Fumbi ( Fombi in Piazentin e Fombio in Italian ) l'e un cumun d'la Pruincia ad Lod cun 2202 abitant. El gh'ha 'na frasion che la s'ciama Artegn ( Retegno ).

El paez, anticament l’era ciamad Flumpo o Flumbo , dala cuntrasion ad Ad Flumen Padum (Al Fium Po). El num el gh’ha da dipend dala cundision che'l paez l’era arent al fium : el toch ad tera en due l'e stai custruid el castel l’era l'incruz tra la Via Emilia e'l Po .

Par che Fumbi l’e stai cunusid anca cume Amfenengo , num che'l sares d’urigin lungubarda . Quand, in del 1750, el paez l’era in dal dumini d'la citta 'd Piazensa , l’era ciamad Fumbi Piazentin

Gh’e du teurie in merit all’etimulogia dal num Artegn . La prima as riferis ai red che i pescadu dal Po i metevun a stend in di so camp. La scunda fa riferiment ala situasion che ad Artegn gh’era la Zeca di Trivulzio che i erun cunsiderad di parsimuniuz. A da man fort a la scunda ipotesi gh’e 'na sumijansa cun i parol dialetai tegnin e tegnon che vorun di sciaton . I so abitant i en i Artegnin .

In di temp pasad l’e stai in puses dal munaster pavez ad San Pedor in Ciel d’Or (sin dal 723 ).

In del 1226 l’e pasad al pudesta de Piazensa e ind el 1299 l’e divegnud feudo d’Alberto Scotti, che'l gh’ha fai su un castel.

Ind la so storia, el castel de Fumbi l’e stai prutagunista ... inanz ...