ZE	Questa pagina a l'e scrita in lengoa zeneize A Grafia adeuvia a l'e quella de l' Academia Ligustica do Brenno

O Regno Unio ( United Kingdom in ingleize , prononciou [juː?na?t?d ?k?ŋd?m] ), conosciuo oficialmente comme Regno Unio de Gran Bretagna e Irlanda do Nord ( United Kingdom of Great Britain and Northern England in ingleize , prononciou [juː?na?t?d ?k?ŋd?m ? ??e?t ?b??t?n n? ?n?ːð?n ?a??l?nd] ), o l'e 'n paize de l' Eoropa nord-ocidentale ^[1] .

Giografia [ modifica | modifica wikitesto ]

O Regno Unio o l'e 'n stato sovran scitoou inte izoe a nord-ovest da riva de l'Eoropa continentale ^{[2] [3]} . A nacion a l'e forma da-i trei paixi costitoenti de Inghiltæra , Scosia e Galles , ciu a provinsa de l' Irlanda do Nord ^{[4] [5]} . Giograficamente o Regno Unio o s'estende in sce l'izoa da Gran Bretagna e in scio tocco de nord-est de l' izoa d'Irlanda , ciu 'n certo numero de izoe e izooto ciu picin che forman l'arcipelago de izoe britaniche ^[6] . Inte l'Irlanda do Nord gh'e l'unico confin terestre da nacion, o sæ quello co-a Repubrica d'Irlanda , mentre inte tutte e atre direcioin a l'e bagna da l' Oceano Atlantico . In particola, o Regno o l'e afaciou in scio Ma do Nord a levante, in scio Cana da Manega a sud e in scio Ma Celtico a sud-ovest, con de coste che in tutto son e dodicexime ciu longhe a-o mondo. Pe de ciu, o Ma d'Irlanda o separa a Gran Bretagna da l'Irlanda. L'area totale do Regno Unio a l'e de 242.500 km ² , co-ina popolacion stima de 67 milioin de personn-e a-o 2020 ^[7] .

E izoe da-arente a-a Gran Bretagna de Man , Guernsey e Jersey no son pe contra parte do Regno Unio, in quanto dipendense da Coronn-a da quæ seguessa e raprezentansa internacionale o l'e responsabile o governo britanico ^[8] . Da nacion fan parte quatorze teritoi britanichi d'in gio pe-o mondo asci ^[9] , i urtimi resti de l' inpero britanico . Questo, a-o momento da so mascima estenscion inti anni '20 do secolo pasou, o conprendeiva squæxi 'n quarto do mondo e 'n terso da so popolacion, raxoin pe-e quæ o l'e stæto l'inpero ciu grande da stoia. A ogni moddo, a-a giorna d'ancheu, l'infloensa di ingleixi a l'e ancon vixibile inta lengoa, a coltua e o scistema politico-legale da ciu parte de so ecs-colonie ^{[10] [11]} .

A capitale do Regno Unio, e citæ ciu grande da nacion asci, a l'e Londra , centro financiaio e citæ globale co-in'area metropolitann-a da-a popolacion de ben 14 milioin de personn-e ^{[12] [13]} . E atre citæ ciu grende son, inte l'ordine, Birmingham , Manchester , Glasgow , Liverpool e Leeds ^[14] .

Stoia [ modifica | modifica wikitesto ]

O moderno Regno Unio o s'e formou a parti da 'na serie d'anescioin, unioin e separacioin di so paixi costitoenti into corso di secoli pasæ. Co-o cosci dito Tratato d'Union , firmou inte l'anno 1707 tra o Regno d'Inghiltæra , o quæ a l'aiva za anesso o Galles inte l'anno 1542 , e o Regno de Scosia , o l'e stæto costitoio o Regno de Gran Bretagna . Da-a so union, into 1801 , co-o Regno d'Irlanda , o l'e stæto a-a fin creou o Regno Unio de Gran Bretagna e Irlanda .

A ogni moddo, a ciu parte de l'Irlanda a s'e separa da-o regno inte l'anno 1922 , portando a-a creacion de l'atoale Regno Unio de Gran Bretagna e Irlanda do Nord, o quæ o l'a formalmente adotou 'sto nomme chi into 1927 ^[15] .

Economia e politica [ modifica | modifica wikitesto ]

O Regno Unio o l'e 'na monarchia costitucionale ^[16] governa pe mezo de 'n scistema de concescioin de poteri da-o parlamento nacionale a-e asenblee de varie nacioin costitoenti, o sæ o Senedd Cymru (parlamento galeize) pe-o Galles, o parlamento scoseize pe-a Scosia e l' asenblea de l'Irlanda do Nord pi-a provinsa da-o mæximo nomme ^{[17] [18]} . O cappo de stato , o sæ o sovran do Regno Unio , d'ancheu o l'e o Carlo III , in carega da-o 2022 ^[19] .

A nacion a l'a a quinta economia ciu grande pe PIL nominale e a dexima se valua a paritæ de potere d'acatto . A l'e 'n' economia avansa e a l'a 'n livello asæ ato de sviluppo in scia sca de l' Indice de Sviluppo Umano , inta quæ a l'e inta 13° poxicion. O Regno Unio o l'e stæto o primmo paize a sperimenta i efetti da rivolucion industriale , trasformandose tra i secoli XIX e XX inta ciu grande potensa economica mondiale ^{[20] [21]} . A-a giorna d'ancheu a nacion a peu ancon ese conscidera comme 'na grande potensa apreuvo a-a so forte infloensa internacionale inte l'anbito economico, colturale, scentifico, tecnologico, militare e politico ^{[22] [23]} . A l'e 'na potensa nucleare e a l'a a quarta speiza militare ciu ata in asoluto ^[24] . Pe de ciu, a l'e 'n menbro permanente do Conseggio de Seguessa de Nacioin Unie scinn-a da-a so primma sescion into 1948 .

O Regno Unio o l'e un di menbri do Commonwealth de Nacioin , do Conseggio d'Eoropa , do G7 , do Gruppo di Dexe , do G20 , de Nacioin Unie , da NATO , de l' AUKUS , de l' OECD , de l' Interpol e da WTO . O l'e stæto un di menbri de Comunitæ Eoropee e do so suceso, o sæ l' Union Eoropea , da-o 1973 scinn-a-a sciortia da l'organizacion inte l'anno 2020 apreuvo a l'exito do referendum do 2016 .

Notte [ modifica | modifica wikitesto ]

Bibliografia [ modifica | modifica wikitesto ]

• ( EN ) William Hunt, Reginald Lane Poole, The Political History of England , 12 vol., Longmans, Green and Company, 1905.
• ( EN ) Kenneth J. Panton, Kenneth John Panton e Keith Arthur Cowlard, Historical Dictionary of the United Kingdom , Scarecrow Press, 1997, ISBN   0-810-83150-3 .
• ( EN ) V. Gardiner e Michael Hugh Matthews, The Changing Geography of the United Kingdom , Psychology Press, 2000, ISBN   0-415-17901-7 .
• ( EN ) P. J. Marshall, The Cambridge Illustrated History of the British Empire , Cambridge University Press, 2001, ISBN   0-521-00254-0 .
• ( EN ) Vernon Bogdanor, Devolution in the United Kingdom , OUP Oxford, 2001, ISBN   0-192-80128-7 .
• ( EN ) Terry Tan, CultureShock! Great Britain: A Survival Guide to Customs and Etiquette , Marshall Cavendish, 2008, ISBN   98-12-82020-5 .
• ( EN ) Insight Guides, Great Britain Insight Guide , 8ª ed., APA Publications, 2009, ISBN   98-12-82020-5 .
• ( EN ) Kenneth J. Panton, Historical Dictionary of the British Empire , Rowman & Littlefield, 2015, ISBN   0-810-87524-1 .
• ( EN ) Oliver Berry, Fionn Davenport, Marc Di Duca et al., Lonely Planet Great Britain , 13ª ed., Lonely Planet, 2019, ISBN   1-786-57806-9 .
• ( EN ) Philip Norton, Governing Britain: Parliament, Ministers and Our Ambiguous Constitution , 13ª ed., Manchester University Press, 2020, ISBN   1-526-14545-6 .

Atri progetti [ modifica | modifica wikitesto ]

• Wikimedia Commons a contegne di files in sce Regno Unio

Colegamenti esterni [ modifica | modifica wikitesto ]

• ( EN ) Scito oficia do governo , in sce gov.uk . URL consultou o 15 arvi 2022 .
• ( EN ) Scito oficia do parlamento , in sce parliament.uk . URL consultou o 15 arvi 2022 .
• ( EN ) Scito oficia da famiggia rea , in sce royal.uk . URL consultou o 15 arvi 2022 .

V  ·  D  ·  M Stati de l' Eoropa
Albania  ·   Andora  ·   Aostria?  ·   Azerbaijan [1]  ·   Belgio  ·   Bieloruscia  ·   Bosnia-Ercegovina  ·   Bulgaria  ·   Citæ do Vatican  ·   Croacia  ·   Danimarca  ·   Estonia  ·   Finlandia  ·   Fransa  ·   Giorgia [1]  ·   Germania  ·   Grecia  ·   Irlanda  ·   Islanda  ·   Italia  ·   Kazakistan [1]  ·   Letonia  ·   Liechtenstein  ·   Litoania  ·   Lusenburgo  ·   Macedonia do Nord  ·   Mata  ·   Moldavia  ·   Monego  ·   Monteneigro  ·   Norveggia  ·   Paixi Basci  ·   Polonia  ·   Portogallo  ·   Regno Unio  ·   Repubrica Ceca  ·   Romania  ·   Ruscia [2]  ·   San Marin  ·   Serbia  ·   Slovachia  ·   Slovenia  ·   Spagna  ·   Svecia  ·   Svisera  ·   Turchia [2]  ·   Ucrainn-a  ·   Ungheria
Riconoscimento limitou	Abkhazia [1]  ·   Kosovo  ·   Osecia do Sud [1]
De facto indipendenti	Transnistria
Dipendense	Danimarca (   Fær Øer )  ·   Regno Unio (   Gibiltæra  ·   Guernsey  ·   Jersey  ·   Izoa de Man )
↑ 1,0 1,1 1,2 1,3 1,4 Stato parcialmente eoropeo a segonda da convencion giografica adota ↑ 2,0 2,1 Parcialmente in Azia