David Livingstone
(
Blantyre
, 19 marco 1813 ?
Lago Bangweulu
, 1º mazzo 1873) o l'e stæto un miscionaio, esplorato e mego britannego de l'era vittoriana. O nasce' into villaggio de
Blantyre
, inta region scocceize do
Lanarkshire
do sud.
Ritræto do David Livingstone
Dæti personali
Nascita
: Blantyre, 19 marco 1813
Morte
: Lago Bangweulu (Zambia), 1º mazzo 1873
Paize
: Inghiltæra
O segui a facoltæ de
meixina
e
teologia
a
Glasgow
e into 1838 o l'intro inta
Societæ Miscionaia de Londra
co-o dexideio de trasfeise in
Cina
, ma o no poe' realizza questo so sœunno a caosa da
guæra de l'oppio
ch'a l'imperversava inte quello paise.
Into 1844 o se sposo con Mary Moffat, figgia de un atro miscionaio, Robert Moffat. A mogge a l'aresto con le in Africa pe di anni, pe torna doppo in
Inghiltæra
co-i so figgi.
Into periodo 1852-1856, o l'esploro l'entrotæra african, scrovindo e
Cascate Vittoia
, a-e quæ o desse o nomme de l'alloa
Vittoia d'Inghiltæra
. O Livingstone o fu un di primmi Œuropei a fa un viægio transcontinenta attraverso l'Africa. O scopo do so viægio o l'ea de arvi de nœuve vie commerciæ, e de accumula informacioin utile in sce-o continente african. In particola, Livingstone o l'ea un sostegnito de miscioin e do commercio inte l'Africa centra.
O torno in Inghiltæra pe otegni un supporto a queste so idee, e pe pubblica un libbro in sce-i so viægi. Fu in questo periodo ch'o se dimisse da-a societæ miscionaia a-a quæ o l'appartegniva.
Livingstone o ritorno in Africa a cappo de una spedicion co-o scopo de esplora o sciumme
Zambexi
. Mentre o l'esplorava o Zambexi, e miscioin da le vosciue in Africa centra e orienta finin in moddo desastroso, con quæxi tutti i miscionai morti de malaia o de atre maotie. O sciumme Zambexi o se rivelo ese completamente no navegabile a caosa de una serie de
cateratte
e rapide che Livingstone o n'ariesci a esplora inti so viægi precedenti.
A eccecion de un inzegne de nomme George Rae, i atri occidentæ o moin o renoncion. So mogge Mary a moi o 29 arvi 1863 de desenteria, ma Livingstone o continuo e so esploracioin, e infin o torno in Inghiltæra into
1864
. A spedicion a fu conscidera un fallimento da molti giornæ britanneghi do tempo, e o Livingstone o l'ebbe de grosse difficortæ a arecœugge di fondi pe esplora urteiomente l'Africa.
Into marco 1866, Livingstone o torno in Africa, a
Zanzibar
, da dove o comenco a cerca a sorgente do
Nilo
.
Richard Francis Burton
,
John Hanning Speke
, e
Samuel Baker
aveivan in precedenca, e corettamente, identificao segge o
lago Alberto
che o
Lago Vittoia
comme sorgente, ma a question a l'ea ancon dibattua. Livingstone, into cerca a sorgente do Nilo in veitæ o se porto troppo a ovest, scin a razonze o sciumme
Lualaba
che atro o no l'e che a parte inicia do
Sciumme Congo
, ma che Livingstone erroniamente o conscidero ese o Nilo.
O s'amaoti e pe trei anni o perse completamente o contatto co-o mondo esterno. Solo un di so 44 dispacci o l'arrivo scin a Zanzibar.
Henry Morton Stanley
, o giornalista inviao a-a so ricerca into 1869, o-o trovo inta cittæ de
Ujiji
, in sce-e sponde do
lago Tanganica
o
10 novembre 1871
.
Questo episodio o l'e arestao famoso pe e paole co-e quæ se dixe che Stanley o l'agge a primma votta salutao o Livingstone:
Dr. Livingstone, I presume
[1]
. Ean i unichi doi Œuropei in Africa into 'n raggio de centanæa de chilometri e se saluton comme se se veddessan a un ricevimento. Un episodio riportao pœuscia ciu votte comme esempio de quanto a forma ma seria
mora vittoiana
a foise compenetra e ascimila into popolo ingleize
[2]
.
O Stanley o s'uni a-o Livingstone, e pe un anno continuon insemme a esplora o nord do
Tanganica
, da pœu Stanley o parti. A despeto de sollecitacioin d'o Stanley, o Livingstone o l'ea determinao a no lascia l'Africa scin a quande a so miscion a no foise stæta completa, ma into 1873 o moi in
Zambia
de
malaia
e pe una emorragia interna dovua a una
occluxon intestina
. O so corpo, portao pe oltre mille miggia da-i so leali ascistenti Chuma e Suxi, o ritorno in Inghiltæra pe ese asoterao inte l'
Abbazia de Westminster
; o so cœu o fu invece seporto into lœugo dov'o l'ea morto, in to
Lago Bangweulu
, a
Chitomba
.
- ↑
cosci o riporta Stanley into libbro
How I found Livingstone
. Diffusa, sciben che no coretta, a verscion
Dr. Livingstone, I suppose
ch'a pa ese a ritraducion de l'italian
suppongo
in ingleize
- ↑
In realtæ Stanley o conta: "Saiæ corso da le, ma ea intimoio da-a presenca de una ta folla - l'aviæ abbraccao, ma no saveiva comm'o m'aviæ recevuo; cosci fei co che codardia mora e faso orgœuggio suggeivan ese a cosa megio - camminei decisamente verso de le, me levei o cappello, e dissi:
Dr. Livingstone, I presume?
."