Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Sydney FC
spaolt 'ne vrundsjappeleke match tege
Los Angeles Galaxy
, november 2007.
Samevatting (
Polygoonjournaol
) vaan de vrundsjappeleke match Nederland-Belsj op 3 aprel 1955 (1-0).
'ne
Vrundsjappeleke match
is, veural bij teamsporte, 'ne match tosse twie teams dee gein oonderdeil vaan e toernooj oetmaak en boe geinen titel of pries met te pakke velt. D'n inzat is dus allein wins of verlees vaan deen eine wedstrijd. 't Begrip
oefenmatch
is oongeveer synoniem met
vrundsjappeleke match
; 't idee is tot zoe'n matche veural bedoeld zien um 't team in vorm te hawwe.
In 't
voetbal
waore in 't begin alle matche vrundsjappelek. 't Gaof nog gein competities, en clubs spaolde deks op aofspraok tegenein. 'n Club kos beveurbeeld in de gezet doen zette: "[Club A] daag [club B] oet veur 'ne match op [datum]". Pas wie links en rechs mie voetbalclubs woorte opgeriech, begos me dit systematischer aon te pakke; iers in
Ingeland
, later ouch op 't continent en in Zuid-Amerika. 't Ierste officieus Nederlands kampioensjap woort gehawwe in 't sezoen 1888/89; in 1898/99 voont 't ierste kampioensjap oonder de
NVB
plaots. Ouch de opriechting vaan bekertoernoje maakde de vrundsjappeleke match ummer mie euverbojeg. Allewijl zien vrundsjappeleke matche, zeker bij topteams, zeldzaom; ze vinde veural nog in 't zomerreces plaots of op bezunder meminte (beveurbeeld de eupening vaan e nui stadion).
Bij
interlandvoetbal
ligk dit aanders. Dit kraog pas nao 1900 vaste voot aon de groond boete de Britse eilen, en matche tosse nationaol teams waore es regel vrundsjappelek. Langen tied gaof 't allein op de
Olympische Speule
'n interland-voetbaltoernooj. Nao 1930, met de opriechting vaan 't
Wereldkampioensjap hierevoetbal
, kaom dao veraandering in. Toch spaolde me dao tossedoor nog gere losse matche. Pas met de inveuring vaan 't
Europees kampioensjap
en aander continentaol bekertoernoje, boe teams ziech ouch weer veur moste kwalificere, raakde de kalender ech vol. Zoe spaolde tot en met 1968
't Belsj
en
Nederland
eder jaor tegenein, meh besloot me daonao met die traditie te breke.
Oefenmatche bleve frequint um de loker in de kalender op te volle, en ouch um trainers te laote experimentere zoonder e groeter doel op 't speul te zette. De belaankstelling veur vrundsjappeleke matche waor evels door de koms vaan WK's en EK's hendeg klein gewore; deks moste teams speule veur slech gevolde stadions en bleve adverteerders ouch weg umtot te wieneg lui de match op de tv zaoge. Diverse confidderaties beslote tot de opriechting vaan
Nations Leagues
, boe-in diverse len in poules met oongeveer eve sterke tegestanders woorte ingedeild. De
UEFA Nations League
gong in 2018 vaan start; de
CONCACAF
zal in 2019 met
zien eige versie
volge. Es gevolg heivaan zalle echte oefenmatche nog mer incidenteel weure gespaold.