Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

't Liberalisme is 'n politiek-maotsjappelike struiming waarin de vrieheid van 't individu centraal steitj. Dees struiming is ontstangen innen achtieendjen ieef en woort veur 't iees inne praktiek gebrach nao de democratische revoluties vanne neugetieendjen ieef in Europa en Naord-Amerika .

Veure vrieheid van 't individu te garandere mot de euverheid zich zoea min meugelik besjeftige mit ingriepen inne economie en 't maotsjappelik laeve vanne borger . Daomit steitj 't liberalisme geraadwaegs taengeneuver 't socialisme . E wichtig puntj van 't liberalisme is de sjeijing tosse kirk en staot , wobie 't liberalisme waal weer veurstenjer is vanne vrieheid van godsdeens. Ouch wille de liberale det de staotsinrichting vasgelag wuuertj inne grondjwet , wo ouch alle grondjrechte vanne borger in motte staon.

In 't liberalisme van noe zeen versjillige struiminge te ongersjeie; dees varieere van klassiek liberalisme toet progressief en sociaal liberalisme .

De VVD en D66 zen in Nederlandj politische partieje die ideologisch gezeen toet 't liberalisme behuuere. Op EU -niveau behuueren alle nationaal pertieje binne de Europese Unie toet zeker Europese pertieje . De liberaal pertieje behuuere meis toet Renew Europe ; wie ouch de Belzje Open VLD en Mouvement Reformateur , de Duutsje FDP en de Nederlandjse VVD en D66 .