Genserico
(cunusit apo col nom de
Gaisar?ks
; presapoch
389
-
25 de zener
del
477
) l'e stat en re dei
Vandali
e dei
Alani
'ntra 'l
428
e 'l
477
. L'e stat 'na figura fondamentala endel periot de turbulense e guere del secol V endel
Imper romano de Ocident
. Endei omenti sinquant'agn che 'l g'ha regnat el g'ha trasfurmat 'na tribu germanica de poca 'mportansa come i era i Vandali alura endena potensa de prim urden endel Mediteraneo ucidental.
Fiol ilegitim del re vandalo
Godigisel
, se pensa che 'l sape nasit de le bande del
Lach Balaton
enturen a l'an
389
. L'e stat iligit re endel
428
dopo la mort del so mes fredel
Gunderico
. Desedat e portat per la cariera militar, el g'ha sercat subit el sistema de fa creser el potere e la prosperita del so popol, che en chel moment la l'ia stansiat endela pruvincia de la Hispania Baetica (al de d'enco Andaluzia) e che 'l gh'ia patit i atach dei
Vizigoti
, pio nomerus de lur. Ise, dopo mia tat de eser deentat re, Genserico el g'ha dicidit de lasaga i teretore spagnoi ai so riai, e co la flota de naf che 'l so predecesur el gh'ia fat fa so, el g'ha portat el so popol endel Nordafrica.
El s'e 'nprufitat de le beghe 'ntra Bonifacio ? goernadur romano de l'
Africa del Nort
? e l'imperadur
Valentinano III
e
Flavio Esio
, per porta 80000 vandali ?15000 de chesti om de arma ?de
Tarifa
e
Iulia Traducta
a
Ceuta
, so la costa africana. Dopo 'na quach vitoria cutra i defensur romani fiach e 'ndebulicc de le so beghe interne, i Vandali i e riacc a ciapa 'l control de 'n teretore che ciapaa det el
Maroco
e 'l nort de l'
Algeria
del de d'enco, e i g'ha mitit sota asedio la cita de
Hipona
, che la cedara dopo quatordes mes de combatimencc. L'an dopo, l'imperadur
Valentiniano III
el reconos Genserico come sovra de tocc chesti teretore.
Endel
435
Genserico el fara 'n acorde co l'Imper romano, segont el qual i Vandali i deentaa
foederati
de Roma co la concesiu de la
Numidia
. Gnemo contet pero, endel
439
Genserico el g'ha ? a quanto par sensa troa rezistensa ? ciapat el control de la cita de
Cartagine
, e 'l g'ga caturat la flota imperiala che l'ia atracada endel so port. Con chesta asiu i Vandali i s'e 'mpadrunicc de Mediteraneo Ucidental, e de menema i g'ha ciapat a giona a giona 'na braca de bazi maritime de gran valur strategich e comercial: le
Baleari
, la
Corsica
, la
Sicilia
e la
Sardegna
. Roma ise la perdara le so bazi de apruvigiunament de
cereai
e la se troara a iga de crumpai dei Vandali.
Endel
455
, l'imperdur romano Valentiniano III l'e stat copat, e al so post gh'e nat so
Petronio Maximo
. Genserico, el s'e sintit liber de cunsidera scadit l'acorde de pace che 'l gh'ia fat col con Valentiniano endel
442
, e l'a partit col so ezercit 'nvers l'Italia. A Roma la popolasiu la s'ia riultada cutra l'imperadur nof e la l'ha mitit a mort. Tre de dopo ? ai
22 de bril
del
455
? i Vandali i g'ha ciapat la cita sensa rezistensa i l'ha mitida a sach.
El papa
Leone Magn
l'e mia riat a 'mpedeser che i Vandali de Genserico i sachegiaes la cita ma co 'l so at de prezentas dezarmat ensema al so clero l'e almeno riat a schia che Roma la vignies mitida a foch e che le Baziliche de San Pietro, de San Paol fora dei Mur e de San Gioan en Laterano le vignies risparmiade.
Genserico el s'e portat via come ostagio
Licinia Eudoxia
, la vedova de Valentiniano, e le so do fiole,
Placidia
e
Eudoxia
; chest'oltema la nara 'n spuza al fiol de Genserico e so socesur,
Hunerico
.
Endel
468
, el regn de Genserico el s'e duzit difender de l'oltem sfors militar de le do meta de l?imper romano unide ensema, ma i Vandali i e riacc a scunfiger, en mia al
capo Bon
, 'na flota comandada de chel che pio tarde el deentara l'emperadur bizanti
Basilisco
. Endel istat del
474
se firmara la pace perpetua con Constantinopoli, co la quala se recunusia la sovranita vandala so le pruvince nordafricane, Balear, Sicilia, Corsica e Sardegna.
Genserico el mor ai
25 de zener
del
477
e 'l so post el sara ciapat de so fiol
Hunerico
.