Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
'n Ellipsvormig starestelsel in 't
Starestelsels cluster
Abell S740
temidde vaan versjellende types starestelsels
indeiling vaan starestelsels volges
Hubble
e
Starestelsel
is 'n groete verzameling
stare
die ziech op relatief geringen oonderlingen aofstand bevinde. In eder starestelsel is ouch
gaas, stof
en (woersjijnelek)
doonker materie
aonwezig. 't Systeem weurt bie-ein gehawwe door de eige
zwoertekrach
. Starestelsels hobbe miestal 'n
spiraalvormige
, sjijf- of bolvormige struktuur, met dao-umheen 'ne bolvormige
halo
boe-in de zwoertekrach ouch nog invlood heet.
De astronoom
Lord Rosse
gebruukde es ierste d'n term "spiraalnevel" veur de starestelsels die heer bestudeerde. Heer had evels 't besef neet tot uzze
Melkweeg
e soortgeliek stelsel waor en tot de stelsels die heer bestudeerde op groete aofstand boete uzze Melkweeg ligke. Pas in 1923 woort door
Edwin Hubble
aangetuind tot deze spiraalnevels starestelsels waore die boete us eige stelsel ligke.
Es de nachteleke hiemel bekeke weurt, zien veer oongeveer in 't centrum 'ne strook van diech op-ein stoonde stare, 't starestelsel boe veer deil vaan oetmake, de Melkweeg. 't Gehiel daovaan vormp 'n enorm sjijf die veer op dees meneer vaan de zijkant bekieke, boedoor de stare korter opein liekene te stoon. De melkweeg is allein good te zien bij 'ne doonkeren hiemel, wat in Nederland, veural in de
Randstad
, en in groete deile vaan
Belsj
neet veurkump, es gevolg vaan de
leechvervojling
. Umtot 't
zonnestelsel
zelf deil oetmaak vaan uzze Melkweeg, kinne veer daovaan slechs 'n deil zien.
De
Andromedanevel
in 't gelieknaomeg
starebeeld
gief e good totaalbeeld vaan de figuur zoewie ouch uzze Melkweeg oetzuut. M51 in de
Jachhun
(
Canes Venatici
) gief 'n sjoen bove-aonziech.
D'n astronoom Edwin Hubble verzon e systeem um de versjellende vorm vaan starestelsels in te deile. 't Systeem kint drei hoofgrope:
- E
:
elliptische stelsels
, variaties vaan E0 veur bolvormig tot E7 veur laankgerek; miestal wienig gaas aonwezig
- S
:
Spiraalstelsels
, variaties vaan Sa veur strak gewonde spiraal tot Sc veur los gewonde spiraal; mie gaas es in elliptische stelsels
- SB
:
Balkspirale
, variaties vaan SBa tot SBc, es bove.
Daoneve gief 't nog starestelsels die neet aon bovestaonde vorm voldoen, dees weure
Ir
(vaan
Irregular
, oonregelmaotig):
oonregelmaotige starestelsels
geneump.
Later zien door aandere nog verfijninge aongebrach die beveurbeeld de gemiddelde
spectraalklasse
vaan de stare, de 'kiekhook' (rech vaan bove of op de zijkant) en de maote vaan concentratie aongeve. Volges ein vaan dees systeme zou de
Andromedanevel
klasse
kS5
zien.
't Ontstoon vaan starestelsels
[
bewirk
|
bron bewerke
]
Nao d'n
oerknal
bestoont de
materie
in 't hielal allein mer oet
waterstof
(H) en
helium
(He) en veural
doonker materie
. Door klein versjelle in de diechde vaan veural de doonker materie begoste concentraties vaan materie te oontstoon. Nao e paar hoonderd miljoen jaar waor oonder invlood vaan de zwoertekrach zoevaol bie-ein gekloonterd tot ziech oet 't gaas stare koste vorme. Starestelsels koume veurnaomelek veur in groppe bestaond oet mierdere stelsels, zoegenaomde
clusters vaan starestelsels
.
Recent hobbe oonderzeukers oontdek tot de mieste starestelsels in 't centrum woersjijnelek ein of mierdere
zwarte gater
hobbe.