O
Palasso Grimado Doia Spinoa de Pelisaia
, dito asci
Palasso
Francesco Grimado
(it:
Palazzo Spinola di Pellicceria
), o l'e 'na costrucion storica, scitoa in ciassa da Pelisaia n. 1, into centro storico de
Zena
.
O palasso Spinoa de Pelisaia o l'e 'n ezenpio de caza nobile, in stile do
barocco
zeneize, ch'o conserva a decoracion, a quadreria e a mobilia originale, e anche capolavori da pitua, otegnui asci inti anni de fresco.
O l'e stæto inserio o 13 de luggio do 2006 inta lista di 42 palassi di Rolli de Zena, conscideræ Patrimonio de l'Umanitæ
UNESCO
.
O palasso o l'ospita a colecion da Galeria nacionale do palasso Spinoa. Importanti pitue a fresco decoran o palasso: prezenpio
Lazzao Tavaron
(Zena, 1556-1641),
Trionfo do Raine Grimado e impreize pe l'espugnacion da citæ do Zieriksee
e
Lisbonn-a asedia da l'ezercito do Ducca d'Alba
;
Sebastian Galioto
(Firense, 1676-1746),
Convio pe-e nocce d'Amo e Psiche
e
Loenco de Feræ
(Zena, 1680-1744),
Valo vincito e Stoie d'Achille
e
Venere e Bacco co Amo
.
Bonbardou into 1942, inta
Segonda Guæra Mondia
, o l'a perduo o terso cian (ancheu o l'e moderno) e subio di danni a-e decoracioin do cian nobile e a-i appartamenti a-o segondo cian. Into 1958 o l'e stæto donou da-i marcheixi Spinoa a-o Stato italian.
-
Loenco de Feræ
, Galeria di spegi a Palasso Spinoa de Pelisaia
-
Palasso Spinoa de Pelisaia, interno
-
Palasso Spinoa de Pelisaia
-
Palasso Spinoa de Pelisaia, biblioteca
-
Palasso Spinoa de Pelisaia, carte giografiche
-
Palasso Spinoa de Pelisaia
-
Palasso Spinoa de Pelisaia
- I Rolli UNESCO
[1]
- Galleria Nazionale di Palazzo Spinola
[2]