Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Klipdasse of Hyracoidea zien 'n orde vaan klein, herbivoor zoogdiere . Alle noe levende klipdasse hure bij de femilie Procaviidae . Aofhenkelek vaan de soort weure ze tosse de 30 en 70 cm laank en tosse 2 en 5 kilo zwoer. Ze leve in Afrika en 't Middel-Ooste .

Oet fossiele kump nao veure tot ze vreuger vaol met vaol mie waore en in Afrika de belaankriekste herbivore waore. Daobij sjijne de olifante oet prehistorische klipdasechtege bieste geevolueerd te zien.

Soorte [ bewirk | bron bewerke ]

Taxonomisch zien de klipdasse in drei geslachte en elf soorte verdeild.

• HYRACOIDEA
  • Procaviidae
    • Echte klipdasse ( Procavia)
      • Abbesiense klipdas ( Procavia habessinicus )
      • Kaapse klipdas ( Provacia capensis )
      • Johnstonsklipdas ( Provacia johnstoni )
      • Kakoveld-klipdas ( Provacia welwitschii )
      • Westeleke klipdas ( Provicia ruficeps )
    • Bosklipdasse ( Heterohyrax )
      • Ahaggar-klipdas ( Heterohyrax antineae )
      • Geelgevlekde klipdas ( Heterohyrax bruceii )
      • Matadi-klipdas ( Heterohyrax chapini )
    • Boumklipdasse ( Dendrohyrax )
      • Oosteleke boumklipdas ( Dendrohyrax validus )
      • Zuieleke boumklipdas ( Dendrohyrax arboreus )
      • Westeleke boumklipdas ( Dendrohyrax dorsalis )