Dit artikel is gesjreve (of begos) in 't Heelesj . Laes hie wie v'r mit de versjillende saorte Limburgs omgaon.

't Ordovicium is e geologisje tiedperk die ongerdeel oetmakd va de era Paleozoicum . De periode lop va 485,4 bis 443,4 meljoen joare geleje. 't Is 't twieede tiedperk va de era Paleozoicum en weed vuuraafgegange durch 't Cambrium en opgevolgd durch 't Siluur . Kinmarkengd woar de werme temperetuur en e hoeeg zieenivo, mit as oetzungering ing kotte iestiedperiode i 't Sjpieer-Ordovicium en 't Cambrium haw wermere tempereture en e hoeeger zieenivo. 't Mieetste mieecellige leeve woar te vinge i 't water, allewaal 't de ieesjte insecter en primitieve vuurluepers va plenter op lank gof. Prominint marien leeve woare inkvisse en grapoliete en op lank woare sjlekker voalvuurkommengd. Och koame de ieesjte kaakluese visse en sjpieer och de kaakvisse i 't Ordovicium vuur. Och de ieesjte korale , Bryozoa en zieesjtare ontsjtange.

't Ordovicium woeed vuur 't ieesj vermild durch d'r Britse geoloog Charles Lapworth en 't vernomt noa de Keltisje sjtam de Ordovices . Get vuftig joare doa vuur woeede de geologisje tiedperke 't Siluur en 't Cambrium ontdak en besjreve durch Roderick Murchison en Adam Sedgwick , allewaal de persieze definities va de tiedperke elkeen korrespondeerde. 't Ordovicium woeed i 1906 officieel erkangd durch IGC . I Groeet-Brittannie woeed 't Ordovicium, wie de anger tiedperke die durch Britse forsjes zint ontdak, 't mieets ongerzeukt. De series i 't Ordovicium zint vernomt noa Britse geografisje aadedinger. I de joare '90 woeed ing weeltwiede indeling gemakd, die neet alling gebaseerd is op Britse namer.

't Gesjteente va 't Ordovicium is mit 't Cambrisje gesjteente as ieesjte gevormt en gevaawd tiedes de caledonisje orognese en hercynisje orognese en me kint Ordovicisj gesjteente vinke i de gebirgdes va Noardwes-Europa en Noard-Amerika. I de Ardenne kint me leech metamorf Ordovicisj zaanksjtee en leisjtee vinke. Mieestes bevatte de undepere sedimente va Ordovicisje oersjprung och fossiele .