Marilyn Monroe , nomme d'arte da Norma Jean (Jeane) Baker o Mortenson ( Los Angeles 1° zugno 1926 , Santa Monica (Los Angeles) 5 agosto 1962 ).

Pe molti versci a figua inta quæ s'e concentrao tutte e contradicioin, e fantaxie, l'originalitæ, l'atracion profonda, l'assolua fascinacion che dan origine a-o mito cinematografego, quello punto de misteioso contatto into quæ a fincion, ossæ o personaggio costruio, o se fonde co-a realtæ ascosa, ben de spesso dolorosa, de 'n'individualitæ scingola, lasciando emerze di squarci de sconcertante aotenticitæ. Co-o so fascino estremmo e a-o contempo infanti, zugao in sce-o gusto de piaxei, constantemente exibio con conturbante sensoalitæ, privo d'ogni menacca agresciva e pervaso de fragilitæ e de inseguece, a Marilyn a domino incontrasta i sœunni e i dexidei sessoæ do pubbrico di anni cinquanta e di primmi anni sciuscianta, rapresentando l'inmaginaio erotico inte l'intrega gamma de negæ e prepotente pulscioin. Ma a so inmaggine, fissa e riproposta inte de inallumieive foto de coertina e inte di rafinæ servicci fotograffeghi, da pœu consacra e serializza da l' Andy Warhol , complixi una vitta presenta comme un feuilleton e tragicamente interrotta da 'na morte ingugeita into misteio, a l'ha aquixio un'immortalitæ mediatega ch'a prescinde da-i rolli e da-i film interpretæ, da-i registi che-a diressan e da-i mæximi eventi che-a segnon e a travozettan, e se basa in sce-a bellecca assolua da bionda diva da-o sgoardo morbidamente languido e da-a complessa personalitæ ch'a l'apartegne ormai a ogni tempo.

Vitta [ modifica | modifica wikitesto ]

Figgia da Gladys Monroe e de poæ ignoto (probabilmente un Stanley Gifford, impiegao a-a Consolidated Film Industries comme-a Gladys, mentre Baker e Mortenson ean i cognommi rispettivamente do primmo e do segondo maio da donna), a l'aresto ben fito priva de cue da moæ (ch'a fu interna inte 'na clinica pe maotie mentæ) e a trascorse l'infancia e l'adolescenca afida a de famigge adotive e, pe 'n periodo, a un orfanotrofio dove a se senti poco ama e infelice. Una votta vegnua famosa a saiæ torna soventi, inte interviste rilasciæ, in sce questi eventi pe-o ciu traomateghi (tra-i quæ una violenca subia da figgiœua) che, a-o de la de l'atendibilitæ do ricordo, rivellan solitudine e sperdimento. A-a ricerca de 'na stabilitæ affettiva a l'acetto de sposa into 1942 o zoeno meccanico Jim Dougherty e into 1944, mentre o maio o l'ea maina in goæra, a commenco a laoa inte 'n stabilimento milita dove se fabbricava di paracheite. E foto che ghe fun scattæ da-o D. Conover, inviao pe realizza un servicio in sce-e operaie, ation inmediatamente l'atencion e a zoena a fu recluta da-a prestigiosa Blue Book Model Agency . Disciprina e decisa a assegonda i sugeimenti de chi intendeiva valorizzala atraverso l'obiettivo (comme-o fotografo A. de Dienes), in breve a se propose co-a maiciosa segueca da pin-up in grao de ezarta e a-o tempo mæximo supera i limiti de l'inmaggine fissa provocando un clamoroso impatto in sce-o pubbrico. L'ea comencao un periodo esatante e dificile: into 1946 de fæto a Norma Jean a l'otegne o divorcio, un contratto co-a 20th Century Fox , un nœuvo nomme (Marilyn Monroe) e, pe molti versci, una nœuva identitæ.

Quella da bionda starlette da-a cammina anchezante e flessoosa, da-o ton de voxe sussurao e sexy . Mentre a l'afrontava i so primmi impegni cinematograffeghi (a commedia Scudda-hoo! Scudda-hay! , sciortia solo into 1948, do F. Hugh Herbert, inta quæ a l'apa de sfuzzia inte 'n'inquadratua; una piccena parte in Dangerous years , 1947, de Arthur Pierson), contemporaniamente a seguiva i corsci de tiatro presso l? Actors Lab de Los Angeles. Licencia da-a casa de producion, gracie a l'interessamento do potente Joseph Schenk, cofondato da Fox , a l'otegne presso a Columbia Pictures una parte de rilevo into musical a basso costo Ladies of the chorus (1948; "Orchidea bionda") de Phil Karlson. Fu quindi l'agente cinematografego Johnny Hyde a faghe otegni di rolli ben ciu scignificativi doppo aveila nota inte 'na breve ma sforgoante apaicion a-o scianco do Groucho Marx in Love happy (1949; "Una nœutte in sce-i teiti") do David Miller: daprimma in The asphalt jungle (1950; "Giungla d'asfato") do John Huston , quello de l'Angela, l'amante a 'n tempo provocante e infanti de 'n matuo avocato scannapape (Louis Calhern), e quindi quello inconsapeivemente aotoironnego de 'n'ambiciosa attrixetta in All about Eve (1950; "Eva contra Eva") do Joseph L. Mankiewicz .

I atre peliccole do periodo pan invece imprexonala into cliche da bionda vistosa e svampia, destina a sciuscita l'interesse di ommi ma asci una vena de crudele sarcasmo, da-o quæ a parse liberase co-o bello personaggio de 'na zoena donna senscibile interpretao into 1952 pe-a RKO into melodramma Clash by night ("A confescion da scia Doyle") do Fritz Lang . Quello mæximo anno se mortiprico i ocaxoin pe consolida o sempre ciu conscistente favo do pubbrico ormai infatoao da zoena promissa. Da 'n lao l'attrixe a s'impegno a calibra e so dœutte dramattiche into confuso melo da-i resvotti psicoanalitteghi Don't bother to knock ("A to bocca a bruxa") do Roy Ward Bake, e in The cop and the anthem do Henry Koster, episodio do collettivo O. Henry's full house ("A giostra umana"), into quæ a disegna una sfronta prostituta. Da l'atro a poette perfeciona o so innao talento commico in We're not married ("Maiezzi a sorpreiza") do Edmund Goulding, ma sorvetutto in Monkey business ("O magniffico scherco") do Howard Hawks, inrescistibile apoteoxi do so rollo de segretaia sexy. Into fratempo a moltiplicava i so sforci pe perfecionase (a l'aveiva da-a rente, da-i tempi de Ladies of the chorus , una meistra de recitacion, Natasha Lytess), divora da l'anscia de corma i propri limiti corturæ.

Transformao in pubbricitæ l'improviso scandalo caosao da-a diffuxon de foto de nuo che o T. Kelley o gh'aiva scattao into 1949 e ch'ean stæte dœuviæ pe-o calendaio Golden dreams do 1950, a Marilyn a s'afermo definitivamente co-o personaggio pe le anommalo de 'na dark lady in " Niagara " (1953) do Henry Hathaway: fascia inte 'n vesti rosso sciamma, sfacciadda e eccesciva mentre a s'abandona a-e notte da cancon Kiss o quande a s'alontana longo a stradda indulgendo inta so tipica andatua, inseguia da-a macchina da preisa inte 'na longa carella. O sucesso o fu enorme ma a consacracion assolua a doveiva ariva gracie a atri doi film interpretæ into 1953 e inti quæ risurtan calibræ inte un'estremma scintexi tutti i elementi che ciu o meno confusamente aveivan caratterizzao i so precedenti personaggi: o brioso cinismo, a superficialitæ assolua, a calcola capitalizzacion da proppia bellezza inte 'na vosciua esaspiacion comica destina a sciuscita into pubbrico un'indulgente sensacion de superioitæ.

Inta scintillante commedia da-i umoi taggenti Gentlemen prefer blondes ("I ommi preferiscian e bionde") do Hawks, vivaciza da di brillanti numeri muxicæ (in sce tutti Diamonds are a girl's best friend e Bye bye baby cantæ da-a Marilyn), in sce de tæ caratteristeghe l'e costruio a biondiscima e rapaxe Lorelei, perfetta meitæ complementa da giunonica, protettiva e bruna Dorothy ( Jane Russell ). O schema do film o se ripete asci into ciu convenciona How to marry a millionaire ("Comme maia un milionaio") diretto da-o Jean Negulesco, ch'o l'intrecca a stoia de træ amighe impegnæ inta ricerca do matrimonio economicamente risolutivo. Inte questo zœugo de stereotipi l'exile figua de gold digger da Marilyn (a bellezza abarlugante da quæ a vegne celebra da-a cernia inusoa pe 'na commedia de 'n formato comme o Cinemascope ) a l'e construia in sce-a blanda gag da miopia e do refuo di spegetti.

Malgrao o rinovao sucesso, o bezœugno da diva de confrontase con di rolli ciu stimolanti o se scontro co-a reddenixe do Darryl F. Zanuck ch'o gh'impose de interpreta l'anomalo western, da-i risvotti intimisti, River of no return (1954; "A magniffica preisa") de l'Otto Preminger into quæ o ghe fecce ripropone, inte un'infinia, calcola ripeticion, a figua da ballæna, in questo caxo domina da di dexidei de rescatto e de maternitæ. A Marilyn a no l'amo questo film e a refio de gia o sucescivo Pink tights , mentre a l'acetto de pigia parte a-o musical Three's no business like show business (1954; "Matteie de l'anno") do Walter Lang into quæ a se propose inte 'n conturbante numero muxica, sciuscitando un noteive clamo. Into fratempo l'ea scciuppao o grande amo tra a star e l'introverso campion de baseball Joe DiMaggio . O maiezzo da cobbia, celebrao a-o princippio do 1954, o fu inseio tra doi eventi de gran clamo pubbrico: o viægio in Giappon durante a luna d'ame co l'invio rivotto a-a Marilyn a fa una breve tappa in Corea pe intrategni e truppe e a famosa scena da metropolitana de The seven year itch (1955; "Quande-a mogge a l'e in vacanca"), gia da-o Billy Wilde into settembre do 1954, con l'aia ch'a boffava da-a grixella che, into solevaghe e fadette, a provoco un delirio inta folla presente e l'umiliacion do DiMaggio, acelerando de fæto a fin do so ligamme. O film o stigmatizza e debolecce e i dexidei de l'american meddio, imprexonandolo tra de sugestioin metacinematografiche e o fascino da Marilyn, ciamma a impersona The girl , a zoena senca nomme da-o forte e zugoso poei seduttivo, ma asci a aludde esplicitamente a le mæxima, in quanto avoxa star do cinema e gioiosa incarnacion da sessoalitæ.

Decisa comonque a da un ciu profondo spesso a-o so lao d'attrixe, a Marilyn a se reco into 1955 a New York pe segui e lecioin do Lee Strasberg a l' Actors Studio . A vosse inoltre da vitta a 'na proppia casa de producion co-o fotografo de modda M. Greene, interompindo o contræto co-a 20th Century-Fox ch'o gh'imponeiva de parte conscideræ reduttive e umiliante. A major a fu cosci constreita a concedighe un nœuvo contratto ch'o l'impegnava a gia quattro film in sett'anni consentindoghe d'aprova i copioin e de laoa con di registi che incontressan o so favo. O primmo exito de questo acordio o fu Bus stop (1956; "Ferma de l'aotobus") do Joshua Logan, o risurtao ciu persona e san da carea de l'attrixe e a convincente dimostracion da so capacitæ de sfuma i træti comichi inte 'na dointe umanitæ ("quarcosa tra o Chaplin e o James Dean", F. Truffaut , Les films de ma vie , 1975; trad. it. 1978, p. 157). Træto da 'na piece do W. Inge, ma modellao da-o sceneggiato George Axelrod in sce-a personalitæ da Marilyn, o film o risurta imprecioxio da-a so tota inmæximacion inta doce ballæna Cherie, da-o patetico e scarso talento, proietta verso Hollywood da 'n sœunno imposcibile, constreita a exibise inte di locali d'infimo ordine e segna pe-a stanchecca da 'n innatura pallo. Fratanto o so nœuvo ligamme co-o commediografo Arthur Miller o l'aveiva suscitao o morboso interesse da stampa pronta a ironizza in sce l'amo tra o brillante intellettoa e a diva, cosci comme a l'inrieiva i tentativi de l'attrixe de cimentase inte de parte ciu impegnative. Perseguitao da-a Commiscion McCarthy e privao do passaporto , o Miller o poe' invece segui a Marilyn in Inghiltæra in sce-o set do so film The prince and the showgirl (1957; "O principe e a ballæna") do Laurence Olivier , in quante l' eco do matrimonio fra i doi o fu ta che i aotoritæ no oson dividde a famosa cobbia. I raporti no facili con l'Olivier (ascidiao da-a presenca da nœuva meistra de recitacion de l'attrixe, Paola Strasberg) e l'afiora de primme incomprenscioin co-o Miller peson in sce-a Marilyn, che pu a l'apa luminosa inte l'anima l'ennexima figua de ballæna in grao de conquista co-o so vivaxe cando o freido rezente de Carpacia (interpretao da-o mæximo Olivier).

Fu pero solo doppo doi anni trascorsci tra de devastante crixi personæ ch'a poe' torna a recita in sce-o grande schermo, diretta torna da-o Wilde. Se-o risurtao o fu o cao-lao da commedia Some like it hot (1959; "A quarchedun o ghe piaxe cado"), farca vivaxe, inte 'n gianco e neigro ricco e pastoso, de l'America do proibicionismo e do cinema di gangster , a laoacion a risurto drammatica pe-i cronichi ritardi de l'attrixe, e so poiie, e improvise amnexie. A-o mæximo tempo mai a l'ea aparsa cosci evidente a so estremma padronanca di tempi commichi (ch'a ghe varse un Golden Globe e a ghe vegne riconosciua da-o mæximo Wilder) comme into da vitta a-a deliciosa sunaixe de ukulele Sugar Kane, vittima prediletta de sasciofonisti senca scrupoli e de troppi alcolichi, ch'a canta con inrescistibile sex appeal I wanna be loved by you e co-a so sola presenca a rende ancon ciu paradossa a scitoacion di doi jazzisti de quart'ordine (o Tony Curtis e o Jack Lemmon ) constreiti a finzise donne pe sfuzzi a morte segua in quante testimonni invoentai a Chicago da famigera stragge de San Valentin . Into film sucescivo, Let's make love (1960; "Femmo l'amo"), una garba commedia muxica diretta da-o George Cukor, l'attrixe a fu ascianca da 'n afascinante Yves Montand co-o quæ a l'ebbe un flirt ampiamente pubbricizzao da-a major .

Ma l'apontamento tanto ateiso, carego d'aspettative e in sce-o quæ drammaticamente se riverbero i tragichi eventi sucescivi, o fu quello con The misfits (1961; I spostæ ) diretto da-o Huston sciu scenezzatua do Miller. In questo universo mascolin ciutosto convenciona, into quæ di cowboys moderni son constreiti a caccia cavalli destinæ a diventa cibbo pe chen, o personaggio ciu rea e intenso, perturbante co-a so emotivitæ esploxiva e vosciuamente construio pe mette a nuo a senscibilitæ de l'attrixe, o l'e proppio quello da Roslyn, a-o quæ a Marilyn a l'aderi senca difeise, portando a-e estremme conseguence o 'mettodo' strasberghian e rivelando una bellecca improvisamente soferta, splendidamente cugeita da-o gianco e neigro do Russell Metty.

A morte do Clark Gable (interprete do film e poæ inmaginaio de l'attrixe inti so sœunni da figgiœua) poco doppo a fin de ripreize e o divorcio da-o Miller getton a Marilyn inte 'na spira de deprescion e i meixi sucescivi fun marcæ da 'n inarestabile ma de vive fronte a-o susseguise di eventi. Tra questi, o ricovero avegnuo a-o princippio do 1961 a-o Payne-Whitney de New York, un uspia pe maotie mentæ, subio comme 'na devastante prexonia e da-o quæ a saiæ sciortia pe l'intervento do DiMaggio. O tentativo de repigia a recita con Something's got to give , pe-a regia de Cukor e da-a rente a l'amigo Dean Martin , co-e splendide foto de nuo scattæ in sce-o set a-i bordi da piscina, inte quæ l'attrixe a pa ofrise inte un'urtima gioiosa reisa de le a-o mondo intrego. L'abuso de farmachi, e continnoe assence durante a laoacion do film, compreisa quella famosa do 19 mazzo 1962 pe canta comme 'na popona vœua Happy birthday a-o Madison Square Garden in ocaxon do compleanno do prescidente John F. Kennedy . I ciacciaræ raporti con quest'urtimo e quelli presunti co-o fræ de le, Robert. Infin o licenciamento da-o set da parte da Fox e, de fronte a l'opoxicion do Dean Martin, a decixon de riassumme l'attrixe.

O clamo sciuscitao da-o presunto suicidio o fu ta che inmediatamente fun avancæ e ipotexi ciu despæge, compreisa, ciu tardi, quella de l' omicidio , co-ina coixitæ e una psicoxi da isteria collettiva che provocon un destacco sempre ciu profondo da-a tormenta individoalitæ da donna, divegnua sugestiva vivagna de inspiacion pe artisti oltre che inesaoribile 'caxo giornalistego'. Sciu de le de fæto inti anni no s'e mai cessao de scrive: da-o dramma do Miller After the fall (1964) a-o romanco Blonde (2000) do J.C. Oates. Passando pe-i versci de l' Oracion por Marilyn Monroe (1965) scrita da-o poeta nicaraguense E. Cardenal e pe-e belle pagine dedicæghe inte Muxic for chameleons (1975) da-o T. Capote che, into ricorda un pomeriggio trascorso con le into 1955, o-a descrive comme 'na "belliscima figgiœua" da-e mille inseguece e da-o lenguaggio spesso sboccao, capaxe pero de risponde con disarmante do a 'n passante ch'o ghe conseggiava de no tocca di chen sconosciui: "I chen no m'adentan mai. Solo e persone" (trad. it. 2000, p. 239).

Atri progetti [ modifica | modifica wikitesto ]

• Wikimedia Commons a contegne di files in sce Marilyn Monroe