El Francesco Hayez ( Venessia , 10 febrar 1791 ? Milan , 26 nuembor 1882 ) l'e stai un pitur d'urigin venessiana ^[1] , cunsiderad cume el massim espunent dal rumanticism storich italian.

Biugrafia [ Modifega | modifica 'l sorgent ]

El Francesch l’e nassud ind una familia d’urigin pupular. El pador Giuan l'era de urigin frances ; la mador Chiara Torcella l’era de Muran .

El picul Francesch l’era ultim de cinch fioi, cressud da la surela d'la mador che l'eva spusad Giovanni Binasco , armadu e mercant d'art , prupietari de 'na buna culession de quador .

Bele da picinin el mustreva bune qualita de disegn e par quest el ziu l’ha indirissad a un restauradu par impara el meste .

Dopu l’e diventad garson dal pitur Francesco Magiotto cun el qual l’e stai par tri an. L’ha fai el prim curs de nud ind el 1803 e ind el 1806 l’ha inissiad a frequenta i curs de pitura d'la Nova Academia de Bele Art indue el gh’eva cume prufessur Teodoro Matteini .

Ind el 1809 l’ha vinsud un cuncurs de l' Academia de Venessia ^[2] par anda ind un curs a l' Academia de San Luca a Ruma . A Ruma l’e stai guidad dal Canova che’l gh’ha fai da prutetur ind i an ruman.

Ind el 1814 l’ha lassad Ruma dopu un'agression par fat de cor, e’l s’e trasferid a Napuli indue gh’e stai cumissiunad da Gioacchino Murat el quador Uliss a la curt de Alcinoo .

Ind el 1822 l’e stai ciamad a insegna a l' Academia de Bele Art de Brera , cume 'iut de Luigi Sabatelli . L’e stai prufessur a l'academia cume giunt fin al 1850 , quand, ala mort de Sabatelli n’ha ciapad la cadrega che l’ha tegnud fin al 1879 ^[3] . L’e mort a Milan el 21 disembor 1882 a l'eta de 91 an.

Opere [ Modifega | modifica 'l sorgent ]

La so migliur prudussion artistega la cunsist ind una culession de ritrat che l'ha fai ai om e a le done pusse famus d'i so temp: Gioacchino Rossini , Ugo Foscolo , Alessandro Manzoni , Antonio Rosmini , Massimo d'Azeglio , Cavour , ecc ^[4] .

Un elench cumplet d’le so opere l'e miga facil parche el pitur el firmeva e’l dateva miga i so quador . De solit la data indicada ind i libor l'e miga quela de prudussion, ma l'e quela de dunassion. Ancasi el Francesch l’era solit de pitura pusse d’una volta i stess suget cun picule mudifiche o anca sensa variassion.

L'e quest el casu de El Bas , la so opera pusse famusa, che l'e staia piturada in quator version.

La prima, cumpletada ind el 1859, l'e cunservada a Milan ind la Pinacuteca de Brera, menter la variant triculur che l'e stata realisada ind el 1861 per la familia Mylius, in bianch , russ e verd in ucasion de l' unita d'Italia , l'e staia venduda a l'asta da Sotheby's a Lundra , el 12 nuembor dal 2008 .

Critica [ Modifega | modifica 'l sorgent ]

La so art l’e basada su bune capacita de disegnadu. La magiur critica che la vegn faia ai so meste, l’e che i en fred e artificius. Par quest el so rumanticism l'e sempor stai cunsiderad furmal e miga sustansial.

Galeria [ Modifega | modifica 'l sorgent ]

• 
  Ritrat de familia (1807)
  Muse Luigi Bailo, Trevis
• 
  Aristotel (1811)
  Galeria de l'Academia, Venessia
• 
  Uliss a la curt de Alcinoo (1813-1815)
  Galeria Nassiunal de Capodimonte, Napuli
• 
  Rinald e Armida (1814)
  Galeria de l'Academia, Venessia
• 
  Ritrat de Giuseppe Roberti (1819)
  Muse Civich, Bassan
• 
  I vespor sicilian , Scena 1 (1821-1822)
  Culession privada, Milan
• 
  Ritrat d'la familia Stampa de Sunsi (1821-1822)
  Pinacuteca de Brera, Milan
• 
  Ritrat de Antonietta Vitali Sola (1823)
  Culession privada, Milan
• 
  L'ultim bas de Rumeo e Giulieta (1823)
  Vila Carlotta, Tremess
• 
  La Madalena penitent. (1825)
  Civica Galeria d'Art Muderna, Milan
• 
  Ritrat de Carolina Zucchi (1825)
  Muse Civich d'Art Antiga de Turin
• 
  Ritrat dal Cunt Ninni (1825)
  Culession privada, Trevis
• 
  Venere ch'la schersa cun du culumbe (Ritrat d'la balerina Carlotta Chabert ) (1830)
  Muse d'Art Muderna e Cuntempuranea de Trent e Ruveret, Trent
• 
  Ritrat de Don Giulio Vigoni da picinin (1830)
  Culession privada, Milan
• 
  Ritrat de Pompeo Marchesi (1830)
  Civica Galeria d'Art Muderna, Milan
• 
  El bagn d'le Ninfe (1831)
  Culession privada, Lugan
• 
  I profugh de Parga (1831)
  Pinacuteca Tosio Martinengo, Bressa
• 
  Bagnant (1832)
  Culession privada, Pavia
• 
  Ritrat de Cristina de Belgiuius Trivulsi (1832)
  Culession privada, Firenss
• 
  Betsabea al bagn (1834)
  Culession privada, Lugan
• 
  Ruth (1835)
  Culession Cumunal d'Art Antiga, Bulogna
• 
  L'asedi de Gerusalem (1838-1850)
  Palass Real, Turin
• 
  Udalisca sdraiada (1839)
  Culession privada, Milan
• 
  La scarcerassion de Vettor Pisani . (1840)
  Vila Carlotta, Tremess
• 
  Ritrat d'la Princesa de Sant'Antim (1840-1844)
  Muse de San Martin, Napuli
• 
  Ritrat de l'imperadu d'Austria Ferdinando I d'Asburgo . (1840)
  Muse dal Rissurgiment, Milan
• 
  Ritrat de Alessandro Manzoni (1841)
  Pinacuteca de Brera, Milan
• 
  I du Foscari (1842)
  Galeria d'Art Muderna, Firenss
• 
  Pense Malinconich (1842)
  Culession privada, Milan
• 
  Ritrat de Felicina Caglio Perego de Cremnagh (1842)
  Culession privada, Milan
• 
  Sanson e'l Leon (1842)
  Galeria d'Art Muderna, Firenss
• 
  Encunter tra Esau e Giacob (1844)
  Pinacuteca Tosio Martinengo, Bressa
• 
  I vespror sicilian , Scena 3 (1846)
  Galeria Nassiunal d'Art Muderna, Ruma
• 
  Ritrat de Teresa Manzoni Stampa Borri (1847-1848)
  Pinacuteca Tosio Martinengo, Bressa
• 
  Ritrat de Antonietta Tarsis Basilico (1851)
  Culession privada, Ruma
• 
  Ritrat de Matilde Juva-Branca (1851)
  Civica Galeria d'Art Muderna, Milan
• 
  Gentildona Venessiana (c. 1852)
  Culession privada, Milan
• 
  Done Venessiane (1853)
  Vila Carlotta, Tremess
• 
  Ritrat d'la Cuntesina Antonietta Negroni Prati Morosini (1858)
  Civica Galeria d'Art Muderna, Milan
  
• 
  Dopu el bagn (1859)
  Pinacuteca de Brera, Milan
• 
  Nud (c. 1859)
  Pinacuteca de Brera, Milan
• 
  Ritrat dal Cunt Baglioni (c. 1860)
  Culession privada, Trevis
• 
  Ritrat de Massimo d'Azeglio (1860)
  Pinacuteca de Brera, Milan
• 
  Autoitrat (1878)
  Galeria d'Art Muderna, Venessia
• 
  Ritrat de Camillo Benso Cunt de Cavour (1864)
  Pinacuteca de Brera, Milan
• 
  La preferida de l'harem (1866)
  Culession privada, Milan
• 
  Nud cun libor (1866)
  Vila Carlotta, Tremess
• 
  La ciuciara
• 
  I ultim mument dal dus Marin Faliero (1867)
  Pinacuteca de Brera, Milan
• 
  La distrussion dal Tempi de Gerusalem. (1867)
  Galeria d'Art Muderna, Venessia
• 
  Odalisca (1867)
  Pinacuteca de Brera, Milan
• 
  Ritrat de Gioacchino Rossini (1870)
  Pinacuteca de Brera, Milan
• 
  Ritrat d'la Cuntessa Antonietta Negroni Prati Morosini, Casati Ovale (1872)
  Civica Galeria d'Art Muderna, Milan
• 
  Un vas de fiur su la finestra de un harem (1881)
  Pinacuteca de Brera, Milan

Riferiment [ Modifega | modifica 'l sorgent ]

1. ↑ Francesco Pirovano, Milano, nuovamente descritta
2. ↑ Atti della reale Accademia e del r. Istituto di belle arti in Venezia
3. ↑ Biblioteca italiana, ossia giornale di letteratura, scienze ed arti
4. ↑ Lorenzo Pareto, Camillo Pallavicino e Massimiliano Spinola, Descrizione di Genova e del Genovesato...