Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

'n Roeps (of ropsj ) is de larve van 'n zomervleeg . Roepse zeen euver 't algemein onopvallendje bieester. Toch spele sommige saorten 'n groeate rol in 't daacheliks laeve vanne miens en zeen ze bie 't groeat publiek bekendj, beveurbeild de ziejroeps enne eikeprocessieroeps . Ouch ecologisch gezeen zeen roepse 'n wichtige groep; neet allein wirke ze enorm wievaolheje plantjaerdig matterjaal eweg, ouch zeen ze 'n proeai veur vaol versjillige deersaorte; van veugel toet sluupwapse . Roepse greuje snel en numme groeate wievaolheje voor toet zich. Ze hobbe 'ne karakteristieke boew dae meh mit weinig larve van anger insektenordes verwardj kan waere. Roepse hobbe vaol verfiendje truukskes om oet henj van vieenj te blieve, somtieds zeen ze toet las veure miens.

't Guuef ouch 'n kermisattractie die verneump is nao de roeps ( roepsbaan ).