O scinbolo do luteraneximo, a
Reuza do Lutero
.
Co-a parolla
luteraneximo
se indica a primma
confescion crestiann-a protestante
nasciua da-a riforma comensa da-o
Martin Lutero
, ch'a se inspira a le e a-i teologhi ch'an arecugeito a so ereditæ, primmo fra tutti o so ascistente o
Feipo Melanton
, redato di articoli da fede luterann-a inta "
Confessio Augustana
".
A teologia luterann-a a l'e sostegnua da cinque fondamenti (e cinque "sola" da Riforma) e a l'aferma che no l'e necesaio l'intercescion da Gexa pi-a sarvessa de l'anima, conscidera ≪in libero dono de Dio≫ (giustificacion) dæto a l'ommo pi-a sola fede inte l'unico mediato e redento
Gexo Cristo
, sensa l'agiutto de opere da lezze, inte 'na particolare interpretacion do pensceo de l'apostolo
Poulo
e de l'
Agostin
, perche l'esere umano o no l'e asolutiscimamente bon a no peca (teoria da depravacion totale) e pe quello o no peu sentise in corpa, ma o peu ese sarvou solo da
Dio
s'o credde inta rivelacion do Cristo.
Questa poxicion a l’e riasonta into versetto latin
iustus ex fide vivit
, fondamento baze de tutto o protestanteximo; a confescion luterann-a a sostegne pe de ciu chi-a fede crestiann-a a se fonda solo in scia
Bibia
, lezua da ogni credente con l'agiutto do
Spirito Santo
(
sola scriptura
), predica asci da Ministri cernui da-a comunitæ, ma sensa nisciun agiutto de sacerdoti costodi da tradicion e unichi interpreti aotorizæ (sacerdocio universale di credenti).
Di sacramenti n'e conservou solo doi: o
batæximo
e a
Santa Cenn-a
, questa segondo 'n'interpretacion modera da teoria da consustanciacion ch'a l'amette a prezensa rea. Existan pe de ciu dotræ diferense rigoardo l'escatologia intanto chi-a morale sociale a l'e despægia a segonda chi-a Gexa luterann-a da quæ se parla a l'e tradicionale (confescionale) o "liberale".
I fedeli luteren into mondo son ciu o meno 75 milioin e a ciu parte a l'e in
Germania
e inta
Scandinavia
.
