Virtutis indulgentiarum
Controriforma
- vasta acion desguggeita da-a
Gexa
into XVI sec. e in parte do XVII pe restaora 'na ciu intensa, viva, scincea e disciplina vitta religioza, realizando quella ≪riforma into cappo e inte membre≫, za discussa inti concilli do XV sec. e reiza ancon ciu urgente da-o dilaga da
Riforma protestante
into XVI sec.
A Controriforma a travagio into campo do dogma e inte quello da disciplina eclexastega, tra-a
cexia
e o
laicato
, con di mezi religioxi, polittichi, giudiciai, insce-o teren coltua e in sce quello di arme; a l'agi con particola intenscitæ tra o quinto e o nono dexennio do 16° sec., ma a so œuvia a se protrasse pe scin che, co-a
paxe de Vestfallia
(1648), aparsan zœumoæ decise e sciorte religiose d’Œuropa e tracæ i confin teritoiæ fra e confescioin.
In scio teren dogmattico, l’œuvia da Controriforma a se concentra particolarmente inte l'attivitæ do
Concillio de Trento
(1545-63) votta a fissa o dogma catollico inti ponti inti quæ o
protestanteximo
o l'aiva renegao di princippi tradicionæ, o interpretao in moddo nœuvo a
Sacra Scritua
e i
Paddri da Gexa
. In particola o
Concillio de Trento
o fisso o dogma do peccao origina e quello da giustificacion pe-a fe' e pe i œuvie, condanando o princippio luteran da giustificacion pe-a sola
fe'
, independentemente da-i œuvie, e afermando o valo do libbero arbittrio perscistente asci doppo o peccao origina. Asci into campo da riforma disciplina o concillio o desgugette œuvia esencia, dando de norme pe-a cernia e l’acion di cardenæ e di veschi e condanando o nepotismo. Fœua da-o concillio, i pappi dettan infinie dispoxicioin votte a evita o continoase de certi moæ, pe-o ciu da longhiscimo tempo deploræ, ma a-i quæ no s'ea mai ariescii a pone repao.
A-i pappi s'ascianco di eclexasteghi eminenti comme san
Carlo Borromeo
, san
Lusciandro Saolo
, i biæ
Paolo Burali d'Arezzo
e
Zane Giovena Ancina
, o cardena
Gabriello Paliotto
e atri. Gren arteixi de l'intrega œuvia reformatrixe fun i nœuvi ordi religioxi, principalmente a
Compagnia do Gexo
, e da pœu teatin, somaschi, barnabiti, uspiae de San Zane de De, ministri di infermi, ceghi regolæ da Moæ de De, ceghi regolæ minoi, scolopi. A questa scioitua de nœuvi ordi religioxi s'acompagno a riforma di antighi: sorzette cosci i capucin, i carmeliten descaci, i romiten descaci de s. Aostin. Into complesso co-a Controriforma, i driti da gerarchia dettan lœugo a 'n'organizacion sempre ciu forte e disciplina; o primato papa o l'afermo con sempre mao fermecca i so atributi.
Concillio de Trento
Caratteristega da religioxitæ da Controriforma a fu, into campo mora, 'na mao benignitæ, un senso ciu vivo e 'na valutacion ciu esteiza de tutte e condicioin psicologgiche di atti umoen. O sprito de mortificacion da carne o l'aresto parte esencia da pietæ catollica, ma scento, o s'amermo, certe forme d'aspia e pubbrica penitenca. Aomento asci grandemente a cua pe o megioamento do costumme di eclexasteghi, l’attivitæ socia e beneffica do clero: l’importanca do sacerdoccio, ch'o l'ea stæto elemento vita scin da-o comenco da Gexa catollica, a ne resulto ancon acresciua, sciben che quarche laico o l'asurse a figua de primma classe inta vitta da Gexa, cosci comme molti eclexasteghi i quæ ebban inte questa 'n'importanca senca arcun raporto co-a so poxicion gerarchica.
A Controriforma a lotto contra l'
erexia
, no soltanto a traverso in'œuvia polemmica in difeiza di princippi catollichi, ma sofocando con mezi represcivi ogni fogoa d'erexia inti paixi catollichi. Quest’œuvia a fu in particola moddo afia a l'
Inquixicion
. Conessa a l'œuviao de questa a fu l’attivitæ de prevencion, ch'a s'esplico sorvetutto into campo libraio co-a censua preventiva (sottopoxicion a l'
imprimatur
) e represciva (institucion de l'Indice di libbri proibii).
A tutte i attivitæ inte quæ se concretizo a Controriforma va azonto quella polittica e milita, che a Gexa a no poette realiza da le, ma ch'a no cesso fin da-o comenco de racomanda a-i stati, incoragindo e impreize votte a vence in sce-i campi de bataggia i erettichi e a sgominane e coalicioin. A stoia da Controriforma a comprende pertanto quella de guære de religion. A
Germannia
a fu o so campo principa, da-a formacion da
Liga de Smarcada
a-a
paxe de Vestfallia
. Infin, l'e da mencuna l’œuvia de miscioin, specce gexuitiche, che porton o
catoliceximo
no solo fra i indiggeni de l'
Amerrica Meridiona
, ma in
Etioppia
, in
India
, in
Cina
, in
Giapon
. Inta mæxima direcion de reconquista e espanscion da Gexa catollica s'acentuo i sforsci verso l’union de gexe e o ‘recuppero’ di crestien ortodosci, con conseguente impegno, religiozo e milita, pe l’alontanamento di Turchi da l'Œuropa centra e da-i
Balchen
.
Inte l'ambito de l'arte o concillio de Trento o se prononcio de mainea ciutosto generrica: rinlacandose a-e decixoin do segondo
Concillio de Nicea
, o ribadi a liceitæ e validitæ de inmaggine sacre e o ne affio a-i eclexasteghi a disciprina e o controllo. A politica figurativa da Controriforma a se vozette, perco, sorvetutto a scombatte e licencie e i abuxi into campo iconograffico, inscistendo in sce l'ezatta aderenca a-i fæti da stoia crestiana e a-e veitæ teologgiche, despugiæ da ogni elemento de tradicion apoccrifa o popola, e a spinzette a evidenciane i valoi edificanti. Questo rœudo attezamento o comportava asci l'eliminacion di elementi profen e 'n particola controllo insci-a decenca de inmaggine: exemplæ, a sto propoxito, pœu ese o processo intentao into 1573 da-o tribuna de l'Inquixicion a-o
Poulo Veronese
che inta "Cena in caza Levi" (
Venecia
,
Galerie de l'Academmia
) o l'aiva introduto chen, nen, buffoin no mencunæ da-o testo bibblico e sconvegninti a un epizoddio sacro, e, ciu ancon, i aspii atacchi a-i quæ fu sottoposto o "Giudiccio universa" do
Michelangiolo Buonaroti
inta
Capella Sistinn-a
pe l’indecenca di nui, pe l'introducion de figue comme quella do
Caronte
, pe a raffiguacion di angei senc'ae ecc.
Ma da-a rente a questa reddena poxicion, ch'a l'atrœuva esprescion inte un di doi dialloghi pubricæ into 1564 da G. A. Gilio (
Degli errori e degli abusi de’ pittori circa l'historie
) e, de mainea ciu prefonda e scistemattica, inte l'œuvia do G. Paleotti (
Discorso intorno alle immagini sacre e profane
, 1582), e a l'anallogo attezamento inti confronti da muxica (o contraponto, i improvixi o o diminuendo, che rendeivan incomprenscibbile e paole, fun eliminæ, comme fu epurao asci i motivi popolæ in sce-i quæ de spesso se cantava e parolle da messa), into panorama artistego e religiozo da Controriforma trovo lœugo di movimenti e de personalitæ de carattere completamente despægio: gracie a l'œuvia di gesuiti e sorvetutto a di tipi d'organizzacion quæ quella di oratoi, se cortivo into campo di arte figuative, da muxica e do tiatro, di esprescioin che, fando leva insci-o sentimento, risurton ciu efficaci e aberanti strumenti de propaganda. Inte l'ambito da politica da Controriforma va ancon aregordao l’unnico scrito che con scrupoloza meticoloxitæ o l'affronte o problema de l'architettua sacra: e
Instructiones fabricae et supellectilis ecclesiasticae
che o
San Carlo Borome
o pubbrico into 1577.