Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

Imperator Caesar Augustus ( 23 september 63 v.Chr. Roeame - 19 augustus 14 n.Chr. , Nola ) waas d'n ieeste princips van Roeame om middels cummulatie van versjillige beveugheje van rippeblikeinse magistrate de feitelike mach in henj te kriege euver Roeame.

Augustus waar 'nen achternaef en de veurnaamste irfgenaam van Gaius Iulius Caesar en won de machsstried die volgdje oppe maord op Caesar in 't jaor 44 v.Chr. , en vanaaf 31 v.Chr. waas d'r d'n alleinhieersjer euver 't Romeins Riek ( Imperium Romanum ). Hae maakdje 'n enj aan 'nen ieef aan borgerkriegen en stifdje inne dao-opvolgendje periood de Julisch-Claudische dynastie. Onger 't mom van 't herstel van 't rippebliek ( restitutio rei publicae ) veurdje d'r in wirkelikheid 'n duurzaam omvorming toet 'n monarchie ( principaat ) door. Zien hieersjappie mondje oet in 'ne langdoerigen tied van interne vraej, dae es Pax Romana wuuertj aangegaeve.