Dit artikel is gesjreve (of begos) in 't
Oeals
. Laes
hie
wie v'r mit de versjillende saorte Limburgs omgaon.
't Waord
vacuum
(oet lat.
vacuus
?laeg“, ?vrie“) beteikentj volkomme of bienao helemaol laeg ruumdje. 't Maximaal vacuum of de maximale ongerdrok, lochledige, is 'n ruumdje wo gein loch of anger gaas aanwezig is. In die ruumdje bedreugtj de drok (naogenog) 0
pascal
. Deze drok, 0 Pascal weurtj ouch absolute drok genumpdj, en ouch weergegaeve mit de aafgeleidje eenheid veur drok bar(a).
Inne omgangssjpraok weurtj euver 'vacuum' gesjpraoke es m'n 't haetj euver ein
bienao helemaol lochledige
ruumdje (biejveurbeeldj 'n vacuumverpakking). Ouch de
techniek
enne
natuurkunde
gebroeke de oetdrokking in dees sjtrekking:
Vacuum
beteikentj det de toesjtandj van 'n
fluidium
in 'n
volume
biej eine
drok
, dae dudelik leger is es de
lochdrok
biej normaal omsjtandighede. Biej extreem leeg drokke, taege de absolute drok aan, weurtj gesjpraoke euver
hoogvacuum
.
Inne moderne
quantummechanica
leutj ein zo gemekkelik model zich aevel neet gebroeke: Inne
quantumveldjtheorie
zuutj men 't vacuum es ein dynamisch medium mit chaotische
vacuumfluktuaties
mit vaolsaortige anger eigensjappe, ouch waal
quantumvacuum
genumpdj.
Angers es biej de natuurweitensjappe zuutj de filosofie
vacuum
es
volkomme laeg
ruumdje.
Geluidstrillinge
hobbe materie neudig om zich te verplaatse:
geluid
verplaatstj zich dus neet door ein vacuum. Ein klassiek experiment besjtuitj oet eine hel tikkendje wekker onger ein vacuumklok. Es de klok weurtj laeggepomptj heurtj men de wekker neet meer tikke, leutj m'n de klok weer volloupe met loch, den heurtj m'n 't tikke waal weer.
Elektromagnetische golve
(wiej
leech
,
radiogolve
,
rontgensjtraoling
) verplaatse zich waal door vacuum.
Door de aafwezigheid van materie is vacuum eine sjlechte
wermtegeleider
, wodoor 't toepassing haetj es
wermte
-isolator, biejveurbeeldj inne dobbele wandj van ein
thermosfles
.
't Vacuum is gein laefruumdje, want laevende wezes hobbe materie neudig veur haor sjtofwisseling, en loch om te kinne aodeme, mer vaol laevendje wezes (zowie
bacterie
,
plantje
,
sjtaofmiete
) kinne eine bepaoldje tied in vacuum euverlaeve. Dere explodere of kaoke neet es ziej kort aan vacuum blootgesjteldj waere, mer ze gaon dood door versjtikking.
Biej
sjtoumturbines
weurdj van vacuum gebroek gemaaktj om ein hoger rendement te kinne haole, men gebroektj dao de volumeverkleining van sjtoum nao water om ein vacuum te krejere in de zogenumdje condensor, daomit weurdj de drokval euver de turbine groter, en zodoende sjteig 't rendement van zo'n installatie aanzienlik. De drokke die gebroektj ware loupe bienao taege 't absolute minimum aan, drokke van ongeveer 50 mbar(a) zeen gein oetzonjering.
Ein vaol bekindjer toepassing van vacuum is de sjtaofzuiger, dae in 't
Ingels
ouch
vacuumcleaner
weurtj genumpdj. Eine sjtofzuiger wirktj mit eine drok van ongeveer 800 mbar(a)