Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
Kaap de Gooj Haop
ligk bie
Kaapstad
in
Zuud-Afrika
en bevindj zich op 't zujelik puntj van 't Kaaps Sjeireilandj.
Meugelikerwies hobbe de aaj Egypteneren al rondj Afrika gevare vanoet de
Roeaj Ziee
, de kaap om en trogk dore
Straot van Gibraltar
, mit behulp van
Fenicische
zieevaerders, zoea wuuert vermeldj door
Herodotus
.
d'n Ieesten Europeaan dae omme kaap voor waas
Bartolomeu Dias
in
1488
. Hae ontdekdje de kaap nao las te hobbe gadj van zwaor storm en neumdje 'm denouch
Cabo das Tormetas
("Stormkaap"). Later verangerdje de naam nao
Cabo da Boa Esperanca
("Kaap van Gooj Haop"), omdet de ontdekking daovan de zieeroute nao
Indie
korterbie brach.
Op
6 april
1652
vestigdje
Jan van Riebeeck
'n vernujingspos vanne
VOC
hie. Vanoet hie ontwikkeldje zich 'n richtige kolonie, wobie landj woort toegekandj ane vrieborgers die zich hie vestigdje. In
1795
woort 't gebied Brits bezit.
Kaap de Gooj Haop wuuert traditioneel gezeen es de plaats wo d'n euvergank tosse d'n
Atlantischen Oceaan
ennen
Indischen Oceaan
ligk, omdet de sjeper hie van 'n zujelike richting euvergaon op 'n oeastelike richting (vanoet Europa gezeen). Inne
hydrografie
trek me de grens aevel vanaaf
Kaap Agulhas
, get zujeliker en zon 200 km oeasteliker.
De watere vanne twiee oceane minge zich knap bliek oete struimingspetroeane; de richtige sjeijing tosse de twiee sjuuf op en aaf tossen allebei de kape.