Vari tipi de batarie
Una
bataria
(anca
bateria
o
pila
) a l'e, in
eletrotecnega
, un dispositiv che l'e bon de converti l'
energia chimega
in
energia eletriga
, a travers de 'na reazzion de
ossid-reduzzion
. Fina al 1869, ann de invenzion de la
dinamo
, a l'e stada l'unega manera cognossuda de produ energia eletriga per l'om.
Istoregament, se ciamava bataria doma quella fada su de pussee celle, e ogni cella l'era ciamada pila, ma incoeu i termen inn doperad in manera assee intercambiabel. La prima pila come la cognossom incoeu l'e stada fada su del fisegh lombard
Lissander Volta
in del 1800, l'insci ciamada
pila del Volta
, ma l'era stad no bon de capi fina in fond el fonzionament del sistema, roba che la sara fada circa 50 agn inanz del
Michael Faraday
. A nivell prategh a l'e stada la
cella del Daniell
del 1836 la prima pila doperabel foeura di dimostrazzion, che l'e stada doperada per alimenta i linie telegrafeghe.
Incoeu gh'e vari tipi de batarie, de quelle piscinine che reagissen con l'aria che inn doperade per i aparecc acustegh a quelle pussee grand doperade per i grup che tegnen in pe i gran impiant se la cala la corrent, a passa per i
pile alcaline
doperade per l'eletronega piscinina e ai
batarie ai ion de litio
, doperade soratut per l'eletronega pussee granda recaregabela e per i grup de continuita piscinin, e ghe n'e alter pussee specialisteghe.
A bon cunt, gh'hann una
energia specifega
propi pussee bassa rispet a la pupart di combustibel, pero la possibilita de spostai, e di voeulte l'eficienza di generator, i renden aprezzabel rispet a 'n generator.
