Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Xtc , soms nog voloet ecstasy gesjreve is de verzaomelnaom veur synthetische drugs in de vorm vaan pille met es werkzaome stof 3,4-methyleendioxymethamfetamine ( MDMA , C ₁₁ H ₁₅ NO ₂ ). MDMA zelf weurt soms ouch xtc geneump. MDMA, gepatenteerd in 1912 door Merck KGaA in 1912 en in 1967 heroontdek door Alexander Shulgin , maak de neurotransmitters serotonine en dopamine los, wat 'n euforisch effek teweegbringk en ouch zorg veur 'n verhuugde activiteit. Oongewunsde bijwerkinge zien oonder mie bubbele, 'nen druge moond en hartkloppinge. Levensgevierleke situaties zien zeldzaom; 'xtc-doeje' valle miestal bij valse of vervojlde pille (zien dus 't gevolg vaan aander stoffe es MDMA). 't Euforisch effek trejt bij kort achterein herhaolde doseringe neet mie op, umtot 't lief zien serotonine daan heet verbruuk, meh d'n impuls tot activiteit doort wel aon. Xtc-pille zien al sinds de jaore 1980 hendeg populair bij de fans vaan versjellende vorm vaan dancemeziek ( house , techno en genres die dao-oet zien voortgekoume). In bepaolde len heet zelfs de mierderheid vaan alle joongere de drug wel gebruuk. 't Gebruuk devaan weurt in Nederland de facto gedoog. Toch is 't es harddrug algemein verboje. Tege de productie en verkoup vaan xtc weurt wel hel opgetrejje. In de productie en handel vaan xtc mote mieljoene umgoon.

   Dit artikel is e sjtumpke. De kans Wikipedia helpe door 't aan te volle