Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
Steely Dan
is 'nen Amerikaanse jazz-rockband. De wichtigste leje zeen
Donald Fagen
en
Walter Becker
. De jaore sevetig woor d'n tied wienee det d'n band 't populairs woor en woorin ze zeuve albums oetbrachte worop ze elemente oete jazz, rock, funk, R&B en pop haoldje. Haor bekendjste nummers zeen "Do it again", "Reelin' in the years", "Rikki don't lose that number", "Haitian Divorce" en "Kid Charlemagne".
De meziek vanne groep wuuertj gekenmerk door komplekse dore
jazz
beinvleudje structuren en hermeniee. Becker en Fagen hadden 'n aantal op versjellendje albums trogkkommendje (studio)muzikantje wie
Larry Carlton
,
Denny Dias
,
Bernard Purdie
en
Jeff Baxter
. De tekste van Steely Dan bevatte doks vaol sarcasme en de thema's d'rvan variere van drugs toet criminaliteit en leefdjesproblematiek. Becker en Fagon staon bekendj om haor, ongerhandj obsessief te neume, perfectionisme tiedes opnaamsessies inne studio; ze hobbe ze gewerk mit mendestes 42 versjellendje sessiemuzikantje en ellef geluudstechnici bie 't opnomme van 't album Gaucho, det e gans jaor doerdje. 't Album bevatj slechs zeve leedjes.
De gesjiedenis vanne band is te verdeilen in drie periodes. De ieeste periode is die van 'n conventioneel popgroep die deej toeren en platen opnoom (van 1972 toet en mit 1974), bestaondje oet onger angere Walter Becker en Donald Fagen. Inne dao-op volgendje periode, die doerdje toet 1980, besting Steely Dan oetsloetendj oet Becker en Fagen en nome ze allein platen op inne studio mit beholp van sessiemuzikantje wo-onger
Michael McDonald
en
Jeff Porcaro
(bekindj van
Toto
). De band waas mit name populair inne
Vereinigdje Staote
wo ze door meziekcritici vergeleke woorte mit onger angere
The Beatles
. Begin jaore '80 ging de band oeterein, mer inne jaore '90 kome Becker en Fagen weer biejein. Ze begoste weer regelmaotig op te traejen en hobbe versjillige live- en studioalbums oetgebrach.
Steely Dan haw inne jaore '70 zie huuegdjepuntj. Ze brachte zes albums oet wo-op onger angere invlood vanoete jazz, rock-'n-roll, country, funk, rhythm-and-blues en pop te huuere zeen. De meziek bevatj complekse, dore jazz beinvleudje structuren en hermenieje en doks weurt gezag det de meziek op 't ieeste gehuuer "gepolies" klink.
Mit name de tekste van Steely Dan hobben 'n zeker cultstatus gekrege. Becker en Fagen doon zelf in interviews doks mysterieus euver haor teksten en det haet d'rtoe geleidj det vaol luuj haor eige interpretaties ane tekste gegaoven hobbe. Ouch guuef 't de
Steely Dan Dictionary
, wo me neuchter verklaoringe kintj opzeuke veur bepaoldje waord of zinsdeiler.
- 1972:
Can't Buy a Thrill
- 1973:
Countdown to Ecstasy
- 1974:
Pretzel Logic
- 1975:
Katy Lied
- 1976:
The Royal Scam
- 1977:
Aja
- 1980:
Gaucho
- 2000:
Two Against Nature
- 2003:
Everything Must Go
