Pavia

Pavia (insi anca in talian ) l'e una cita de la Lombardia cun 72 576 abitant (dato del Desember 2015 ^[1]), e l'e la capital de la pruincia cun l'istess nom. La se trova ins el Tisin , un po' a nord da inde ch'el va drent int el Po , a 35 km a sud de Milan . El teritori aministraa del cumu de Pavia al cuacia gio una superfis de 9,2 km².

Pavia l'e la capital d'una pruvincia fertil, dedicaa suratut a l'agricultura (produzion de vin , ris e cereal ). J'industri j'hinn poch, e i ativita de la cita j'hinn l' Universita e el Policlinich San Mateo .

Storia [ Modifega | modifica 'l sorgent ]

A l'epuca di Ruman la gh'aveva el nom de Ticinum , e l'e staa capitala del regn di lungubard . Da l'eta Medieval l'e la sed de vuna di universita pussee antich d' Italia . La cita l'era furtificaa fena al 1872 , quand che i bastion j'hinn staa trasfurmaa in vial e giardin publich. La pussee part di muraj l'e supravissuu fena al 1901 , quand che j'hinn staa trat zu per fa su i vial de la circunvalazione.

Simboi [ Modifega | modifica 'l sorgent ]

Per savenn pussee, varda l'articol Stema de Pavia .

El stema storegh
La bandera

Evoluzion demografega [ Modifega | modifica 'l sorgent ]

L'andament del numer de abitant del comun de Pavia l'e mustraa in de la tabela chi de sota

Numer de abitant

Da visita [ Modifega | modifica 'l sorgent ]

Cita da j'urigin antich, la ofra un mug de rob cultural e turistich. In particular, j'hinn da visita el Museo del Castel di Viscont , San Peder in Ciel d'Oro , el Dom , San Michel Magiur , San Teudor ed il famus Pont Veg ins el Tisin, ultre al Palazzi Botigela . A pochi chilometri da la cita gh'e la Certusa de Pavia .

Pavia l'e vuna di tap impurtant ins la via Francigena , senter de pelegrinag che culega Ruma e Canterbury .