Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

Telegrafie (oet 't Grieks : τηλε "wied" en γραφειν "sjrieve") is 't sjikke van berichte (telegrams) euver 'ne langen aafstandj. 't Versjiltj zich van gewuuene pos, omdet bie telegrafie allein 't berich wuuert versjik en neet 'ne fysieke breef. 't Apperaat det 'nen telegram versjik neump zich 'nen telegraaf enne miens dae 'm bedeentj hetj 'nen telegrafist.

Bie telegrafie motte zowaal dae waat 't berich sjik es d'n ontvanger weite wie de berichte zeen gecodeerdj. De bekandjste en meis-gebroekdje codering was de Morsecode .

Euvere loup vanne jaor gebroekdje me versjillige technieke veur 't versture van telegrams. Bieje ieeste telegrave mos me 'n fysieke draodverbinjing hobbe tosse dae waat sjik en dae waat ontvingk. Granville T. Woods ontwikkeldje in 1885 inductietelegrafie, wobie me 'ne korten aafstandj draodloeas kos communicere. Rondj daen tied waas ouch Guglielmo Marconi besjeftig mitte ontwikkeling van draodloeaze telegrafie euver radiogolve . In 1901 lokdje 't dem veur 't iees berich euveren Atlantischen Oceaan te versjikke songer draoj.

't Gebroek van telegrafie daaldje al rilletief snel mitte opkoms vannen tillefoon . Later raakdje 't gans in onbroek mitte koms van fax en e-mail .