ZE	Questa pagina a l'e scrita in lengoa zeneize A Grafia adeuvia a l'e quella de l' Academia Ligustica do Brenno

Annia l'e o nomme comun de tanti oxelli d'ægoa, generalmente migratoi, da famiggia di Anatidi (ordine di Anseriformi ) e in particola moddo do genere Anas .

Descricion [ modifica | modifica wikitesto ]

Viven comunemente inti stagni e inti laghi cibandose de nutrimento trovou sotta a superficce de l'ægoa. Gran parte de lo, specce quelle principalmente d'ægoa, non g'han in bon coordinamento di movimenti in scia tæraferma; quelle ciu piccinn-e, invece, son solitamente coordinæ inte tutti doi i ambienti.

L'annia domestega a l'e 'na spece seleziona, probabilmente deriva da-o german rea e da di atre spece anche americann-e. Con annia sarvega solitamente se intende o german rea ( Anas platyrhynchos ).

E volpoche ( Tadornini ) g'han i coi e o comportamento de annie, ma a forma de oche .

Spece in Italia [ modifica | modifica wikitesto ]

Nommi scientifichi de spece de annie oservabili inta fauna italiann-a:

• Anas crecca
• Anas strepera
• Anas platyrhynchos

Elenco di annie presenti in Europa e inte l'area mediterranea [ modifica | modifica wikitesto ]

• Cairinini (nidifichen in sci erboi):
  • Aix galericulata
• Aythyini (annie tuffatrici):
  • Aythya ferina
  • Aythya fuligula
  • Aythya collaris
  • Aythya nyroca
  • Aythya marila
• Anatini (annie de superficce):
  • Anas platyrhynchos
  • Anas penelope
  • Anas americana
  • Anas strepera
  • Anas crecca
  • Anas formosa
  • Anas acuta
  • Anas querquedula
  • Anas discors
  • Anas clypeata
• Oxyurini : A no l'e presente in Italia, ma in atre zone do Ma Mediterraneo . Se tratta de annie piccinn-e e compatte che se immerzen. G'han de coe lunghe, redene e erette. E sampe son ben ben arretræ.
• Mergini , annie de ma fra e quæ i generi:
  • Mergellus: l´unico raprezentante do genere o l´e Mergellus albellus ; d´inverno o s´atreuva into Nord d´Italia
  • Mergus : feua che o Mergus serrator e Mergus merganser , no s'atreuvan in Italia, ma in Europa centra e Europa settentriona. Se tratta de annie de stazza da medio-piccinna a grande. Se immerzen; i becchi g'han denti seghettæ. Svernen in sce coste marinn-e e inti laghi, e nidifichen inte cavitæ di erboi
  • Histrionicus .
  • Melanitta
  • Bucephala
  • Clangul

Anie de ma [ modifica | modifica wikitesto ]

E anie de ma son anie tufatrici che vivan inti ma de l'estremo Nord, prediliggian e zone costee ciufito che o ma averto. S'aposan pe nutrise, sott' ægoa neuan leste gracie a-e sanpe aretræ, e a-e ae curte. Peuan aria a 'na profonditæ de 4-5 metri e scinn-a 10-12 e foscia ciu, a segondo do genere e da spece. A stagion riprodutiva pe-e tenperatue estremamante basse a l'e curta; solo inte sto periodo devan spostase inte l'entrotæra pe deponn-e e euve.

Mergini [ modifica | modifica wikitesto ]

I Mergini - Rafinesque 1815 son 'na Tribu d' oxelli da famiggia anatidae, a ciu parte, ma no tutti, son marin. An svilupou de speciali gandugge da sa o gandugge nazali che ghe permettan de beive ægoa de ma; quande scrolan a testa comme pe stranua, in realtæ eliminan a secrecion salinn-a ch'a se gh'amugia inte naixe.

Smergo Gianco ( Mergellus albellus ) [ modifica | modifica wikitesto ]

o Smergo Gianco ( Mergellus Albellus - Linnaeus, 1758; nomme Italian Pesciaiola ) o se distingoe da-i atri smerghi pe-ese ciu picin e avei o becco ben ben ciu curto; o l'e ciu scimile a 'n'ania e defæti o l'e stæto clasificou comme unico ezenplare do genere Mergellus.

O masccio quæxi tutto gianco o l'a 'na maccia de co neigro in gio a l'euggio e doe righe soti, unn-a da a baze do collo a-o peto l'atra da-o peto a-a pansa, o l'a 'n suffo gianco e neigro, 'na tersa riga de neigro a l'evidencia o bordo de ae, che sovia son de co gianco, o dorso o l'e neigro ch'o sfuma verso o grixo da coa; in xeuo o se riconosce pe-a livrea de co gianco e neigro. A femina de co grixo a l'a in suffo maron chi tia a-o rosso, masche e goa de co gianco. I smmerghi an o becco longo, streito e seghetou.

E zone de riproducion son e foreste da taiga Eoropea e Aziatica; nidifican vixin a laghi e sciummi a corso lento, circondæ da conifere. Fan o nio inte cavitæ di erboi, de spesso in nii abandonæ da-o Piconso Neigro, da-a fin d'Arvi-primmi de Mazzo. A femina a deponn-e 7-9 euve incobæ 26-28 giorni.

Svernan in sce coste do Ma Baltico , Germania , Paixi Bassi , Gran Bretagna, Ma Caspio , Ma Neigro . L'Italia - Ato Adriatico, Estoaio Veneto, lagunn-e- a l'e o limite meridionale de l'areale de svernamento, da Novenbre a Marso, in numero riduto.

Albellus= il piccolo (uccello) bianco; il nome Albellus si trova per la prima volta nell'Aldrovandi ( Orn . III, p. 276), il quale crede sia usato dai Mantovani ^[1]

Provincia di Genova (...) Mergellus Alvellus, Smergo. Rara, invernale (...) distretto della Spezia (...) Specie invernale e molto scarsa ^[2]

Moetta Arlicchin ( Histrionicus Histrionicus ) [ modifica | modifica wikitesto ]

A Moetta Arlicchin ( Histrionicus Histrionicus - Linnaeus, 1758) a l'e 'n'ania de ma longa 38-45 citti, co-in peizo in sci 700 grammi o masccio, 600 grammi a femina. L'e pe e seu ciumme straordinaiamente variegæ ch'a Moetta a deve o so nomme. O masccio o l'e de co grixo-bleu, con sovia varie maccie e strisce de co gianco, neigro e rosso-mon; e maccie de co gianco son a-a base do becco, in sci lati e a-a base do collo, n'atra linia de co gianco borda de neigro in scio peto e poi ancon in scia schenn-a e in sce ae, i scianchi son de co rosso-mon, o l´a 'na riga de co neigro da-o becco a-o copusso con sotta 'n fi de gianco e 'na riga de co rosso-mon, a femina de co grixo-brun a l'a'na maccia de gianco in scia testa e in gio a l'euggio; o peto de co grixo-ciæo scresiou de gianco, tutti doi an 'na maccia rionda de gianco in sce l'oegio.

L'habitat de nidificacion son i freidi e rapidi rien do Nord-America Nord-ocidentale e Nord-orientale, a Groenlandia , l' Islanda e-a Ruscia do Nord.

A se bolla in ægoe veloci, inte l'imerscion a l'arve e ae pe mantegni l'equilibrio, in ciu pe contrasta a corente. A caminn-a in scio fondo pe nutrise de insetti, larve e crizalidi d'ægoa. Into pin da corente dove a se bola, poche spece porieivan anaghe apreuvo. E Moette Arlicchin pasan l'inverno in scio ma, se nutran de moluschi, crostacei e vermi de ma, quelle do Nord-America svernan in sce coste do Pacifico e de l'Atlantico, in ægoe poco profonde con scugee somerse, quelle de l'Islanda nidifican inte l'interno e svernan in sce coste.

In Eoropa a l'e cazoale, segnala in Gran-Bretagna, Olanda , Germania, Fransa , Italia, Scandinavia, Paixi-Baltici, Polonia , Slovachia , Oustria , probabilmente provenienti da Islanda e da-a Ruscia.

il 2 marzo 1902 [...] Antonio Puppi uccise due individui giovani della C. histrionica nel Canale di Piave, Estuario Veneto [...] Questi due, per ora, sarebbero i soli presi in Italia ^[3]

E femine costroiscian o nio in tæra ben ascozo da-a vegetacion, da vixin a l'ægoa; o mæximo nio o l'e uzou anno doppo anno, deponn-an 5-7 euve. L'incobacion a dua 27-29 giorni; a 24 oe ch'en sccioii e femine i portan in træti de torenti con izooti formæ da banchi de sabia e giæa, in ægoe ciu tranquille, i picin se nutran de insetti a fi d'ægoa; son autonomi e xeuan doppo 5-6 setemann-e.

Comme tutte e anie de ma, quande e femine incomensan a coa, i mascci lascian a zona e van a reciuma in ma. E femine normalmente se uniscian a-i mascci e reciuman un o doi meixi doppo.

Ania Scua ( Melanitta Fusca ) [ modifica | modifica wikitesto ]

L'Ania scua ( Melanitta fusca - Linnaeus, 1758; scinonimi Anas fusca Linnaeus, 1758 Oedemia fusca Linnaeus, 1758) In Italian Orco Marino . Co-i seu 52-58 citti de longhessa a l'e a ciu grossa do genere Melanitta. O masccio o l'e tutto neigro, levou 'na maccia picinn-a de co gianco sotta i euggi, e-a larga fascia in sce ae, dita spegio; o becco tosso giano con a-a baze 'n bugnon neigro, e sanpe rosso vivo. A femina a l'e de co brun ciæo, con doe maccie de co gianchinastro a-i lati da testa, spegio alare gianco; becco neigro, sanpe scue.

In ægoe sa e sarmaxe mangian gritte e moscoli, in ægoa doce insetti e larve.

O nidifica oltre l'estremo Nord d'Eoropa e in Asia finn-a o baci du Yenissey inta Siberia Centrale. Fan o nio inte 'na goga do teren, ascuzo tra l'erba ata, e i bassi costi, ma senpre vixin a l'ægoa. A femina a deponn-e 7-9 euve, l'incobacion a dua 27-28 giorni. Svernaa a Sud in zone ciu tenperæ, inta migracion sostan in ma anche lontan da-a costa, ma e aree de destinacion son o Sud da Gran Bretagna, coste do Ma Neigro e coste do Ma Caspio.

Gh'e asci atri sciammi minoi scinn-a Fransa e Spagna Setentrionale; in Italia svernan in Ato Adriatico, Ma Ligure finn-a Livorno, Lagunn-e, Laghi Lonbardi.

Oedemia fusca. Orco Marino. Uccello invernale, abbastanza frequente nel Veneto; piu raro nella Lombardia, nel Piemonte, nella Liguria. ^[4]

Oedemia fusca. Orco marino. Germano di mare, Anitra nera. Cherso nero, Cherso bastardo (Ven.). Annia scua (Gen.) e specie invernale non comune da noi; ove si vede piu facilmente e nelle nostre provincie settentrionali e specialmente nell´Estuario Veneto. ^[5]

Oedemia fusca. Un esemplare fu preso in dicembre lungo la Magra a Santo Stefano. ^[6]

Into Vocabolario Domestico do Paganini se gh'atreuva o nomme zeneize de M. fusca (ma no quello da ciu ræa M. nigra ):

ANNIA SCUA, Germano di mare, t. orn. Anas fusca , Linneo. ^[7]

Ania Neigra ( Melanitta nigra ) [ modifica | modifica wikitesto ]

A l'e 'n'ania de ma longa 45-55 citti. O masccio tutto neigro conpreizo o becco tosso e abugnou, con 'na maccia de co giano in gio a-e naixe, a femina de co brun scuo, lati da testa e collo gianchinastro, becco grixo scuo quæxi neigro. Pe cerca o cibbo a se imerze a 3-10 metri de profonditæ.

L'areale de nidificacion o s'estende da l'Islanda, coste Nord de izoe Britaniche, Siberia scinn-a a-o sciumme Olenyok. Svernan longo e coste do Ma Baltico e Ma do Nord, 'na parte fin a-e coste Atlantiche do Marocco , ma anche in certidun træti do Mediteranio . Inta migracion sostan in ægoe poco profonde, tra i 500 metri e i 2 chilometri da-a costa.

In Italia a sverna da-a meitæ d'Otobre a Freva, po-u ciu in ægoe marinn-e, Ato Adriatico, lagunn-e; ocaxonale into Ma Ligure. Fan o nio, ben ascuzo, segge da-a vixin o ma, segge inte zone interne da Tundra, senpre in vixinansa de l'ægoa, fra a meitæ de Mazzo-Zugno. A deponn-e 6-8 euve, l'incubacion a dua 30-31 giorni. Xeuan doppo 'na cinquantenn-a de giorni. 

Fra i fuligulini, Anitre meglio attuffatrici e meno dimesticabili, abbiam raro il Germano di mare ( Melanetta fusca, Boie) e rarissima la Macrosa ( OEdemia nigra , Flem.). ^[8]

Quattr'Euggi ( Bucephala clangula ) [ modifica | modifica wikitesto ]

O Quattr'Euggi ( Bucephala clangula - Linnaeus, 1758) o l'e n'ania de ma difuzo in Eoropa, Asia e America Setentrionale. Longo 45-50 citti, peizo 1200-1400 grammi. o masccio o l'a a testa de co neigro con sfumatue verde brillante, 'na maccia ovale de co gianco tra o becco e l'euggio, da chie o nomme in italian asci de "Quattrocchi", collo peto e scianchi de co gianco, dorso e coa neigro. E ciumme de ae forman de larghe righe de co gianco con soti righe de neigro; a femina, sensa maccia, de co grixo-bleu, testa brun con colæn gianco. Tutti doi an becco neigro sanpe co de cetron, euggi giano-oo -"Goldeneye" o l'e o nomme ingleize.

L'area de nidificacion a l'e a foresta boreale ch'a spacia da l' Alaska a-o Canada , Scandinavia. Ruscia, Siberia. O nidifica inta cavitæ di erboi in proscimitæ de laghi e sciummi. O se reprodue solo 'n'otta l'anno. A femina a deponn-e 8-12 euve. L'incobacion a dua 28-30 giorni; i picin lascian o nio doppo 24 oe, se cacian zu anche da 5-10 metri, van apreuvo a-a femina inte l'ægoa, se nutran subito da soli, xeuan doppo 55-60 giorni. Doppo a riproducion e pe tutto Novenbre-primmi de Dixenbre inicia l'emigracion verso e aree de svernamento. Quelle do Nord Eoropa pasan l'inverno in ægoe sa costee ciu riparæ, grendi laghi e sciummi da Germania Svisera e Oustria.

In Italia o l'e migrato e svernante da Novenbr a Marso, principalmente, lagunn-e, coste Ato Adriatico, laghi da Lonbardia. Da-a fin de Marso-meitæ Mazzo, incomensa a migracion de ritorno a-e zone de nidificacion.

Moetta coa longa ( Clangula hyemalis ) [ modifica | modifica wikitesto ]

A Moetta coa longa ( Clangula Hyemalis - Linnaeus, 1758; Nomme Italian: "Moretta Codona") a l'e 'n'Ania de Ma longa 70 citti, da-o becco curto e-o corpo masiccio, tutti doi cangian de co. D'inverno o masccio o l'a o becco neigro e reuza, dorso e pansa de co gianco, peto e ae de co maron scuo, testa e collo de co gianco con 'na maccia maron ciæo in gio a l'euggio ch'a vegne ciu scua a-i lati do collo. A coa longa 18-20 citti de co neigro a doe ponte (borca) comme e rondaninn-e, a da o nomme a-a spece. A femina a l'a collo e testa de co gianco co-a somitæ scua, dorso maron scresiou de fulvo, o peto ciu ciæo di mascci e o becco de 'n co ch'o tia a-o bleu. De Stæ o masccio o l'a o dorso collo e testa maron con 'na maccja de co gianco in gio e dere a l'euggio, anche a femina a cangia, ghe vegne a testa maron e o co gianco do collo o se ridue.

A nidifica inte l'estremo Nord du Canada, Alaska, Groenlandia , Scandinavia e Ruscia, o nio costroio in scio teren con rametti e tanto ciumin. A deponn-e 6-8 euve, ch'a coa pe 27-29 giorni. Svernan longo e coste de l'Atlantico e do Pacifico, quelle do Nord Eoropa e Ruscia svernan a migiæa into Ma Baltico. In Italia a sverna da Novenbre a Freva in ægoa sa de media profonditæ (10-35 metri) de l'Ato Adriatico, e in numero mino in ægoe sarmaxe, estoai e laghi pre-alpin. In scia fin de Freva a l'inicia a migracion verso e zone de nidificacion.

O nomme scientifico o deriva da-o Latin: Clangere , "Resuna", e hyemalis "D'Inverno".

Lophodytes cucullatus [ modifica | modifica wikitesto ]

Lophodytes cucullatus ( Linnaeus , 1758; in italian Smergo monaco, o dal cappuccio, o dal ciuffo) o l'e 'n Smergo do Nord America longo 44-49 citti, unico ezenplare do Genere Lophodytes - Reichenbach, 1853. O no l'a nomme zeneize. ^[9] O masccio o l'a a testa de co neigro con 'na cresta de co gianco, orna de neigro; dorso brun scuo, peto gianco con doe righe de co neigro, scianchi brun fulvo, ae de co neigro con righe de gianco, euggio giano becco neigro. A femina a l'a na cresta de co maron chi tia a-o rosso, o resto da testa e-o corpo grixo-brun, ae maron con 'na riga de co gianco, euggio e becco scuo.

O l'e endemico de l'America Setentrionale, o seu habitat de nidificacion son e zone umide paluddi laghi sciummi do Canada Meridionale o Quebec , l' Ontario e-o Manitoba , e a meitæ di Stati Unii Setentrionali, i Grendi Laghi, e-o Mississippi. A Est,  Yukon , Columbia Britannica , a Ovest.

Riproducion da freva a zugno, segondo a region, o nio in cavitæ ato da tera a femina o ciu femine deponn-an e euve into mæximo nio.

Son migratoi a curta distansa svernan intii statl dove laghi e sciummi no zean o in baie d'ægua sa a-o redosso do vento.

[...] e accidentale nelle Isole Britanniche, ove venne colto piu volte e forse comparve anche in Francia. ^[10]

Sciben che l'an visto ciu votte in Eoropa comme vixitato cazoale, o l'e cosci cumun inti alevamenti che solo un inanelou o saiæ acetou comme 'n veo vixitato cazoale e no un scapou o liberou da un de sti chi. ^[11]

Somaterini [ modifica | modifica wikitesto ]

Son i "Edredoin". Da tribu fa parte o genere Somateria

Anie d'ægoa doce [ modifica | modifica wikitesto ]

Aythyni [ modifica | modifica wikitesto ]

I Aythyni ^[12] (Delacour e Mayr - 1945) son 'na Tribu de anie da Sottafamiggia Anatinae, En anie d'ægoa doce tufatrici -e anie de ma forman a Tribu di Mergini.

I Aytyini trigan e ægoe profunde 4-5 metri e mangian in scio fondo. Son ciu pesanti e masicce de anie de superficce; an e sanpe ciu dere e ghe scazze ma camina in tæra, ma en fæte aposta pe imerzise e mesciase sot'ægoa. Pe decola devan cori controvento in scia superficce de l'ægoa e sbatte e ae.

E spece do Nord son migratoe, quelle do Sud an tendeza a ese stacionaie.

Particollaritæ: a "Netta Rufina" a se nutre in imerscion ma anche in superficce. L' "Aythya Marila" a passa l'Inverno pe-o ciu in sce coste do Ma, baie a-o redosso, estoai.

Ciuffo Rosso ( Netta rufina) [ modifica | modifica wikitesto ]

O Ciuffo Rosso (Netta rufina - Pallas 1773 ^[13] ; in Italian Fistione o Fischione Turco) a l'e 'na grande e tossa ania tufatrice con testa grossa arionda, longhessa 53-58 citti, avertua alare 84-88 citti; o masccio o l'e inconfondibile pe-o so ciuffo  de co arancion che a luxe giusta o pa indoou. O l´a becco e euggi de co rosso, collo, peto e coa de co neigro, scianchi de co gianco, dorso grixo-brun, ciæo,'na fascia de gianco o ghe segna a spalla, sanpe de co  grixo-arancion. A femina a l'a o ciuffo meno vistozo de co maron-scuo, masche, goa e collo gianchinastro, becco grixo-scuo co-a ponta de co reuza, euggi scui, dorso brun opaco, scianchi de co brun ciæo, sanpe de co grixo-ciongio. In xeuo tutti doi an sovia l'aa 'na banda de co gianco longo tutte e remiganti, sotta l'aa tutto gianco.

L'areale de nidificacion o va da-a Turchia e zone do Ma Neigro a-a Mongolia ,scinn-a Nord-ovest da Cinn-a, in  Eoropa centro-ocidentale. I Ciuffo Rosso peuan  ese  localmente stanciali, ma  pe-o ciu en migratoi a longa o curta distansa. E popolacioin orientali svernan into Sud- Est Aziatico, India, Myanmar, atre inta region do Caspio; quelle d'Eoropa svernan in Spagna ,Fransa, Camargue), Romania (Danubio); atre popolacioin ciu Setentrionali, dificilmente oltre o 55° de latitudine Nord, svernan in Medio Oriente e Nord Africa.

In Italia o l'e migrato, svernante (quantitativi  modesti),e nidificante; se stimma che e cobie son poco ciu de 120-130 distriboie tra Sardegna (stagni Oristaneize) ,Ato e Basso Adriatico (Polia)  Medio Tiren (Toscann-a, Lacio, Canpania).

O seu conportamento e habitat o l'e o mæximo da Moetta Tabaca. O seu habitat en paluddi, laghi contornæ da scciassa  vegetacion, specialmente canioin, dove fa o nio, e o se nutre  de ciante d'ægoa ma anche de larve, bageu, ræne.

A diferensa da-a ciu parte de anie tufatrici, a se nutre in superficce o  a s'imerze parcialmente, ma quande a se tuffa a peu ana  a 2-4 metri de profonditæ.

Feua do periodo riprodutivo, o sosta anche in lagunn-e costee, sciummi lenti, i delta, e salinn-e e in ma. (baie)

Moeton ( Aythya ferina ) [ modifica | modifica wikitesto ]

O Moeton ( Aythya ferina - Linnaeus 1758; in Italian Moriglione) A l'e 'n' ania longa 46-50 citti , avertua alare 72-80, co-o corpo  tosso, o becco longo comme a testa; o l'e de co grixo-scuo con 'na fascia intermedia de co celestin, o masscio o l'a a testa e collo de co castagno chi tia a-o rosso, dorso grixo-cenie finemente scresiou de gianco, peto e sotocoa de co neigro, euggio rosso; a femina de co grixo-brun, masche goa e base do becco son ciu ciæe. Tutti doi an sanpe de co in scio girxo. In xeuo an 'na fascia in sce ae de co grixo ciufiito che de co gianco.

L'areale de nidificacion o s'estende in Eorazia tra o quarantecinqueximo e-o sciuscianteximo latitudine Nord, da l'Islanda a-o lago Baikal, in Eoropa da-a Scandinavia a-a Penizoa Iberica finn-a a-o Nord Africa, in Eoroa orientale paixi de l'Est (Polonia, Romania, Ungheria, Ucraina). O sverna in Eoropa Ocidentale, area Mediteranio e coste do Ma Neigro; modesti sciammi secondai svernan in Africa a Sud do Sahara (Sudan e Etiopia).

O seu habitat son e zone umide, spacci d'ægoa averti  profondi armeno 1-2 metri, ægoa doce o sarmaxa, costea o entrotæra. In Italia o sverna regolarmente, de passo o sosta into corso da migracion, a mascima prezensa a l'e in otobre-novenbre e freva-marso, scarsa a nidificacion spantega in tutte e regioin, pe-o ciu  in Veneto, Emilia Romagna e Sardegna, zone costee de Caliari e Oristan.

Moetta Do Suffo ( Aythya fuligula ) [ modifica | modifica wikitesto ]

A Moetta Do Suffo  ( Aythya fuligula  - Linnaeus 1758) In Italian  Moretta o Moretta Eurasiatica ^[14] , a l'e 'n'ania tufatrice, co-ina longhessa de 43-47 citti, avertua alare 67-73 citti. Carateristico o longo suffo in scio copusso, becco de co grixo-bleu e neigro in scia ponta (l'ongia); pe l'euggio giano a l'e dita L'annia da l'euggio d'oo. E sanpe en de co grixo-gianente. O masccio in livrea nuciale o l'a a parte sovia tutta de co neigro brilante, pansa e scianchi de co gianco. A femina a l'a testa e dorso de co maron scuo, scianchi co grixo-fulvo, suffo curto, apenn-a acenou, e in segno gianco a-a base do becco, no senpre prezente.

Ania tufatrice, a vive in ægoe doci profonde 5-6 metri, comme laghi, sciummi carmi, baci artificiali, paludde, lagunn-e costee. A nidifica vixin a l'ægoa, o nio ascozo tra a vegetecion.

A l'e difuza in tutta Eoropa inte zone a livello do ma, a latitudine media.,45-65 paralelo Nord; a l'evita i climmi estremi, a nidifica da l'Islanda, izoe Britaniche, Eoropa Centrale e Setentrionale, Scandinavia Atlantica e Baltica. scinn-a a Ruscia Eoropea, e parte de l'Azia Ocidentale o Caucaso. A passa l'inverno inte regioin ciu miti: Coste do Mediteranio, do Ma Neigro, Ma Caspio, Eoropa Centrale e Meridionale; in Gran Bretagna, a s'azunze a quella stanciale.

In Italia a l'e migratoa regolare. a ghe sverna asci, doe aree principali, a primma Laghi Prearpin e tutta a Cianua Padann-a , a segonda Italia Centrale e Sardegna.

Moetta Grixa ( Aythya marila ) [ modifica | modifica wikitesto ]

A Moetta Grixa (Aythya marila - Linnaeus  1761. In Italian  Moretta Grigia) a l´e l'ania tufatrice ch'a nidifica ciu a Nord de tutto o genere  Aythya. A l'e anche a ciu marinn-a: a passa l'inverno in scio ma. A l'a 'na longhessa de 46-51 citti; o masscio o l'a testa e peto de co neigro brilante con sfumatua verde botiggia, dorso  de co grixo ciæo (soti rigatue scue in sce fondo gianco), scianchi e pansa de co gianco, anche a coa a l'e de co neigro; a femina a l'e de co brun, scianchi e dorso sfumæ de grixo-maron, a l'a sanpe grixe, euggi de co giano, e 'na evidente  fascia de co gianco in sce ae.

Marila, da μαρ?λη = piccolo carbone, per causa del color nero-carbone delle parti anteriori ^[15]

A nidifica inta tundra e inta zona de foreste boreali da taiga setentrionale d'Eoropa, Azia, e do Nord-America.

Gh'e doe sotospece de Moette: a "Marila" difuza into Nord da Ruscia, Siberia, Islanda, Paixi Scandinavi, Estonia. A sverna in sce coste de l'Eoropa  Ocidentale, Normandia, Bretagna, Mediteranio: Fransa (Camargue) e in Italia inte l'Ato Adriatico. E a Moetta grixa Mino (Aythya Affinis - Eyton 1838), dita anche  "Moretta Americana", a nidifica in Alaska e Canada Ocidentale, a sverna a Sud longo laghi e sciummi da-i Stati Unii  Meridionali e Mescico a-i Caraibi e a-o Sudamerica Setentrionale.

L'ania tufatrice americann-a a l'e quæxi pægia a-a Moetta Grixa, e l'e ben ben  dificile da distingoe; a l'a o brilio co de viuvetta, ciufito che verde botiggia, ma o colore o no l'e determinante po-u varia da luxe. A se riconosce pe-a dimenscion mino, 46-51 citti, o copusso apisuo (suffo legio) e a fascia de co gianco solo in sce remiganti secondaie (spegio). In Alaska inte gran sciammo de moette ghe peu ese e doe spece.  

Moetta Tabaca ( Aythya niroca ) [ modifica | modifica wikitesto ]

A Moetta Tabaca  (Aythya niroca  -Guldenstad -1770;  in Italian Moretta Tabaccata o Moretta Tabacca)  a l'e longa 38-42 citti. O masccio o l'a testa, collo e peto de co brun-chi tia a-o rosso, scianchi ciu ciæi, dorso maron-scuo, sotocoa e euggi de co gianco, becco grixo-ciappa co-a ponta (ongia) e sanpe de co neigro; a femina a l'e quæxi pægia, de co maron  sensa sfumatue chi ti a-o rosso, i scianchi an de larghe rigatue ciu scue, anche i euggi en ciu scui. In xeuo an 'na larga fascia de co gianco in sce remoganti.

L'areale riprodutivo o l'e discontinoo, o va da l'Eoropa Sud-Orientale, Ungheria, Polonia, atri paixi de l'Est a-a  Mongolia Ocidentale, gruppi izolæ en in Spagna, Balcani, Algeria, Tunixia.

O seu habitat into perriodo riprodutivo en ægoe no goæi  profonde con abondante vegetacion, segge in scio fondo che a galla, laghi e paludde poco esteixi circondæ da erba ata e canioei,.o nio ascozo vixin a l'ægoa.

A se nutre in diversci moddi, a se tufa a 2-3 metri de profunditæ, o solo  testa e collo sotægoa,  o-a neua in superficce. O cibbo pe-o ciu en vegetali: ciante d'ægoa, æghe (characee ), ma anche vermi, insetti e larve d'ægoa, crostacei, bageu, ræne e pescetti.

A sverna in tutto o Baci do Mediteranio e into Ma Neigro,in numero mino in Africa a Sud do Sahara. Attraverso a Valle do Nilo, e popolacioin orientali svernan into Sud Est Aziatico.

In Italia a nidificacion a l'e scarsa, 'na sciusciantenn-a o poco ciu de cobire localizæ inte zone umide d'ægoa doce do ato e basso Adriatico, anche inte Sicilia e Sardegna. Notevole pe contra a quantitæ de passo outunale e primaverile e quelle che ghe svernan, oltre  a-e atre zæne, inte valli de Comacchio e lago Trasimeno.

Annie inta coltua [ modifica | modifica wikitesto ]

L'annia a l'e un anima ciutosto comun inta lettiatua e inte l'arte, spesso antropomorfizzou. Fra i esempi ciu celebri poemmo ricorda e rapresentasioin segge plastiche segge disegnative testimoniæ inta preistoria europea tanto inta ceramica quante inta bronzistica; tra e raffigurasioin ciu complesse da semplice pappoeta incisa o modella se ricorda i schemmi da coscidita barca solare e de doe teste ("protomi") contraposte.

Notte [ modifica | modifica wikitesto ]

Atri progetti [ modifica | modifica wikitesto ]

• Wikimedia Commons a contegne di files in sce Annia

Controllo de outoritæ	LCCN ( EN )  sh85039879  · BNF ( FR )  cb119761481 (data)  · NDL ( EN ,  JA )  00564819