Dit artikel is gesjreve (of begos) in 't Heelesj . Laes hie wie v'r mit de versjillende saorte Limburgs omgaon.

Sjteekaol (of einfach: koal , kaol ) is e metamorf gesjteente dat gevormt weed durch aafzettinge va fossiel plantereste. 't Gesjteente besjteet oet loage koalsjtof , dat durch hoeege druk, hoeege temperatoer en 'ne lange tiedsdoer omgevurmd weed. Koal vurmt zich noa broenkoal ; broenkoal ontsjteet noa turf . Metamorfische processe haote neet op bei de vurming va koal. Oetintelig ontsjteet diamant . Koale weede mieestal ongergronks gewonne. 't Gesjteente weed doks gebroek es branksjtof vuur elektriciteetscentrales. Vreuger woeed koal och gebroek vuur hoeshaotelige activitete, wie koake of 't brenne va 'ne kachel. De opkoms va de centraal verwerming op basis va eedgaas i de 70'er joare, beteekende d'r sjloes van 't koalegebroek in 't hoeshaowe.

Koalewinning i Limburg [ bewirk | bron bewerke ]

't Ewegvalle va de vroag noa koale hat es gevolg dat de sjleting va de koele i g'n Miensjtrieek neet te vermiede woar. De letste koel woar de Oranje Nassau I i Heele . Ze woar in productie bis 1974. In 1965 kondigde 't kabinet Cals ( KVP , ARP, PvdA ) al de sjletinge va de Limburgse koele aa, weil ze economich onrendabel begoste te woeede.

Zuud- en Midde-Limburg make deel oet va e groeeter sjteenkoaleveld, dat zich oetsjtrek va Ibbenburen in 't noarde va Noardrien-Wesfale , bis i g'n ouw Noard-Franzuesisje regio Nord-Pas-de-Calais . Dit sjteenkoaleveld woeed gevormt in 't geologisch tieedperk van 't Wesfalien (313-309,9 Ma ), 'n deelperiode van 't Carboon (359,2-299 Ma). I d'r twelfde ieew woeed vuur 't ieesj koale gedolve i ge daal van 't revierke de Worm bei Kirkroa . In 1723 kreeg 't kloeester va Rolduc 't rech om 't sjteekoaleveld i g'n umgeeving va Kirkroa te exploitere. Dit gebeed sjtang sjpieeder bekank es de Domaniaal . Vanaaf 1901 woeed 't gebeed va Kirkroa bis aa Zittert-Geling (de Oeestelige en Westelige Miensjtreek) durch d'r Sjtaat geexploiteerd.

   Dit artikel is e sjtumpke. De kans Wikipedia helpe door 't aan te volle