Quella vus chi la gh'ha minga di funt u hin trop poch. Per piese, giunta di funt a la vus. Insi de vegh un'idea de tucc i olter vus senza font, vardii chi .

In fisica , i partisej a inn i unita ca custituissenn la materia ; sa po fa distinziun tra i partisej elementaar , cunsideraa minga spartibil (cume l' eletrun ), e chii cumpoost , ca podenn inveci vess spartii in d'una quaj partisela pussee piscinina (cume ul prutun ).

Partisej fundamentaj [ Modifega | modifica 'l sorgent ]

Seguunt la teuria de adess i partisej fundamentaj a podenn vess classificaa in difereent maneer:

• Leptuni : g'ann un spin de 1/2;
  • eletruni , muuni , tauuni : g'ann carica eletrica ca la vaar - e ;
  • neutritt : g'ann minga de carica eletrica;

• Quark : ga n'e de ses tiip, ca ga disenn saur ( u , d , s , c , t , b ); a stann maj in de per luur, ma a furmenn partisej cumpoost. G'ann un spin de 1/2, e g'ann carica eletrica frazziunaria.

• Partisej purtaduur de interazziun; g'ann un spin 1 e carica eletrica zero (fora ca ul busun W , c'al g'a +- e );
  • futuni : a portenn la forza eletrumagnetica ;
  • gluuni : a portenn la forza nucleaar forta ;
  • busuni W u Z ; a portenn la forza nucleaar debul ;
  • gravituni : a portenn la forza de gravita (i scenziaa ann munan de truaii, e inn dume partisej teorich);

• Partisela de Higgs ; la g'a spin zero (a l'e dume una partisela teorica).

Partisej cumpoost [ Modifega | modifica 'l sorgent ]

I partisej cumpoost sa spartissenn in:

• bariuni : furmaa da 3 quark, ciamaa quark de valenza ; i pussee impurtaant a inn:
  • prutuni : carica eletrica + e ;
  • neutruni : carica eletrica zero;

• mesuni : furmaa da 2 quark de valenza.

Tutt insema, i bariuni e i mesuni ga disenn adruni .

A l'e impurtaant de di ca, per tutt i difereent partisej, sa po trua anca la curespundeent antipartisela .

Classificazziun dii partisej in de la fisica statistica [ Modifega | modifica 'l sorgent ]

In fisica statistica , i partisej sa spartissenn in:

• fermiuni : g'ann spin +-1/2 e dunca ga ubedissenn al principi de esclusiun del Pauli ;
• busuni: g'ann spin intrech.