Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

E verdraag , 'n conventie , 'n traktaat of 'n traite - vaanoet 't Duits ouch in officieel contekste e volkerrechtelek verdraag genump - is 'n sjrifteleke euvereinkoms vaan bindende eerd, op basis vaan internationaal rech ofwel volkerrech, tosse twie of mie volkerrechteleke subjekte, wie staote (zoewie 't Belsj , Nederland of Pruse ) en polletieke institute (zoewie de Europese Unie en de Vereinegde Naties ). In de praktiek is 't deks lesteg d'r zeker vaan te zien tot de partije die 't verdraag oonderteikene ouch werkelek 't goon opvolge. Wie Anne Peters , 'n Duitse rechsgelierde , stelde: "Weil es im Volkerrecht keinen zentralen Gesetzgeber gibt, fungieren die volkerrechtlichen Vertrage, insbesondere die multilateralen Vertrage (?Weltordnungsvertrage‘), als ?Gesetze‘ der internationalen Gemeinschaft". Ofwel: "Umtot 't in volkerrech geine centraole wetgever gief, fungere de volkerrechteleke verdrage, met naom de multilateraol vertrage ("Wereldordeverdrage"), es wette vaan de internationaol gemeinsjap".