Dit artikel is gesjreve (of begos) in 't Kirchroadsj . Laes hie wie v'r mit de versjillende saorte Limburgs omgaon.

Kirchroa , Nederlands: Kerkrade , is ing jemeende en ing sjtad in 't zuudoste va Hollendsj Limburg . De lu kalle Ripuarisch-Frankisch , wie och i Boches , Zumpelveld en i Vols . Jet jans angesj wie de mieetste Limburjer lu kalle. De sjtad houw op 1 jannewaar 2006 49.344 i-woeenere. Burjemeester is Petra Dassen-Housen van 't CDA . Kirchroa is tsezame mit Heele , Lankgraaf en 't Dutsje Roa ( Herzogenrath ), a jen angere zie van de jrens, ing agglomeratie. Ejentlieg vormt 't ing sjtad mit Roa. Mit Roa is de jemeende de "Europasjtad" Eurode . Doa-oave ligkt 't och nit wied va Oche ( Aachen ).

Sjtadsjesjiechte [ bewirk | bron bewerke ]

De sjtad hat jing jesjiechte als jroeese handelssjtad, woadurch me i Kirchroa ummezuns zal zukke noa voal ouw jebouwe. Ze is vuur 't wichtigste deel noa d'r krig entsjtange ? de nui sjtadsvieedele vulle de locher op tusje de ouw dorper, die me doks noch jod tseruk ziet. Wieer is Kirchroa bekand um zieng wiee anlaag, parke wie d'r Botaniesje Jaad die de bewoeenere lof mosse jeeve. Tsezame mit Heele en Lankgraaf weed Kirchroa waal " Parksjtad Limburg " jenompd. I 2005 is i Kirchroa d'r ieesjte richtieeje Limburgse zoo op jange: d'r Jaiajaad .

Wie vaol plaatsje i Limburg woar Kirchroa al in de Romeinse tsiet bewoeend. Archeologiesj ongerzuk hat zoeejaar bewoeening oes de prehistorie beweeze. De ieetsjte moal dat't dorp weet jenompd is in 960 , in dat joar woeed in 't dorp Rode ing kirch jebouwd. De abdij Rolduc braat de plaatsj in de Middelieewe tse bluij, en in 1630 woeed 't tot herliechheed verhoave. Noa d'r Achtsiegjoarige Krig bloof de plaatsj in Sjpaanse heng, sjpieeder in Osteraichse. Sait 1815 is de plaatsj vuur 't jroeetste deel Hollendsj, bis ee jrensprobleem mit Pruse d'r vuur zorjet dat 't in tswai sjtukker verdeeld woeed - 't anger deel is Hertseroa/Roa , de Nieuwstraat/Neustraße/Nuisjtraos en d'r Worm zund de jrens.

Al in d'r tswelfde ieew woeete i Kirchroa koale jewonne. Noa de Franse tsiet zunt de koele in kotte tsiet jroeeser woeede; durch de immijratsioeen waset Kirchroa mit, van e jroees dorp bis ing richtieje sjtad. Noa 1900 noom Heele evvel de laitoeng.

• D'r Joep , ozze koempel is e beeldje op d'r maat.

Wappe [ bewirk | bron bewerke ]

Op 26 fibberwaar 1887 krig Kirchroa van d'r Hoeege Road van Adel e wappe tsouwjekaank, dat ziech zoee liet umsjrieve :

In ee veld va jood ( jeel ) 't bild van d'r H. Lambert, jekleed mit pluviale va keel ( roeed ), mit mantelkrans va jood, woa-onger inne alba va zilver ( wies ), hoadend i jen rechterhank ee zjweed va zilver en i jen linke inne bisjofssjtaf va jood; haufweeg oeskommend hinger ee sjild va zilver, beloa mit inne lieew va keel, mit doebbele sjtart, jetonk en jekrald va jood; hinger 't sjild pikkelhammere en sautoir.

Vuur de Franse tsiet maachet Kirchroa as sjepebank en herliechheed deel oes van 't Land va Roa. D'r lieew va keel is 't wappe va (Hertse)Roa. D'r Lambert is d'r petroeen va Kirchroa. Ooch op ao zieejele zunt dizze tswai simbole tse vinge. Bij 't aavroage van 't wappe woar Kirchroa al ing jrosse koempelesjtad, vandoa dat de tswai pikkelhammere as simbole va jenne koel woeete tsouwjevoogd. ^[1]

Historische inweunertsale [ bewirk | bron bewerke ]

Hei-onger is jod tse zeen wie 't dorp Kirchroa vanaaf d'r tswaide helft van d'r nungtsiende ieew oeswees bis ing riechtieje sjtad. Doatseenuever sjteet dat d'r krimp hei ooch ieeder begos: me zuut dat al in de joare zessieg. Dizze krimp jeet bis op d'r daag van huj durch.

Bemerkoenge

• Alle tsale zunt nog oane Ejelze wat ieesj in 1982 bij Kirchroa koam.
• De tsale vuur 1971 zunt aafjerunk op janse vunneftsale.

Rillatief entwiklong van 1830 bis 1971

( logaritmische sjoal; v ₁₈₃₀ =100)

Jrun: Jemingde Kirchroa
Bloa: Provins Limburg

Eveneminte [ bewirk | bron bewerke ]

• Orlandofestival , e joarlichs festival vuur kamermoezziek .
• Wereld Muziek Concours , veerjoarlichs internationaal moezziekfestival.

Jehuchte en buurtsjappe [ bewirk | bron bewerke ]

Jehuchte en buurtsjappe va Kirchroa:

• Berenboesj ( Berenbos )
• Blieerhei ( Bleijerheide )
• Eresjteng ( Erenstein )
• Egelze ( Eygelshoven )
• Haander ( Haanrade )
• Ham
• De Heilust ( Heilust )
• De Hoots ( Holz )
• De Jraat ( Gracht )
• Kaalhei ( Kaalheide )
• Kloeesterbusj ( Kloosterbos )
• Krichelenberg ( Krekelenberg )
• Kirchroa ( Kerkrade )
• De Klink ( Klink )
• De Loeet ( Locht )
• 't Mucherveld ( Mucherveld )
• Nulled ( Nulland )
• Panneshei
• Rolduckerveld
• Sjevemet ( Chevremont )
• Sjpekhei ( Spekholzerheide ) en Onger Sjpekhei
• Terwinsele
• Valkenhoeze ( Valkenhuizen )
• Vauputs
• De Vink

Bekinde Kirchroadsjer [ bewirk | bron bewerke ]

• Willy Brokamp , foesballer MVV, Ajax en Oranje
• Wiel Coerver , bekankde foesbaltrainer
• Piet Giesen , foesballer va Roda Sport, PSV, ADO, Fortuna, AS Oostende en 't Nederlands elftal
• Frans Haselier , buutereedner
• Gerard Hoenen , foesballer van Roda Sport, PSV, MVV
• Andrew van Horssen , oesvinger en politieker
• Sjaak Janssen , buutereedner
• Ger Kockelkorn , politieker
• Ger Senden , foesballer va Roda JC.
• Ralf Krewinkel , politieker
• Wiel Kusters , diechter en sjriever
• Tij Kools , sjriever en publicist
• Niek Ploum , zenger, sjriever
• Ludwig Rutar, bekind va Leni & Ludwig
• Hein Simons (Heintje) , zenger
• Yvonne Timmerman-Buck , vuurzitter Ieesjte Kamer
• Jack Vinders , theaterman en zenger
• Paul Weelen , sjriever en dichter
• Frans Wiertz , bissjof
• Thijs Woltgens , politieker

Dorpsveraine [ bewirk | bron bewerke ]

• D'r Wawwel , dialekverain
• Harmenie Sint Pancratius Nullet

Extern linke [ bewirk | bron bewerke ]

• Startpajina vuur Kirchroa
• Website va vootbalclub Roda JC

Rifferensies [ bewirk | bron bewerke ]

1. ↑ Heraldrywiki - Kerkrade
2. ↑ Volkstsellong 1830
3. ↑ Volkstsellong 1840 - Limborg
4. ↑ Volkstsellong 1849 - Hertiegdom Limburg: jemingdesjewies indelong va jen provins
5. ↑ Volkstsellong 1859 - Plaatsjlieje indelong
6. ↑ Volkstsellong 1869 - Egentlieje of jetselde bevolkeroeng in eder jemingde van 't riek
7. ↑ Volkstsellong 1879 - Limburg: plaatsjlieje indelong
8. ↑ Volkstsellong 1889 - Limburg
9. ↑ Volkstelling 1899 - Limborg
10. ↑ Volkstsellong 1909 - Plaatslieje indelong
11. ↑ Volkstsellong 1920 - Plaatsjlieje indelong
12. ↑ Volkstsellong 1930 - Plaatsjlieje indelong
13. ↑ Volkstsellong 1947 - Plaatsjlieje indelong
14. ↑ Woeenongtsellong 1956 - Wiechtiegste jejeeves per jemingde
15. ↑ Volkstsellong 1960 - Bevolkeroeng va jemingde en ongerdele va jemingde
16. ↑ Volkstsellong 1971 - Plaatsjlieje indelong

Jemingde Kirchroa
Dorper : Egelze | Kirchroa | Rolduc | Sjevemet | Sjpekhei | Terwinsele
Buurtsjappe en gehuchte : Berenboesj | Blerhei | Bovenste Locht | Eresjteng | Haander | Ham | De Heilust | De Hoots | Hootsbrook | De Hopel | De Jraat | Kaalhei | Kaffeberg | De Klink | Kloeesterbusj | Krichelberg | De Loeet | 't Mucherveld | Nulled | Onder Sjpekhei | Panneshei | Rolducerveld | Sjifferhei | Valkenhoeze | Vauputs | De Vink | Waobicherveld

Provincie Limburg
Baek · Baekdale · Baerge · Bezel · Broensem · Ech-Zostere · Eesjde-Mergraote · Gennep · Gulpe-Wittem · Haors aan de Maas · Heele · Kirchroa · Lankgraaf · Leudaal · Maasgoew · Meersje · Mestreech · Mook en Middelar · Ni-jwieert · Pieel en Maas · Remuunj · Roerdale · Stein · Valkeberg aan de Geul · Venlo · Venroj · Voelender · Vols · Wieert · Zittert-Gelaen · Zumpelveld
Opgeheve gemeintes

50° 52' NB, 6° 4' OL