I
Comunita autonom
a hinn la massima division politica de la
Spagna
, faa dopo de la fin del
franchism
per crea on
Stat regional
inveci che on
Stat centralista
.
La
Costituzion de la Spagna
la stabiliss che tucc i Comunita a hinn inguai, e che poden minga federass in tra de lor, anca se poden collabora.
In di limit de la Costituzion i Comunita i gh'ha ampia autonomia, e hinn competenza del Stat tucc quej materij che hinn no ciarament daa ai Comunita in di so
Statut
.
Tutt el territori spagnoeu a l'e in d'ona Comunita, o in d'ona
citta autonoma
, foeura di
Plazas de soberania
.
La Comunita Autonoma a l'e gestida de 'n Statut d'Autonomia, e ogni comunita la gh'ha:
- On'
assemblea legislativa
elegiuda direttament di gent
- On
President
e on governo, scernuu in tra i member de l'assemblea e confermaa del
Re de la Spagna
- On Tribunal Superior de Giustizia, massima istanza a nivell de autonomia.
A gh'e anca ona differenza in tra i
Comunita foral
, cont l'autonomia fiscala ('me el Paes Basch e Navarra) e quej normai, che i gh'ha doma ona percentoal piscininna in sui so tass.
I comunita autonom a hinn spartii a segonda de la soa origin:
- Nazionalita storich pluriprovinciai
- Comunita pluriprovinciai
- Isol
- Comunita monoprovinciai
- Citta autonom
- Autonomia de interess nazional