Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
De longe bieje miens.
De
longe
zeen de gepaardje aomhaolingsorgane van gewerveldje bieester, mit oetzunjering vanne meiste
vissen
en sommige
amfibieje
.
Inne longe vindj gaaswusseling plaats tosse loch en
blood
veur 't metabolisme. De longe van zougdere zeen gein hol ruumdjes die gevoldj waere mit loch, mer hobben 'n sponsechtige structuur zodet 't oppervlak wo gaasoetwusseling meugelik is vaol grotter wuuertj. De longe van amfibieje zeen waal te vergelieke mit 'n laeg toet, die dus neet hieel efficient is. Ze aome denouch door kaelaomhaoling en dore
hoed
.
Door te aome kan gaaswusseling plaatsvinje; zoerstof diffundeertj den 't blood in en koolstofdioxide d'roet. Zoerstof is nuuedig veure verbranjing van voor, wobie energie vriekump veur e groeat aantaal processe. Ouch wuuertj mitte aomhaoling koolzoer eweggehaoldj det wuuertj geproduceerdj bieje verbranjing van voorstoffe. De concentratie van koolzoer in 't blood wuuertj geregeldj door 't aomcentrum in 't
herre
.
De miensjelike
longe
: 1.
lochpiep
; 2. rechse
bronchus
; 3. linkse bronchus; 4. rechse long, mitte longlobbe: (a) baovels; (b) middels; (c)ungels; 5. linkse long, mitte longlobbe: (a) baovels; (b) ungels; 6.
fissura obliqua
; 7.
fissura horizontalis
; 8.
longslaagaor
.