Dit artikel is gesjreve (of begos) in 't
Wienesraos
. Laes
hie
wie v'r mit de versjillende saorte Limburgs omgaon.
G'n Vink
is 'n
buurtsjap
i
Wienesrao
in de
gemeente
Baekdale
geleege tosje
Holsberg
en
Hunnekem
.'t
Gehuch
lik hoeeg en aafgeleege in 't veld baoeve de Vinkerbeek, de Wienesraoderbeek en 't natuurreservaat
d'r Ouwe bosj
. Vuur g'n sjoeel, g'n kerk en de winkele zint de luuj aagewieeze op Wienesrao. G'n Vink kreeg pas in 1956 electriciteit.
In totaal sjtunt 'r ongevier 14 hoeezer, woeevan 'n aantal ouw
carreboerderieje
. Boerderie Huntjens sjtamp oet 1857 vertelt 'ne geevelsjteen. Aan de helling langs d'r Potweeg sjteet 't
sjpekhoees
va Vink, 'ne haoef geboewd in
vakwerk
en sjpeklaoege.
Op de kruuesing met d'r veldweeg naoe Hunnekem sjteet in d'r sjieem van drie
lingebuim
'n groeete baee
kapel
, gewiejd aan
Sleevevrouw van Ummer doerende bieesjtand
. Door de inwoeenesj is in 1930 't initiatief genomme um 'n kapelke te boewe. In de loup der jaoere is dat naoe achtere toe oetgeboewd, zoeedat d'r plaats kaoem vuur 'n zestal banke en 'n
altaor
. 't Vruueger kapelke is noee d'r ingank. 't Vierkentig gebuuwke met 'n zjwart tentdaak is opgetrokke oeet verweerde betonblok.