Int i lengu natural, un
funema
l'e l'unita strutural pusse picinena che la porta significaa. I funema j'hinn no segment fisich de per lur, ma j'hinn, in sens teuretich, categurisassion de segment.
Un esempi d'un funema i
lumbard
l'e la /s/ int i parol
sura, stiva
, e
pressia
(quand che se fa la trascrission, i funema i se metan tra i parentesi de sbiess, insi /s/).
Qui esempi chi de /s/ j'hinn cunsideraa suta l'istessa categuria, anca se in ogni parola j'hinn pronunciaa in minera non propi inguaa. De suvent, i maderlengua i catan no fo qui diferens chi, perche el funema el fa da umbrela a di son che j'hinn
funetica
ment cunsideraa cume unita distint (qui unita chi j'hinn ciamaa
fon
).
Un test ch'u se fa per ved se un son l'e un funema l'e el test di pari minim: sarissa a di di parol che j'hinn diferent duma int el son ch'u se interessa. Presempi, in certi variant di zon central e
sud
de l'
Insubria
, i parol
seri
(minga per rid) e
zeri
(pusse d'un zero) j'hinn parnunziaa /seri/ e /zeri/, e quindi i dimustran che /s/ e /z/ j'hinn du funema separaa in quej variant chi (ma non in tut i variant del
lumbard
, presempi in
Ticines
). La mancansa d'un cuntrast del gener in
talian
(la [s] la se veda duma prima d'una cunsunanta surda menter la [z] duma prima d'una cunsunanta sunora, presempi [sporko] e [zberla], e la parnonzia de
rosa
cume [rOza] o [rOsa] la cambia no el significaa) el mustra che i du son j'hinn no funema separaa, ma
alofuni
del funema /s/.