Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

Urologie is 'n chirurgische specialisatie inne genaeskonde die zich besjeftig mit veurnamelik operatieve behanjelinge vanne urienwaeg bie manskaerelen en vrolje, enne geslechsorgane van manskaerele.

Organe die ongere urologie valle zeen de nere , urienleiers , blaos , urienbuus enne mennelike organe penis , 't scrotum mit onger angere teelbel enne prostaot .

De urologie behanjeltj 'n vaolheid aan gans versjillige gekrenkdjes en perbleme, wie neerstein , prostaothypertrofie , prostaotkanker , impotentie en SOA's ; ouch vasectomie wuuertj veurnamelik door urologe oetgeveurdj.

De nefrologie is d'n internistischen taengenhenger vanne urologie. Nefrologe behanjele neerpatiente mit onger anger mediciene en dialies en operere dus neet.