La carga de cavallaria del Ladislav III
La
bataia de Varna
l'e stait un fait bellig de la
croxada de Varna
. L'e staita combatida aprœv a la citaa de
Varna
ol
10 de november
del
1444
, in tra i forze
croxade
e
Otomane
.
In seguet a l'espansion dei Otoman in dei
Balcan
, ol princep ungeres
Janos Hunyadi
l'ha ciamad una
croxada
per descacar-i via dai territore europee. Anc se ol Papa l'ha dait ol so apoj, i ha respondid adoma ol
Ladislav III Jagellon
, Re de
Polonia
e
Ungeria
, e ol
Vlad Tepes
de
Valaqia
. Grazie a la flota
veneziana
qe, col blocar ol
streit dei Dardanei
, la tegniva lontan l'esercet de la part asiatega, i croxads era dree a vencer la guerra, tant qe ol
sultan
Murad II
l'hera domandad un armistizi, in cambe de la cession d'un quai territore a
Serbia
e Ungeria, e l'impegn a miga tacar i regn cristian per dex agn. Ma l'hiva miga assee per i croxads qe i e indaits inants ind la guerra. Ma 'sta volta, grazie a i condizion atmosferige o a la
corruzion
d'un quai capitani, l'esercet oriental dei otoman al g'e rivad a passar a travers ol
Bosfor
, e i cristian i s'e trovads in inferioritaa numeriga.
I moviments dei trœpe
Al comand del Ladislav i g'era circa 20 000 omegn, ol sultan inscambe al pudiva cuntar in su una armada qe l'e granda ol dope, circa 40 000 omegn.
I cristian i se sqiera intra ol
lag Devna
(a manzina) e i colline verso Varna (a dreita). I turc i met a manzina i trœpe asiatege, a dreita qelle europee, e ind el mez ol sultan coi
janisser
, protejids de dei pai gœss, conligads con dei cadene.
Ol prim assalt l'e dei turc, qe i conquista i colline tegnide da i cristian, ma i e descacads del contratac del Hunyadi, qe al copa anc'po ol comandant dei trœpe asiatege, Qaragia. Anc ind la banda manzina i cristian i e dree a vencer, e la bataia l'e in so favor, quand qe ol Ladislav, senza speitar i rinforz, con la so guardia polaca al carga contra i janisser per circar de copar ol sultan e meter fin subet a la guerra. Ma ol so cavall l'e colpid e lu, borlad in terra, l'e copads; la so testa l'e portada al sultan e metida sora un pal, per far-la veder ai cristian, qe i sa ritira e i lassa sul camp 5 000 morts (ma anc i turc i ha havud dei grande perdide).
La fraca de l'armada cristiana la segnera la fin dei tentativ ocidentai de descacar i turc de i
Balcan
.
Costantinopel
, bandonada dei latin, gnanc dex agn e la
finira in man ai Otoman
.