Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
De ligking van Wesfrieslandj in Nederlandj.
Wesfrieslandj
is 'n regio in 't naorde vanne pervinsje
Naord-Hollandj
, omslaote dore
Wesfriesen Omringdiek
en gelaenge t'n zuje van 't
Wieringermaer
.
Hoorn
,
Enkhuizen
,
Medemblik
en
Schagen
zeen de wichtigste plaatsen inne streek. E deil vanne gemendje
Alkmaar
veltj binne de Wesfriesen Omringdiek. De binnestad van Alkmaar huuertj aevel neet toete streek.
Wesfrieslandj is same mit
Twente
ennen
Achterhook
e gebied baove de revere wo van aadshaer oet 't
roeams-katteliek
geluif mieer aanhengers haet es 't
protestantisme
.
Wesfrieslandj haet veurnamelik 'n agrarisch karakter mit lang
lintjdorper
. In Wesfrieslandj is 'n aantaal grotter plaatse wie Hoorn (centrumfunctie veur Wesfrieslandj), Enkhuizen, Schagen, Medemblik en Heerhugowaard. Veural de haveplaatse Hoorn en Enkhuizen hobben 'n historisch karakter det ze danken ane
VOC
. Binne de streek is ouch de watersport van ikkenomisch belang, dit doordet de regio aan 't
Iesselmaer
en 't
Markermaer
ligk. De stad Medemblik haet mieeder jachhaves en hie vindj ouch de
Spa Regatta plaats
; Enkhuizen en Hoorn hobben ouch mieeder haves.