Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
't
Urdu
(eige naom ???????) is 't in
Pakistan
gebruuk standaardregister vaan 't
Hindoestani
, in
Indogermaanse
,
Indische
taol die in groete deile vaan 't Indiaas subcontinent es lingua franca deensdeit en door de elite weurt gesproke. Wie 't Hindi is 't Urdu gebaseerd op 't
Khariboli
, 't dialek vaan
Delhi
en umgeving. 't Urdu is oontstande in 't
Mogolriek
, 'n
islamitisch
riek wat praktisch gans Zuid-Azie besloog en sinds de zeventienden iew Delhi es hoofstad had.
Hindi en Urdu versjelle neet of koelek in klaanklier en grammair, meh zien gemekelek vaanein te oondersjeie door hun sjrifte: dewijl Hindi 't
Devanagari
gebruuk, weurt Urdu gesjreve in
'n eige versie
vaan 't
Arabisch sjrif
(mie in 't bezunder is 't gebaseerd op de Perzische variant daovaan). Ouch 't
vocabulair
versjelt: 't Urdu kint e groet aontal
Perzische
lienwaord (en ouch vrij vaol
Arabische
en
Turkse
), dewijl 't Hindi mie lexicaol aofhenkelek is vaan 't
Sanskriet
. Boete Pakistan weurt 't Urdu ouch gebruuk door vaol
Indiase
moslims; iemes zien religie bepaolt daan deks of 'r 'nen Hindi- of 'nen Urdu-spreker is. Alles bijein sjat me 't aontal mojertaolsprekers op zoe'n 65 mieljoen, met nog ins 40 mieljoen twiedetaolsprekers.
Dit artikel is e sjtumpke. De kans Wikipedia helpe door 't
aan te volle
