Quella vus chi la gh'ha minga di funt u hin trop poch. Per piese, giunta di funt a la vus. Insi de vegh un'idea de tucc i olter vus senza font, vardii chi .

La filusufia a l'e una scenza (u disciplina ) che la dupera la logica u el ragiunament per cerca de da una spiegaziun del mund, de la natura e del post de l'om in del mund (e, in manera pussee estesa, in de l' Univers ); l'e stada anca definida cume el studi dii cuncett fundamentaj ingabulaa cunt el pensee , l'aziun, la realta . In general la filusufia la gh'ha no un metud rigid, vist che anca quel che rapresenta la filusufia el cambia a segunda de la cultura de riferiment.
El termin filusufia l'e staa cataa dal grech : "Φιλοσοφ?α" ( filosofia ) al vor di amur per la cunuscenza .
La filusufia l'e no, uviament, una scenza esata , vist che i quistiun filusofich se poden minga trata cunt un metud empirich, ma l'e gnanca cume la religiun perche l'e minga nassuda da una rivelaziun. Una definiziun la vegn dal Diziunari Oxford de Filusufia , che la definiss la riflesiun filusofica cume derivada diretament da la pratica nurmal de tutt i camp de ricerca inteletual. In di ann indree, defat, la fisica l'era insci ligada al cuncett filusofich che l'era ciamada filusufia natural ; prima ammo, al temp di grech antich , la filusufia l'era cunsiderada semplicement cume desideri de cunuscenza e dunca cume studi, cume usservaziun del mund, spartii da i rob materiaj cunsideraa roba "bassa".
Ghe vor di che, generalment, in del parla de tutt i di, se dupera la parola filusufia de indica tutt i credenz e i maner de vede la vita di diferent persun.

Broch de la filusufia [ Modifega | modifica 'l sorgent ]

La filusufia la gh'ha tanti broch diferent, vist che se po trua una "filusufia" per tutt i rob ca vegnen studiaa; in particular, pero, gh'e una quaj broca che la gh'ha pussee impurtanza di alter:

• Epistemulugia : la parla de la filusufia de la scenza ; segund un'altra manera de vedela, pero, la sa po riferi anca a la filusufia de la cunuscenza ( gnuseulugia );
• Estetica : el studi de quistiun cume l' art e ul bel ;
• Etica : sa sforza de vede se una quaj aziun a l'e giusta u sbajada, e de cume se po dupera per remedia a prublem de cuscenza;
• Metafisica : dal prefiss grech meta , el studi de tutt i rob fora del dumini del percepibil;
• a gh'hin po anca tutt i filusufii di diferent scenz che se studien, che varden el ben e el mal del studi scentifich e cerchen de da una man a remedia a i prublem che nassen de meneman che se va inanz cunt el studi: se studien dunca la filusufia de la pulitica , la filusufia de la storia , la filusufia de la biulugia , e.v.i..