportunity (MER-B), che 'nvece l'e aterada so l'otra facia del pianeta. El so nom l'e stat sernit per mes de 'n concors 'ntra studencc organizat de la NASA.

L'obietif del rover Spirit l'e de forneser dati per studia la geologia de la superfice de Marte. El veicol l'e stat concepit per iga 'na vita util de 90 de marsia e percorer 'na distansa de 600 meter. De pio de sich agn dopo eser riat so Marte, ai 17 de mars del 2009, el Spirit el gh'ia envece percurit presapoch 7,7 km. A le fi del 2009 el s'e 'nsabiat endena duna e la so oltema cumunicasiu co la Tera l'e stada risiida ai 22 de mars del 2010.