Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

West Betuwe is 'n gemeinte in de Nederlandse provincie Gelderland , tosse de Lek en de Waal in, tege de grens met Utrech en Zuid-Holland . Wie de naom al suggereert nump ze e groet deil vaan de westeleke Betuwe in. Hoofplaots is Geldermalsen . De gemeinte oontstoont op 1 jannewarie 2019 oet 'n fusie tosse de opgelufde Geldermalsen, Lingewaal en Neerijnen .

Geografie [ bewirk | bron bewerke ]

't Gebeed kinmerk ziech vaanajds door oetgebreide bongerde. 't Groetste deil vaan de bevolking werk intosse neet mie in d'n tuinbouw, meh de fruitbuim (veural appelbuim) zien nog ummer in groete deile vaan de gemeinte te zien. Kortbij ligke de stei Culemborg en Tiel , die ouch bij de westeleke Betuwe hure meh boete de fusie zien gebleve.

West Betuwe heet 'n belaankrieke verkiersfunctie. D'n A2 en d'n A15 doorkruse de gemeinte, zoe good wie de Betuwelijn en 't spoor vaan Amsterdam nao Mestreech. Dees lijne kruse ziech bij Geldermalsen. Ouch de Betuweroute ('n goederelijn vaan d'n have vaan Rotterdam nao 't Roergebeed) lop door West Betuwe.

Kerne [ bewirk | bron bewerke ]

De gemeinte umvat de volgende 26 kerne: Acquoy , Asperen , Beesd , Buurmalsen , Deil , Enspijk , Est , Geldermalsen , Gellicum , Haaften , Heesselt , Hellouw , Herwijnen , Heukelum , Meteren , Neerijnen , Ophemert , Opijnen , Rhenoy , Rumpt , Spijk , Tricht , Tuil , Varik , Vuren en Waardenburg .

Historie [ bewirk | bron bewerke ]

Al in 1978 woort in de westeleke Betuwe heringedeild. Heibij oontstoonte de gemeinte Neerijnen en de vergroetde gemeinte Geldermalsen. Toen al wouw 't Ministerie vaan Binnelandse Zake hei 'n vaol groeter gemeinte make, meh umtot dao verzat tege waor, woort 'n aontal dorper aon de Waal in 'n apaarte gemeinte Neerijnen vereineg. In 1986 volgde de vorming vaan Lingewaal.

Oetindelek kraoge gemeinte ummer mie take vaan hoeger euverhede. Veural Lingewaard en Neerijnen, met allebei mer good tiendoezend inwoeners, koste dat op de langen door minder good drage. Beslote woort daorum um de drei gemeintes te fusere. Op 26 aprel 2017 woort de nuie naom bekind gemaak; neve West Betuwe waore ouch Betuwewaard en Waal en Linge in euverweging genome.

D'n oetindeleke naom waor neet zoonder controverse. Ton den Boon , d'n hoofredacteur vaan de Van Dale en inwoener vaan Varik, steurde 't oontbreke vaan e koppelteike. Heer weigerde zelfs veur de raodsverkezinge te stumme. ^[3] Heibij woort opgemerk tot 't perceis in Gelderland mie vaan die fout gesjreve naome gief, wie West Maas en Waal en Oost Gelre . ^[4]

Euverziech herindeilinge [ bewirk | bron bewerke ]

• West Betuwe (sinds 2019)
  • Geldermalsen
    • Beesd (tot 1978)
    • Buurmalsen (tot 1978)
    • Deil (tot 1978)
  • Lingewaal (1986-2019; tot 1987 Vuren geneump)
    • Asperen (tot 1986 es gemeinte in Zuid-Holland)
    • Herwijnen (tot 1986)
    • Heukelum (tot 1986)
    • Vuren (tot 1986, meh zuug bove)
  • Neerijnen (1978-2019)
    • Est en Opijnen (tot 1978)
    • Haaften (tot 1978)
    • Ophemert (tot 1978)
    • Varik (tot 1978)
    • Waardenburg (tot 1978)

Politiek [ bewirk | bron bewerke ]

Gemeinteraod [ bewirk | bron bewerke ]

Op 21 november koste de inwoeners stumme veur de gemeinteraod. Dit waor d'n oetslaag:

Borgemeister [ bewirk | bron bewerke ]

Harry Keereweer vaan de PvdA woort tot woernummende borgemeister vaan West Betuwe beneump.

Bron [ bewirk | bron bewerke ]

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie .

Rifferenties [ bewirk | bron bewerke ]

1. ↑ ^{1,0 1,1} De drei fusiepartners same, grenscorrecties veurbehawwe.
2. ↑ De drei fusiepartners same op 31 mei 2018, grenscorrecties veurbehawwe.
3. ↑ De Gelderlander - Baas Dikke Van Dale boycot verkiezingen West Betuwe om spelfout
4. ↑ De Gelderlander - West Betuwe, daar klopt niets van

Provincie Gelderlandj
Aalten · Apeldoorn · Arnhem · Barneveld · Berg en Dal · Berkelland · Beuningen · Bronckhorst · Brummen · Buren · Culemborg · Doesburg · Doetinchem · Druten · Duiven · Ede · Elburg · Epe · Ermelo · Harderwijk · Hattem · Heerde · Heume · Lingewaard · Lochem · Maasdriel · Montferland · Neder-Betuwe · Nijkerk · Nimwaege · Nunspeet · Oldebroek · Oost Gelre · Oude IJsselstreek · Overbetuwe · Putten · Renkum · Rheden · Rozendaal · Scherpenzeel · Tiel · Voorst · Wageningen · West Betuwe · West Maas en Waal · Westervoort · Wijchen · Winterswijk · Zaltbommel · Zevenaar · Zutphen
Opgeheve gemeintes