Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
MapleStory
is 'n gratis 2D spel, 'n zoegenaomde
MMORPG
, gemaak door 't bedrief
Wizet
, wat intosse door
Nexon
is euvergenome, oet
Zuid-Korea
. De maags 't speule es te tien jaor bis. 't Speul spaolt ziech aof in
Maple World
, boe de speulers moonsters kinne versloon en ziechzelf kinne verbetere, zoewie dat geit in
role playing games
. De speulers kinne metein
chatte
, handele en minigames speule. Ouch is 't meugelek um same te speule in zoegenaomde gildes um same de moonsters te versloon en de beloening te deile.
Speulers zien ingedeilt in klasse, boevaan 't 'rs zeve gief: baogsjotter, deef, magier, krieger, piraat, aran, evan en cromi. De begins te speule es beginner, en kins nao 't behole vaan 'n aontal niveau's in ein vaan de klasse terechkoume.
Um 't speul te kinne speule moot software weure gedownload. Daoveur moos te diech iers registrere. De software is gratis en de kins ouch gratis speule, mer veur bepaolde dinger, wie kleier en bepaolde speuloonderdeile, kins te betaole. Dit is evels neet nudeg um 't speul te kinne speule.